هنا

[الغريب ي]

مساء اللالنكَي

بدون مقدمات..

مجتمعنا ذكوري لو نسوانه مو عاجبهن العجب؟
كلا الامرين معا بشار بسبب العادات والتقاليد المتضاربة الي استلموها من الاهل والاجداد ' خلي ندخل شوية بالموضوع 'الرجل الشرقي كـ بداية لحياتة ((ستوة دخل بمرحلة الشباب))
عارض اهلة بسبب عاداتهم وتقاليدهم الي تحد من الكثير من حريتة مثل حرية التغيير 'فما حدثت الآ ردة الفعل من جهة اهلة بإستغراب هيج نمط كـ شي اسمة التغيير لذلك هوجم من اهلة بالانتقاد وتصل حتى مرحلة الطرد من المنزل لسبب تغيير العادات والتقاليد الي بنيت عليها اسرتة لذلك لابد من تقبلة للعادات والتقاليد الي انفرضت علية من جانب الاهل وبعدها مشت علية ف عندما يتزوج ويكون اسرة راح يحدث ايضا ابنة يريد يخطو خطوة التغيير مثل م ابوة راد يخطيها ف يجابهة من ابوة بالانكار لهذا التغيير((هكذا وجدنا ابائنا واجدادنا علية )) بمعنى آخر اذا الاسرة قيدت نفسها بعادات وتقاليد محددة راح يأثر على نسلهم وهلى مجتمعهم 'وهذا الشي يشمل كلا الجنسين
ليش الرجل الشرقي يكبت على اهل بيته وخارج باب بيته عنده عادي؟
خوفا من كلام الناس ((العذر القبيح))
هل الدين من يتحكم بمفاصل المجتمع ، شخص جاهل وبسيط دينيا يطرح هالسؤال
مجتمعنا الشي الي يحتاجة من الغير يبدأ بتطبيق الدين علية الشغلة شغلة مصالح مجرد قناع يلبسة لتحقيق غاية او هدف
..وهل الخلل بالدين لو بسوء فهمنا للدين؟
الخلل بينا مو بالدين لأن يعتبر الدين ثقل علينا ويحد من حريتنا
شنو العادات والتقاليد وهل هي ثابته ام متغيره ..زين نتمسك بيها بمزاجنا لو عن قناعة..انت وانتِ هسة الي راح ترد على موضوعي ممكن تحجيلي وتكَلي شنو خطوطك الحمراء وشنو العادات والتقاليد الي ماممكن بيوم تسمح بتغيرها؟

ليش مجتمعنا فقير اجتماعياً..شنو الاسباب الي تخلي بعض الشباب ينظر للمرأة كأنها أداة للمتعة والجنس؟وشنو الي تريده المرأة من الرجل؟ليش العلاقات الإجتماعية دائما وراها مصلحة؟


هي مطلقة يعني اجرمت خلص والعيب بيها والغلط بيها وهي ابد مو زينة!!وهو مطلق وعادي شنو يعني رجال ومن حقه تروح وحدة تجي الف وحدة!!؟ممكن تفهموني اعتبروني رجال بسيط وثقافتي بسيطة فهموني وفق اي قانون ننصف الرجل هنا ونذم المرأة؟

زين المرأة شنو التريده؟ الرجال يكَول ع الاقل عايشه معززة مكرمه وكلشي متوفرلها..على شنو بعد تتحجج؟

اختم موضوعي بسؤال بسيط
"ليش منعيش ببساطة؟"

أحتاج ناس جوعانين ياكلون هالموضوع وينطوني رأيهم بكل مصداقية..

هاكم ورد

راجع اكمل

[أمير ثامر]

الخلل بالمجتمع العربي فهو مريض نفسيا سواء الذكور أم الأناث .. الرجل العربي يخاف على أخته أن تطيح هامته في الأرض !! إذن هي أزمة ثقة وأزمة تربية لكونه غير واثق بأخته التي تربت معه واقرار بأن تربية أهله غير صحيحة مبنية على الكبت والفقر والحرمان والعقيدة الزائفة.
وشكرا لكم

[بـشــــار]

