هنا

[zahraa alabide]

توه صار اول طفل ، اي مايقبل لا يطلك ولا يرجع يكول الا ابقيها معلكه تعفن يم اهلها واذا كلش ولازم توصل للطلاك ماطلك شيخ حتى لو المحكمة تطلكها الا نتنازل عن كل الحقوق وتسقط دعاوي الديون العليه وننطي دعوة الاثاث الرافعها عليه وفوكاها فلوس يله يطك شيخ

يعني هيج اتاذيتي و بعد راح تتاذين هوايه
و من حقج و المفروض يطلكج و ينطيج حقوقج و تفض السالفة بس المشكله هو باختصار يريد انتي تتنازلين كولشي و انتي اللي ادفعين فلوس الدعوه و متاخذين لا نفقة الابنج و لا شي
يعني اذا تريدين تخلصين من هالمشاكل لازم دعوة تفريق قضائي هي اللي تخلصج منه بس حرامات راح تخسرين كولشي و اي حقوق ما الج
او راح تبقى هيجي عالكه

[Scrap]

تنازلي عن كل شي حتى تخلصين من هيجي انسان اذا كان يستحق هل التسميه
تبدين تهتمين بطفلج وبنفسج افضل من ما تبقين وياه
الدنيا ما واگفة عليه
والله يسهلچ

[Rose peace]

يعني هيج اتاذيتي و بعد راح تتاذين هوايه
و من حقج و المفروض يطلكج و ينطيج حقوقج و تفض السالفة بس المشكله هو باختصار يريد انتي تتنازلين كولشي و انتي اللي ادفعين فلوس الدعوه و متاخذين لا نفقة الابنج و لا شي
يعني اذا تريدين تخلصين من هالمشاكل لازم دعوة تفريق قضائي هي اللي تخلصج منه بس حرامات راح تخسرين كولشي و اي حقوق ما الج
او راح تبقى هيجي عالكه

والله مو بس انا اتاذيت وهذا شي بسيط من التعاسة العشتها وياه هو واهله حتى اهلي اتاذو هواي من وراي ، المفروض يصير هيج بس شتسويله يريد يدمرني باي طريقه كانت عبالك كاتله واحد من اهله ،
مايفيد التفريق مو بس شغلة محكمة حتى لو طلكني بالمحكمة ماراح يطلك شيخ ويبقيني هيج يعني ماكو حل غير هو يوافق يطلك وطبعا شروطة تعجيزية فوياه وياه وين ماتصفى

[Rose peace]

تنازلي عن كل شي حتى تخلصين من هيجي انسان اذا كان يستحق هل التسميه
تبدين تهتمين بطفلج وبنفسج افضل من ما تبقين وياه
الدنيا ما واگفة عليه
والله يسهلچ

شوف الشروط الحاطها حتى لو اتنازل مايفيد وانا وياه للموت ما اتنازل عن ربع من حقي لهيج انسان واخلي يتهنى بيه وشيريد يسوي يسوي ما اخاف منه الا اخليله حد وهذا ابسط شي ممكن يتعاقب بيه على الي سواه انو اخذ حقوقي منه

[الرميثي]

قضية احكام الزوجية
بالنسبة للامور القانونية اتركها لاهل القانون
واما بالنسبة للامور الدينية فالدين الاسلامي لم يشرع قانون يظلم فيه احد
لا الزوج ولا الزوجة فقد ضمن لكل واحد حقه في هذه العلاقة
وبخصوص الطلاق فانتي ترفعين قضيتك ِ للحاكم الشرعي
فيسمع من الطرفين فان كان فيها مجال للتصالح تم التصالح
وان لم يكن هناك مجال للتصالح يتم التفريق بين الطرفين وبحسب الحكم الشرعي
فليس من حقه شرعا ان يجعلك معلقة لا انتي حرة ولا انتي متزوجة

فلا تخافي من هذا التهديد بان بانه سوف لن يطلق عند الشيخ

[zahraa alabide]

ممتاز كلامك
لكن المشكلة انو زوجهة رافض اصلا يحضر و يوقع على طلاق و ديطلع عليهة دعاوي ديون لازم تدفعهن
شلون راح يتم الطلاق اذا هو ميحضر

يا ست اميرة الكون
انا قلت بالنسبة للامور القانونية فاني ما الي بيها وانما اتركها لاهل القانون
ولكن حتى لو ما يحضر فالمحكمة قادرة ان تحسم الامور
وشكرا لتعقيبكِ على المرد

[Suzana]

اذا صارلج سنتين يم اهلج المفروض تقيمين عليه دعوى هجر ونفقة وشهود من اهلج يثبتون هالشي وبجلسة جلستين تفض واذا هو طلقك بيوم من الايام فلازم تستغلين هالشي اتگوليله للقاضي طلكني وحتى اذا امطلگج تلفونيا هم ترهم وكلها اربع اشهر واتفض بس يحتاجلها محامي شاطر..

[Suzana]

واشوف بدل ما اتروح الشغلة لتهديدات وجنايات لا سامح الله لو تتنازلين عن حقوقج مقابل حريتج اهوااي احسن تره راح تبقين بهالشكل لان الرجل مستحيل يطلگ بدون تنازل واكيد الامر الج

[Rose peace]

اذا انا اطلب الطلاق تسقط حقوقي بالقانون وبالشرع العصمة بيده فبشروط يله يطلكَ ، واذا تكول ماله حق وحرام يبقيج معلكه فماعنده مشكلة راح يبقيني معلكة

من قال هذا الكلام يا روز ؟؟
من قال ان حقوقك ِ تسقط اذا انتي طلبتي الطلاق
حقوق الزوجة ثابت وحقوق الزوج ايضا ثابتة ولا يهم من يطلب الطلاق
تسقط حقوقك ِ إلا اذا انتي تنازلتي عنها فقط

[Rose peace]

اذا صارلج سنتين يم اهلج المفروض تقيمين عليه دعوى هجر ونفقة وشهود من اهلج يثبتون هالشي وبجلسة جلستين تفض واذا هو طلقك بيوم من الايام فلازم تستغلين هالشي اتگوليله للقاضي طلكني وحتى اذا امطلگج تلفونيا هم ترهم وكلها اربع اشهر واتفض بس يحتاجلها محامي شاطر..

لا حبيبتي مو سنتين ازوجنا السنة الفاتت ب2017 وتركني من شهر الثاني بسنة 2018 ومشيت بالدعاوي الهجر والنفقة بس طولت اكثر من جلسة بسببه هو طبعا ، علوا يطلك ونفتك بس هو عنيد كلش وقافل

واشوف بدل ما اتروح الشغلة لتهديدات وجنايات لا سامح الله لو تتنازلين عن حقوقج مقابل حريتج اهوااي احسن تره راح تبقين بهالشكل لان الرجل مستحيل يطلگ بدون تنازل واكيد الامر الج

هي راحت لان من البداية اشتغلولنا تهديدات حتى لو خلصت وطلك هاي مستمره هو احنه ليش اشتكينا لان غلسنا ع التهديدات وماسكتو ضلو يهددون ، ماوراي شي ولا افكر بزواج بعد خلي يعلكني بس ما اخلي ياخذ حقي