هنا

[فقار الكرخي]

امنين اجيت ..؟
عبرني سوالفك ديره وعشك
انه جذبه خلاف وجهك
يل ترس روحك صدك
من حجيت بصف اذاني
خضرت بيه مناره اصيح احبك
شاركتني الليل والون شنهو ذنبك ..؟
اسوالفك ردني شاب
خيط ليلو اعله الحرب تكتب سلام
صبح عيد تريده ناسه شماكثر بيه الضلام
يارصاصت شوك وحرورت كلام
اليحبك مايغمض خاف يلگاك ابمانم
امنين اجيت الغار عايزله حمام
مايهمك ياحبيبي
الناس هلهوله الخرسه
وانته صوت بكل سمه تحب الحياة
والناس ميته
انته فراشه وطن مابي امان
يانهر يمشي اعله وادم بيه نار
ياخبز خضر على اوجوه الحصار
انته كلشي البيك ضحكه على الحرب
ها ينيشان العشك ..!
وجهك درب للتايهين
ومن اجيت صار تابوت الجنايز مال زفه
والعلم بس الفرح مالف شهيد
انه اكتبلك حبيبي وانته اقره شماتريد
الناس ماتسألني عنك
تسأل شكاتب جديد ..!؟





حسن كتاب

[سمراء من قوم عيسى]

عاشت ايدك