لو رحت لا عاد ترجع مالي حيل وهم تروح
ترجع انته
وانا اضم كل حزني صوغة دموع للفرگة الجديدة
وافرح بـ جية مثل جية الفجر
واغسل عيوني بضحكتي
اي واكلك..
لو رحت لا عاد ترجع مالي حيل
وهم تروح
وهم انطرك
وهم ترد
جنك خريف يصوفر اوراگ الشجر ويروح
وهم احذرك لا ترد
وهم اشگ درب الرسايل و اوكف متاني رجعتك
اخ ينته الما ردتني شكثر ردتك
اخ ينته..
بكل محطة مخلي اسمك
بالعلوگ شكد كتبتك
والمحطة احساب حظرة
بيهه اشيل جفوفي وادعي
ااااخ ينته
انسى يمته
انسى لمتاناة و وجوه المراية العاينتلي وزاعلتني
نكرت وجهي لمرايات وانت هناك
مدري بيا زلف سكران
مدري بيا حلم نعسان
وانا هنا..
اداري بصورتك خافن يغثها تراب
توكع دموعي عله عيونك )تعال(
الصورة شالت روحها الدمعي ونخته
على بختك ما يرد
لا تبقى طايح
وانا اراجع روحي ويه اخر رساله
بيهه كلي ..
يا منارة ظلي لمعي
وانا رايح
بيلسان امين
رد مع اقتباس
