هنا

[ღ عِشق ღ]

كلمات قصيدة ثورة مشي مكتوبة كتابة - حسين فيصل - زيارة الأربعين





شايل حزن روحي ياكعبة اجروحي
راية خلودك ترتفع كل اربعين
ثورة مشي اتظل مستمرة ياحسين


امشي ابشغف واكبر شرف متعني زاير
من تقوى القلوب المشي ابهاي الشعاير
زارع على اعيوني حلم قبة ومناير
الما يمشي لأرض الغاضرية هذا خاسر

بدموعي اتوضه .. حان العشق فرضه
كل خطوة بالحب تنحسب عند الله عمره
من داري يحملني .. وبحبه يجذبني
اندل طريقي المرقده من اشم عطره

لو أعمه اندله .. قبره الي قبله
ناديته ياقبلة غرام العاشقين

ثورة مشي اتظل مستمرة ياحسين
_______________________________

يحسين انذرها من امشي دمائي
والخطوة صوبك تنسقي بدمعة بكائي
كربي تزيله لو علت عالظلم لائي
يعني خلقتي وخلقي أصلاً كربلائي

ياملهمي الظامي .. تتحقق أحلامي
أرزقني نظرة خادمك من كرم عينك
يامعجم احزاني .. زاير يسلطاني
يامن عسى الله لا حرمني اربعينك

انفاسي مشاية .. ارفعلك الراية
كاتب عليها يا امير الخادين

ثورة مشي اتظل مستمرة ياحسين
_______________________________

لا تحسب ابروحي نسيت اهالقضية
كل خطوة شالتلي حزن للغاضرية
جوه النفس تلكه صدى صرخة سبية
وبجفني تلكه أثر من دمعة رقية

من امشي اتخيل .. زينب على الهزل
بعيوني موكب اربعيني بس محامل
يرسلملي احساسك .. بيد الشمر راسك
وبمسمعي اتصيح العقيلة يابوفاضل

بعيوني لك كوثر .. ياجنة المنحر
كلت اقصدوها بسلاماً أمنين

ثورة مشي اتظل مستمرة ياحسين


_______________________________


كلمات الشاعر حاتم صبري الكاظمي

_______________________________


كتابة Zahraa Al obaidi

_______________________________


لتحميل القصيدةmp3 اضغط هنا

[❀ كويكر مريم ❀]

من الأصوات يلي أحب لأستماع لها
يسلموآ عزيزتي على الطرح
ربي يعطيكِ ألف عافية
تحياتي

[ღ عِشق ღ]

من الأصوات يلي أحب لأستماع لها
يسلموآ عزيزتي على الطرح
ربي يعطيكِ ألف عافية
تحياتي

من الاصوات الراقية حسين فيصل
....
نورتي غاليتي بحر

[هيلــه]

مشكوره ع مجهودك