قصائد حسينية مكتوبة
كلمات قصيدة سمعاً وطاعة مكتوبة كتابة - قحطان البديري
نرفع هالرايه..بدربك مشايه
بعهد الوفايه ..نهوسلك هايه
يالبحزامك الحيل انشد
يالبحزامك الحيل انشد
نمشي ونتعنه...ومن تستقبلنه
هيج اتصورنه...چن اتگول النه
المشاية گواهم الله
المشاية گواهم الله
لبينا النداء وكلنا زوار
يبن المرتضى سمعا وطاعه
من ذاك اربعين الراح لليوم
نحسب لاربعينك ساعه ساعه
وغلاة اسمك...وحگ دمك
وغلاة اسمك...وحگ دمك
نحسب لاربعينك ساعه ساعه
---------------
من درب المشي لحد بابك احنه نريد
ننقُلك صور وتشوفهه عيونك
على طول الدرب مد المواكب صار
وتدري بناسك انته شگد يحبونك
هنا طفله توزع ماي لليمشون
هناك تشوف شايب باليخدمونك
هو العنده مثلك بعد شيريد
قليل شما مشه وتعب الرجلين
مرات الگلَب من وحده يشتاگ
نبضه تقول احب وٌنِبضه الحسين
وضلع امك..وحگ دمك
وضلع امك..وحگ دمك
نحسب لاربعينك ساعه ساعه
-------------
من باقي الصور شفنا يماي العين
كراماتك بفضل الباري موجوده
من كرسي العجز شاب بعمر عشرين
على طوله وقف ماضاع مجهوده
بجينه من القلب من شفنا امه وياه
عبايتهه بعلم عباس معقوده
بصلاة على النبي وال النبي الصوت
ارتفع والناس فزعت تاخذ مراد
عن سر هالكرامة شجاوب الشاب
قلهم اني خادم لابو السجاد
يجي يمك ...وحگ دمك
يجي يمك ...وحگ دمك
نحسب لاربعينك ساعه ساعه
--------------
ثالث مشهد الفزز دموع العين
موكب والسكون يجسد الحالهّـ
بس ون ونعي بين الشباب وجان
ياواحد نشوفه دموعه هماله
رغم لاشاعر البيهم ولارادود
موكبهم عجيب بهذا منواله
بهالموكب الحاله تهيج الجروح
بينه بالاخص هاي الزيارة
للصم والبكم ثاريه منصوب
نعيهم بينهم بس بالاشارة
شثگل همك ...وحگ دمك
شثگل همك ...وحگ دمك
نحسب لاربعينك ساعه ساعه
--------------
رابع مشهد ومو بالسهل ننساه
من هاي الزيارة وكلنه وفايه
عجوز سنينهه قربت عالتسعين
رغم تسعينها ماعايفه الرايه
تقول امنيتي اموت بهالدرب ياريت
حبا بالحسين ودومه ويايه
نبض دمك يغالي بكل القلوب
بغض النضر عن كل الاعمار
زيارة اربعينك ثورة ارواح
شوكه بعين كل اعداك الاشرار
العزم عزمك ...وحگ دمك
العزم عزمك ...وحگ دمك
نحسب لاربعينك ساعه ساعه
--------------
اخر مشهد بكل اربعين نشوف
وهواي المشاهد من نعددهه
ملايين التجيك اموقعه اعله الروح
حلفت غير حبك ابد ماعدهه
كل هاي الزلم والحرم والاطفال
تعتبرك ابوهه وانته والدهه
ملايين وتجدد حبهه وياك
مابين الدمع واللطم والأه
صرختهه تضل للموت يحسين
ابد والله ماننسه حسينا
يفجرونه ونضل زوار
المشاية گواهم الله
--------------
كلمات الشاعر عمار هليل الواسطي
________
م
لتحميل القصيدة اضغط هنا
رد مع اقتباس
المشاركة الأصلية كتبت بواسطة شممت ثراك
