وفوگ حرگان الگلب جيت لرضاك تعذرت
لومني إعلى الزلّة كون انة إغلطت
الغيرة يابو عيون وكحة
مامش إعليها ملامة
ويا حمامة تشوف عشها إنباگ
تسكت يا حمامة ؟!
وانتَ تدريني حنين
ومنها لله من شفتهم گرّبولك
متت مرّة وإحترگ دمي و ثلث مرات ي مسودن شطت
وفوگ حرگان الگلب جيت لرضاك تعذرت
چا بعد شتريد مني
وانة غرگان بحزن و بگشة منك چلّبت
يا حبيبي
انة ذاك العاشگ المجنون بعيونك صرت
وانة ذاك الينغث من الهوى اليمك
ليش ما خلقوني ثوبك ؟!!
خاطر بكيفي بعد أشهگ واشمّك
وليش ما خلقوني محبس
بين اصابيعك واصيح افييش
واتسودن واموت
و تدري بيّة شگد متت
و چا كفرت بعمري ذاك وگلت هستوني عشت
چا لمستك
چا عشگتك
چا بچيت و فرفحت .
حسام الكعبي
رد مع اقتباس
