هنا

[فقار الكرخي]

مِن أرض اوروك القديمه

لأرض وادي الرافدين

أولاً ..

بعد الآلاف المآسي وإنكسارات الحضاره

دَعوه للفرد العراقي الما قره بتاريخ أرضه

يزور گاعي البس تراب

يزور اثاري البقت شبه الخراب

يشوف موطن أول حروف الرسايل

الگاعد يسد بيهن عيون الفراغ

ومنهن يصوغ لحبيبه شگد تراچي

كل شي بوروك عله دجله اليوم باچي

ثانيا ..
بَعدَ تهجير الخضار وبث سياسات التصحر
بالاراضي وبالضمير !
تقرر الآتي علينه :

* نبدي نسگي الگاع باوراق القدامى
ونرسم التاريخ كله
ونگعد نصوغ النقاش
بلكت نطيح إعله عِلَه

* نرش دمه الراحو ضحايا
بسبب بطش الساسه
وأصحاب العمايم
عله الارواق البيهه نسگي
واحسب ابالك نتاج الدم على مر الحروب
شگد عوائلنه الضحايا

* لكل شهيد نگول طفله..
تبدي تتعلم درس اول حضاره بلا معلم
تمشي وفق الرغبه التمر بذهنهه
تاخذ من الحيز عزله
وتبدي تشتم بالتراب
تبدي تشتم دم ابوهه
وتنولد رغبة تساؤل


*نستغل رغبتهه هاي ونبدي نشرح
نشرح الزهره وملاحمهه الطويله
وياهو انكيدو؟!
وشنو انواع الكتابه
ومنهو اسس قاعدة صنع الفخار

ثالثاً...

بعد إن ربينه جيل يحب عظمته
ويفتخر إنه عراقي
نبث شعاعات التوطن


يا عراقي ..

الگاع گاعك والحضاره المنك اشتمت هواهه
تعيش بيك

يا عراقي ..

الثوره ماتت وانت مامش فد شراره تصد بديك

گوم طش اول حروفك ع الرسايل
ع العمايم
عله الساسة
عله الخلالي الجريده تصير وصلة مسح جامه
والتفاهه تصير ماسه





عبدالله العبدلي

[سمراء من قوم عيسى]

الله
انتقاء جميل