عدم الرضا... هواي ناس ما مكتفية نفسياً وما محققه مفهوم السعادة لنفسها فتتحجج بغير اشياء
اكيد هناك عادات وتقاليد الدين نفسه رافضها وحرمها..
واول شي هو التفاخر بالاموال والأحساب والأنساب
مما يجعل من قليل إيمانه يقلد الآخرين ان كانوا بمجتمعه او ممثلين او حتى بالعالم الافتراضي .. لهذا يظهر عدنه التطرّف او الحياد او النفور من الدين او التقاليد .. هو المجتمع بي خلل نفسي الفرد نفسه ما ديتقبل نفسه شلون يتقبل زوجته او أولاده وتجد انه نفسه يحتاج للحب او التربية
هي حلقة متواصله تبدأ ببذرة ايمان تغرس من قبل الاهل بنفس الشخص وتكبر بأن يسقيها بنفسه ويحاول يشذبها ويحسنها ان كان رجل او امراءة ونحن اليوم في عالم مفتوح وسهل جدا فيه كل شيء الجيد والسيء هي أزمة اخلاق.. لو كل انسان رفض الكذب والسرقه والتكبر والظلم ما وصلنه اليوم لهذا الشيء ولننسه ان الحروب جعلت منا اشباح نعيش بنصف يوم ونصف روح ...نبحث عن المشاكل وان حدث الهدوء نتعجب ونقلق أكثر مما ينبغي لما سيأتي بعده... عندما نسينا اننا بيدنا فقط نغير مستقبلنا دون ان ننتظر يد لص يجب ان تقطع ليرسم الغد لنا
الموضوع شاسع
لان دنتكلم عن ظواهر اجتماعية ولكي تقضي على المرض يجب معرفة العلة لكي نعالجها بالدواء المناسب .. شكرا للطرح وعذرا للاطالة

هو فعلا الموضوع شاسع
ويتناول عديد قضايا مهمه بالمجتمع
وعلى رأيج حسيت ان مجتمعنا ميت وغير قابل للتغير
اني اتفق وياج اكو مسببات اثرت على هالمرحلة الي احنا وصلنا الها اليوم
بس شكو نعيش اذا مانتغير؟؟
علشنو ناكل ونشرب ونلبس ونطلع اذا الجهل متربع براسنا؟؟
شلون نكدر ناسس مجتمع صحيح
هم مااريد اكول خلينا نقضي على كل الاشياء القبيحة بس ع الاقل خلينا نتوعى ونفكر بعقلنا شوية ع الاقل..
تحياتي لك شمس

[بـشــــار]

اني مو جوعانة
بس حابة اشوفكم شلون تاكلون

متابعة

ههههه
نايا حاب اشوف رايج مو بس تكتفين بالمتابعة

[بـشــــار]

لا بس نسوانه ذكورية ..

مفتهمت قصدك؟؟
ياريت اشوف رأيك بالموضوع....

[بـشــــار]

السلام عليكم اخي وصديقي بشار

اولاً خلي نتفق لكل مجتمع عادات و تقاليد ، حتى القانون المدني ياخذ بالحسبان قضية العادات والتقاليد و ما اشوف بيها اي خطأ ، العُرف مو خطأ نتمسك بي ، لكن اكو اعراف هي بالاساس خطأ ، مثلاً احنه كمجتمع اسلامي خلي نرجع لعصر الرسول محمد (ص) وخلي نشوف شون چانت المراة ، نشوف دور السيدة خديجة نشوف دور فاطمة الزهراء نشوف دور السيدة زينب نشوف دور عائشة ، الخنساء و غيرهم ، هؤلاء نساء و لكن چان الهم دور فعال بذيج الحقبة ، بس تدريجياً بدأ دور المراة ينحصر بالتربية داخل حدود المنزل ، هذا ابسط دليل يثبت على ان الاسلام ما اخطأ بوضع الاسس انما سوء التطبيق ، الي استنتجه من خلال كلامي ان المراة الها دور بلي صار حالياً ، هي الي استسلمت لهذا التغير الجزئي عبر هذه المراحل الزمنية ، لذلك (سي سيد) ما صار لو ما وجد ان المراة قابلة بالوضع .....
اشكرك بشار

وعليكم السلام اخوية الحبيب
زين انت هسة ذكرتلي اسماء معروفة طيب النساء البقية شنو جان دورهم قبل ؟
اريد نشخص العله وين ؟
من زمان لو من هسة ؟
وعلى شنو المراة تتقبل الوضع يعني خلص ترضخ وتتقبل الشي الي هي عايشة بي ؟
شغلة ثانية
اني كلش اتفق وياك ان مو كل العادات والتقاليد خاطئة الشي المناسب اني مداعترض عليه بس خلي ناخذها من باب احنا مجتمع مسلم اوك؟ طيب اكو عادات وتقاليد ماموجودة حتى بالاسلام؟ شلون هسة تاهت علينا نمشي ورا الدين لو ورا العادات والتقاليد لو نمشي ورا عقلنا ونفكر بالطريقة الانسانية الصحيحة؟
عزيزي مشكلة مجتمعنا عميقة جدا وهي مو وليدة لحظة بس دتبدي تتراكم شئ ف شئ..
مااعرف هل احنا مطبقين الدين بصورة صحيحة؟
مدتحس ان المراة مضطهدة بمجتمعنا؟
خطية تريد تكمل دراسة بس عمها يرفض !!
شنو موقع عمها من الاعراب شنو الاسباب الي تخلي يرفض بنت اخوه تدرس؟؟
واكو هوايه اشياء نتعامل بيها بكل جهل
وسي السيد الي تفضلت وتكلمت عنه لو كان سي السيد حقيقي جان كلنا بيها باب وجواب بس من يكون سي السيد فارغ وجاهل شلون هسة؟؟
حبيبي احب وجودك دائما

[ايليتا]

مفتهمت قصدك؟؟
ياريت اشوف رأيك بالموضوع....

