مشينه مشينه .. ذره اويه تعب ام الخدر
مشينه مشينه .. ذره اويه تعب ام الخدر
_____________ _____________
من تنوي تمشي نيتك صفيها
ودنگ على أمك بوسها ابـرجليها
واعدها گلها بشكو خطوه أمشيها
ارسم ابعيني الـجـرو اتـراچيها
الحنينه الحنينه .. متوصي أدگ الها الصدر
مشينه مشينه .. ذره اويه تعب أم الخدر
_____________ _____________
شد حيلك وگلها البواچي امتاعي
ويتصاحبن بالمشي عيني وگاعي
امدنگ اگضي الدرب هاي اطباعي
وعيوني تعمه لو سمعت الناعي
ابونينه ابونينه .. گللها گلبي يستمع
مشينه مشينه .. ذره اويه تعب أم الخدر
_____________ _____________
ابكل خطوه گول الله إيساعد زينب
شمسويه خاطر هيچ تمشي وتتعب
متعذبه بيها من تحس تتعذب
وما تغمض إعيونك گبل ماتنحب
انولينه انولينه .. هالصوت اذكره ابـكل ظهر
مشينه مشينه .. ذره اويه تعب أم الخدر
_____________ _____________
المهم تركب واعتني المشايه
وعـالرايه اكتب جـولك الوفايه
عباس يزعل لا تلف الرايه
عـالرايه صلي احسن امصلايه
الحزينه الحزينه .. لاگيها تعبها اليسر
مشينه مشينه .. ذره اويه تعب أم الخدر
_____________ _____________
كون الحزن من تمشي تارس روحك
المشايه خل تبچي إعله نغمة نوحك
ورحمة حسين أندعي كون أتلوحك
جرح المشي حسبة أعـز اجروحك
من ادينه من ادينه .. ايگضنه الولي ابيوم الحشر
مشينه مشينه .. ذره اويه تعب أم الخدر
_____________ _____________
ابطيحات زينب ظل خيالك سارح
زينب الطاحت هوه يـاهـو الطايح
وانصب ابروحك للحسين افـواتح
العباس إذكـره الزاد إذا مـو مالح
سنينه سنينه .. يبقه المشي طول العمر
مشينه مشينه .. ذره اويه تعب أم الخدر
_____________ _____________
هنياله كلمن سيدي يمشيلك
المابيه يمشي تنطي ليـه من حيلك
المشـايه كون أعرف شني تعنيلك
شنهـي معـزة العين إذا تبچيلك
اعتنينه اعتنينه .. انلاگيهن اجبال الصبر
مشينه مشينه .. ذره اويه تعب أم الخدر
_____________ _____________
كلمـات واداء - مـرتـضـى حــرب
_______________
الكتــابة Zahraa Al obaidi
لتحميل القصيدة او الإستماع mp3 اضغط هنا
رد مع اقتباس
المشاركة الأصلية كتبت بواسطة سرمد جلال
