انه ماحبن بعد واحد رخيص
الله لا ينطيه المفحطني جيل
ولا يرحمه المارحم دلالي
انه ماحبن بعد واحد رخيص
انه غالي وأله احبن غالي
رخصت روحك فشل والدنيه سوك
ابوكت بعيوني اشوفك عالي
ليش رحت الهم بلاش ورخصوك
گبل مالي وهسه لا مو مالي
ليش سرك طاشه بحلك الطروش
وليش سرك من گفاك يلالي
سولفتلك سري والحجيّ الثگيل
ابوكت ماسولف جنت لخيالي
ابوكت جان التين يتلولح ولوح
مالحت متروسه بيك سلالي
كلبي ديوان العرب بس انته شيخ
لورحت لازم اجفي ادلالي
عطوه مااطي بعد الگلبه ريل
وسجه ماصير السهم جتالي
انه ماحب السمه الماعده راي
الفلفت غيمته فوك هلالي
ليش اشوفك؛ حته من ماريد اشوف
ومدري ليش سوالفك تبرالي
انه ماشايل حقد لا وجروح
شايلك بس انته گلبك خالي
م
رد مع اقتباس
