هلوو عندي كم استفسار للاعضاء المختصين بالقانون والجهات القانونية ،
اتعرضت انا وابوي الى تهديد من زوجي وابو وحماي ، بالاول كان اتصال من زوجي ومن ابوه على ابوي عن طريق الواتساب وجان ضمن مضمونه تهديد بالقتل ثم رجع ابو زوجي وحماي هددو ابوي تقريبا 3 مرات برسائل وبعدها زوجي هددني وهدد ابوي برسائل بس كان مضمونها مختلف عن الاتصال يعني لا قتل ولا خطف ،
قدمنا شكوى ثبتو بس مال الرسائل واخذو اقوالي واقوال ابوي والشهود ، بعدين قبل لايصدر امر القاء القبض عليهم شكوتي تم غلقها لسبب غير معلوم (رحنه اكدنا عليها كالو بعدين تجي ولحد الان ماكو يعني مثل النكول غلسو ) مشت بس شكوى ابوي صدر امر القاء قبض وطلعو ثاني يوم بكفاله ، وصلتنا معلومات من جهه الجماعة متوسطين عن طريق جماعة والقاضي الاول محول القضية من تهديد الى سب وشتم ، بعد شهرين دز القاضي الثاني علينا وعليهم وطلع فعلا القضية صايرة سب وشتم بس من قرائها القاضي كال هذا تهديد مو سب وشتم ،
اثناء تدوين الاقوال للمتهمين واسباب التهديد زوجي كال هددت لان هي ماتقبل ترجع للبيت ومسافرة للخارج وهي حامل وبدون علمي ومن خوفي على ابني كلت هيج وهذا مو تهديد وانما من باب التحذير والتنبيه والقاضي سجل هاي الافادة (للعلم انا مامسافرة وجوازي يثبت وكلنا للقاضي مجرد ادعاء منه ماله صحة)
سؤالي هنا شنو الحكم الممكن يحكمه عليهم، المحامي كال لازم سجن بس اكو احتمال فقط يغرمهم، ولنفرض غرمهم وميزناها واتحولت الى المحكمة المدنية شنو ممكن يصير ؟ بالحالتين احنه شنو الي راح نستفادة ؟
والشكوى الي انا قدمتها شنو فلمها ؟
علما اكو عليهم بعد شكوى تهديد يم الادلة الجنائية وراحت ايضا لمحكمة الجنح وتم ذكر ان هناك شكوى اخرى عليهم امام القاضي .
اعتذر ع الاطالة
رد مع اقتباس
المشاركة الأصلية كتبت بواسطة Levai
لازم ينحطله حد على الاقل تعهد هم ميخالف ولا ماكو
اعرف التفاصيل قبل لا تصير حتى من تصير اناقشهم ما اضل ساكته وامشي وراهم مغمضه 
