مساء الورد
طبعا كولش يعجبوني الكشافات اللي يكعدون بالمقامات فد يونسن حيل وحيل احب اكعد يمهم واسمعهم شيحجون
ف بمسيرة الاربعين بتنا يم ناس والصدفة الحلوة
انو بنتهم كشافه
ف جتي للزوار وكشفتلهم وصفطت ذاك الكلام الحلو ...واي والله صح كلامج ومتأثرات ومتفاعلات
....اني ومرية بصفي تعرفت بيها اسمها ام حيدر
وحده غمزت للاخ ..
.ام حيدر بدت
.وصلها السره
كلتلها خاله رجلي يشكي رجليه حيل مأذياته
فهي كعدت تسردلها بذاك التصفيط الحلو والكلام المنمق واليقنع اكبر واحد بصراحه صدكتها لان مااعرف قصة ام حيدر شنو
ونطتها شغلات كلتلها يسبح بيها زوجج ويدهن رجلي
وصل السره اللي
لزمت نفسي من الضحكة كوة
كوتلها يا خييييه لحكيلي رجلي اشكيلج منه
كالت محلوله ان شاء الله
كوتلها شيحلها
...
رجلي جان زين وياي حيل
ومن سافر نگلب عليه كلشضل لا يخابر لايسأل وحال الضيم حالي ...خيه احبه كلش وحياتي بدونه لا طعم لا لون
حركت سبحتها صفنت ...كلت خرب نكشفت
باوعتلي نضره ثاقبه
كالت ضيمج هواي يعمري الله يساعدج
كتلها عزا شكو
كالت زوجج مسحور ومسويله عمل كفخ عنج
صحت يمةطبعا والدتي كاعده وضلت متعرف شنو تتصرف
المهم كملت حديثها
كالت وين هوة حاليا
كوتلها بعييييد كولش بعييييد
بكندا
كالت للاسف زوجج مزوج عليج
وهالحجي من ست شهور
وصفطت حجي ماانزل الله به من سلطان
اني مكدرت اكمل تمثيل والضحكه خنكتني سويت روحي حزينة ومقهورة وكوتلها الحمد الله ع كل حال
طبعا ام حيدر زوجها مستشهد بحرب ايران
متوفي وقبرة بالنجف كل فتره تزورة
كوتلها ابو حيدر اخذيله هاالشغلات القبره يحتاجهم تره
واني زوجي مارجعلي
جاني عمري بيها 18سنة بس بليلتها ضحكنا ضحك اني وماما وام حيدر بحيث انام ونكعد نضحك ونرجع نام ونكعد للصبح
التقيكم بحدث وقصة جديده مع كشافه جديده...لان مواقفي هواي وياهم
وقسم بالله الاحداث حقيقيه وواقعيه صارت
ومااتوب منهم
تصبحون ع خير
وادعولي زوجي يرجعلي
رد مع اقتباس
المشاركة الأصلية كتبت بواسطة المنسوجة من خيوط ضوء القمر
هي هم صارت وظيفة