ماانساك حالف لحدالموتانت اول حبيب لعرف عنواني
ما اكلك اكرهك بالعكس حبيت
يل طبعك عسل مجنون خلاني
بس طبعي وكلمتي ما تصير اثنين
وتدري انت الزمان شلون اذاني
وحضي اني عرفتة ما نصف وياي
ما جابك الية في وقت ثاني
ما مقسوم احبك وابتدي وياك
بس مكتوب دوم بحبك نعاني
ما اكلك انساني بس اكلك روح
وياك الوكت محتار خلاني
اعتب عالزمان الما جمعني وياك
وبدرب السراب شلون مشاني
بعد كل البنيتة وبية ما ضل حيل
اجة بلحظة الزمان وهدم بنياني
وبعد جرح الأمس وك يا زمن ما طاب
وصدك كالو تشافيني بجرح ثاني
لا صاحب تركتة ولا حبيب وياي
وعلى صفحة حزن خطيت عنواني
وعموما ياحبيبي واغلى ما حبيت
انت اول محب استحل وجداني
الف مبروك اكلك من كلب ولسان
مو كلمة واجتني بطارف لساني
والف مليون احبك وعمري ما انساك
وانت براحتك لو ردت تنساني
رد مع اقتباس
