البارحة
البارحة شفت الوطن لملم أمتاعه وعافني
البارحة غطاني دخان الصلا ماشافني
البارحة دموع المحطه تسوي واهس
لليسافر
البارحه لمن نمت ماعدي حيل احلم
الباجر
البارحة الماعندة سجة
يموت كلبه ولا فجر يغبش علي
البارحة اتاخر الموت
وبيه وادم تشتهي
البارحة السلطان
صلى وجان دم الكاس
بيدة
البارحة ضل نعشي
بالشارع غريب
وصيحو ياهو اليريده
وأنه موبولايتي
بديرة غريبة
وديرتي ممشه عمر
البارحة صوتي بمجانه
والشفاف اليمي سمرة
تسبح لرب الليالي ومحد
اناطاها فجر
البارحة تمنيت اموتن
مرة وحدة
واستقر
وطال موتي
ومامش اجتاف اتعرفني
اخ لو ضل عدي حيل
جا شلت نعشي اعله متني
ليش من طايح
بحضنك ماشلتني
خوف شيع خوف بيه
النخل من يموت
جنازة الكناطر
ياوطن ماريد اغثك
راح اشيل اجنازتي ليغاد عنك
بس اسالك
انت منهم
انته حرمت الكصيبة تجيس حنه
انته دليت التوابيت اعله اهلنه
ياوطن
انته هم ماشايف اهلك
البلوة هاي الغربة منك
انته حللت السهر ع العاشكين
ياوطن خاف انته تايه
خاطر اندليك بيتك
لا انته ادليني بيك
ولااني اندل واجيك
ياوطن
حته الاغاني الشايله
اسمك ماعشتها
شايله اسمك
دورت بيك اشكثر بس ماشفتها
ياوطن تشبهني هم عايش غريب
ياوطن تيهتك بصوت المناير
ماشفت شباج حزني
ترسو عيونك ستاير
ياوطن يالمالك احد
دفي روحك
دمي حار
الثورة تبدي من حلم شابع سمار
ياوطن عطرك قديم
حط عطر دمعات شعبك
ياوطن حته الصبح
مبيوك منك
امير المجيد
رد مع اقتباس
