ناسي اطلعوا بس بالإسم ناس
ماردت منكم بس الـ " شلون "
حالچ ، وحال فصوص العيون
خنجرهم البي گلبي مطعون
حافر لَما عابر ع المتون !
الفرزن ضحكتي شگد لگة نياح
لو دمعي هينة ، الصيت هم طاح
موش ادم ولانوش تفاح !
امنيتي انام وبالي مرتاح
ليلية اگصگص خيط النعاس
عن لا حلم يتناوش الراس !
غصن الظمير تورعشة الفاس
ناسي اطلعوا بس بالإسم ناس
من يامكان انجاس اصيح " اخ "
چي وحّدي المامش عليّ شاخ
موسم گحط ياضيمي شو زاخ !
ماريد اطخ الـ عمرة ماطاخ
كل الگلت عنهم غوالي
بچفية رگصوا للجرالي !
ماصح بشر يرحم بحالي
عان الله كلمن مالة والي
ياگلبي يالمامثلك گلوب
طيبك كتلني اتوسّلك توب !
المن بعد تستورح البوب
لا مايعيش المات مصلوب
ازل جواد
رد مع اقتباس
