هنا

[فقار الكرخي]

غرگان بنهر بس ما صحت للناس
وصلت الجرف گوه وتعبن جدامـــــــــي
وتخيلت الجرف حضن أمي و ارتاحيت
ونمت عالطين بس قصور بحلامــــــــي
وأجي يم الربع محتاج بس ما گول
وعشت قمت غروري بأتعس أيامي
شعلت بروحي نار وگلت خل يدفون
الدفو بچفوفهم والنار بعضــــــــــــــامي
انه أسماء الربع كاتبهه مو بوراق
بعضت ندم كاتبهم على ابهــــــــــــــامي
وأمس لمن طحت سألوني ربعك وين
گلت بظهري صارو من طـــحت دامي
وتردون الصدگ صارو بظهري شلون
شردو من وراي وخصــــــــــمي گدامي
جبت شچم سهم كت ذني للكلفات
وربعي بظهري جربو قوت ســــــهامي
أتلثمت ومشيت استحي جروحي وهواي
العرگ ردته بگصصـــهم مو على الثامي
چنت كافر واجوني بحجة الإسلام
والله تندمت لو باقي بصـــــــــــــــــنامي
ما رهمو حزام الظهري ما يسوون
ما جابو ربع من قيــــــــــــــمت أحزامي
انه بيت الموده ودفت بيه أحلام
وحتى أحلامي تبرد كســــــــــــرو جامي
انه مامتهم عايش مثل الحرار
بس همه بگلبـــــــــــــــــهم نفذو إعدامي




م

[سمراء من قوم عيسى]

الله
عاشت ايدك