هنا

[فقار الكرخي]

المايصلي ابکلبه مايسمع اذان
المايبات بروحي ما دوره بمجان
الماتوضي عيونه ورده
جفوفه خشنه وعمره ماضايک حنان
وانت انت
تعرك الركبه بسمارك
تعطش ابرودت زلف
وتلتم الغبشه اعله خدك
آخ يل ليلك كلف
انه هزيت السوالف
وانت تتساقط كرب
وشيب بروحي مسيحك
من اهدهه ورسمك بعيني انصلب
من اهدهه وروحي زفت كل نخلهه
وخضر ابروحك رطب
شيل عينك
حيل غثيت النهر
فشلة الصفصاف يضحك
ضحكة المامش قهر
وآخ يل عينك سفينه
الماي غربه
الروج مايرحمله خد
لاتخلي ابعيني سد
لا اتأمن الشاطي واتوهسله مد
ارسي باخر نيه عندك لايفز بينه الهوه
لاتسولف يمي ليل
ولا تشيع ضحكتي ابجف الضوه
رحمة ابنادم زغيره وذنب المفارگ جبير
اتفرح العصفور شجره
ايهوس البستان لو بلبل يطير
وانه تجتفني الكصيبه
اتفرع ابکد مشتهاي
خصرك ايغثني محنه
براسي راعي ايموت لو ما بيده ناي
امنين ما شوفك بعيد
امنين ماشوفك محطه اتودع ابكل لحظه راي
فدوه رسيني اعله راي
فدوه دليني اعلا ليله وكون مابيهه كاس
وفدوه دليني اعلا شمعه
اتموت لو مايمهه ياس
وما أتعبك
ما أتعبك
هذا طارش شوكي اجاك
لملم الشوف اعله طولك
خاف عيني اتعاشر ابنادم وراك
وما أتعبك






لشاعرها

[الجنوبي ابن الناصريه]

شعر في غاية الروعه

[Haidar Iraq]

[سمراء من قوم عيسى]

حلو
عاشت ايدك