ابنتي تبلغ من العمر 6سنوات وهي جدا عصبيه وكل أفكارها وتصرفاته تعبني بلرغم اني سبب هاي العصبيه الي عده لان كنت دائما اصرخ عليه واضربه وهس كولش مقهوره عليه شون اعامله ماعرف وهي ضعيفه ومنو يشوفه يلوم بيه ودائما صير عده حاله عصبيه موذيه تضرب ع وجهه وتنقهر وتبجي ساعدوني شون اخلصه
غيري طبيعة معاملتك لها وعامليها بلطف وحنان ..
عامليها بكل هدوء وقابلي عصبيتها بهدوء ايضا
وفهميها ان ما تقوم به من ضرب وجهها واذية نفسها هو غلط
لان البنات الحلوات والمؤدبات ما يعملن هيجي
شوفي فلانة (( واذكري لها طفلة هي تعرفها )) ما تسوي هيجي افعال
شوفي فلانة اشلون تسمع كلام امها وما تصير عصبية ولا تضرب نفسها ومن هذا الكلام
(( لان الاطفال واحد يقلد الثاني وتصير غيرة بينهم ومنافسة ))
واهم شي هو الهدوء بالتعامل معها وعدم اثارتها الى ان تستقر حالتها وتنسى العصبية
وحاولي ان تشجعيها وتنطيها هدايا اذا قامت بفعل جيد وتشترين لها العاب
مثلا اذا تاخذ درجة جيدة بالمدرسة او قامت بترتيب كتبها ودفاترها
وحاولي ان تفهميها انك تحبينها وتهتمين بها وسوف تأخذينها معاك اذا رحتي للمكان الفلاني
وحاولي اذا كان عندكم بالبيت اطفال غيرها ان لاتفرقين بينهم بالتعامل والاهتمام
وخاصة اذا كانوا اولاد وبنات
ابذلي معاها جهود وان شاء الله تنجحين وتتغير حالتها نحو الاحسن
مرحبا عزيزتي ...
ابدا ما راح وقت تعديل تصرفات الانسان ما دامه طفل ...المهم انت عرفتي الخطأ وين ..
نصيحة رقم ١ : ابدأي بتغيير تصرفاتك ..اضبطي اعصابچ ..لا تصيحين عليها حتى لو تخطأ ...كلما تحسين نفسچ رح تضربيها او تصيحين عليها دوري وجهچ لأقرب حايط و وباوعي بيه ...خلي راحة ايديچ عليه ..كأنما دا يمتص غضبچ و طاقتچ السلبية .
نصيحة رقم ٢ : كلما هي تصير عصبية و تبدي تضرب نفسها ..تركي كلشي بيدچ و بدون كلام احضنيها ..
حضن طويل ...بو سيها من المكان اللي ضربت نفسها بيه ..و من تهدأ گوليلها من تضربين نفسچ ..اني تأذى ..تقبلين تأذين ماما ؟
٣. فكري زين و راقبي الاشياء اللي دتخليها تعصب ...و سولفي وياها عنها ...و سوي وياها اتفاقات ...و معاهدات انه لا انت و لا هي تعصبون ..و شوفي رد فعلها شنو ..
الطفل من يحس بالامان و الحنان ..تتغير تصرفاته و يهدأ..
لا تقلقين ..بالتوفيق .
في أي وقت وبكل حالاتها....احضنيها
كلما تقربتي منها اكثر كانت النتائج اوفر. امنحيها الثقه بنفسها اولا ومن ثم بك فربما نتيجه ضغط مسبق دون مبرر منحها الشعور بضغط نفسي يدرجها لتلك التصرفات .اكثري من تشجيها فالتشجيع ومدح تصرفاتها الايجابية واصلاح السلبيه يمنحها روح الاختلاط والانجذاب حولك .
برمجيها من جديد ومن تسوي شي اكعدي وياها وابقي ناقشيها وشوية شوية تتحسن
غيري من تصرفاتك وطباعك ستتغير ابنتك
كوني معها نعم الام والمعلمه والاخت
رد مع اقتباس