اني أفهمك .. الذكور ماعدهم مثل قبل فرص عمل
كالنساء فانسحبوا من ساحة المعركة مال الحياة
وجعلوا المرأة تاخذ زمام المهام وتقود العمل
واصبحت تدخل في شتى انواع المجالات
لحد ما وصلت تتحكم بامور الدولة والبيت والشارع
والتربية والعلاقات الاجتماعية والرجل أخذ دور المتفرج
هذا حقيقة أشاهدها في بيوتنا اليوم بل وعايشتها ايضا

[بـشــــار]

مجتمعنا ذكوري بأمتياز وهذا مااثر على واقع مجتمعاتنا

للاسف هاي الحقيقة ضياء

[بـشــــار]

اني أفهمك .. الذكور ماعدهم مثل قبل فرص عمل
كالنساء فانسحبوا من ساحة المعركة مال الحياة
وجعلوا المرأة تاخذ زمام المهام وتقود العمل
واصبحت تدخل في شتى انواع المجالات
لحد ما وصلت تتحكم بامور الدولة والبيت والشارع
والتربية والعلاقات الاجتماعية والرجل أخذ دور المتفرج
هذا حقيقة أشاهدها في بيوتنا اليوم بل وعايشتها ايضا

عزيزتي شمس
لعد ربات البيوت من وين ذني ؟؟
كم خريجة عاطلة عن العمل وانتي وحده منهم؟؟
اي صح فرص العمل قليلة
بس مو معناها استسلم
اعتقد هالتميز ابدا مو منطقي اذا فكرتي ويايه شوية
المراة لها حق كما للرجل حق
اذا تعمل المراة مو معناها نكول سلبت حق الرجل!!
هذا حق ولو نجي للواقع اذا انطي فرصة عمل ل 10 شباب انطي ل 10 بنات هم
بس تدرين شغلة
اذا فعلا الكلام الي تفضلتي بي موجود اليوم بصورة واسعة ف بوكتها موضوعي هذا ابد مااله اهميه وراح نكول لا والله المجتمع منطي حق للمراة والرجل هو العاجز والراضخ والمستسلم..
تنوريني بكل وقت

[بـشــــار]

مرحبا بشار...
المجتمع لا يمكن ان يقوم من غير رجل و امرأة..
شهدت مجتمعاتنا فترات عصيبة ماديا و اثرت على كل جوانب الحياة.
الرجل كان خلال هذه الفترة يكدح خارجا لتأمين لقمة العيش.
المراة تولت الإشراف على البيت و الأولاد، و سيطرت لدرجة انها صارت ترى من حقها وحدها اختيار شريكة حياة ولدها التي ستدخل بيتها و تشاركها فيه.
حسنا قسم معتبر و ليس كله تلقى تربيته على يد امراة، سواء لفقدان الرجل بالبيت او لانشغاله.
لهذا دعنا نتجاوز هنا فكرة المجتمع الذكوري.
مجتمعنا معقد بعقد مكوناته البشرية رجال ونساء، مجتمعنا دايخ وحاير بنفسه، مافيش أسس واضحة.
لهذا تتضارب القيم بين ما تفعله امام مجتمعك وما تفعله بعيدا عنه.
لا يعيب هذا الشخص ولا يبرر له ولكن يعكس صورة مجتمع غير مدرك انه يسير نحو التغيير
يقاوم و يتمنع حينا ينبطح و يستسلم احيانا.

هناك عدد من الرجال والنساء على حد سواء وجدوا طريقهم و وصلوا إلى اليقين، كلفهم الأمر كثيرا نعم، لكنهم وصلوا الخد و بعدهم يتعلمون.


مجتمعنا لا ذكوري ولا انثوي، مجتمعنا حاير بحيرة ناسه، ما قادرين نعيش ببساطة، مستكثرين على انفسنا الراحة و الهنا والسعادة فكيف نسمح ان تصل لغيرنا.

اشرت ايضا الي نظرة المجتمع او حكمه على المرأة المطلقة غير ما هو على الرجل المطلق.

دعني اقول لك ان الرجل عموما ليس له اشكال في الارتباط بامراه مطلقة، لكن امه مستعدة لفقدان كليتها ولا ترى ابنها تحل عليه هذه المصيبة.

خليني ابدي من الاخير..
طبعا خليتيني ابتسم
وماادري ابتسامة مريحة او ساخرة
لان للاسف دنشوف المراة بعبع
يعني المراة لما تطلق اصبحت شيطان
احذروها لاتتبعوها ولاتلقوا عليها السلام
هل هذا الشئ انسانيا مقبول؟؟؟
اني مااعرف شنوو السبب الحقيقي الي اسس هيج قانون غبي ان ننظر للمراة المطلقة نظرة دونيه..
هي انسانة لو شنو!!
وشدعوة عود الرجال بكيفه وعادي يطلق ويزوج بمزاجه ومحد يكول عليه عيب؟؟
مو كافي ننظر للمراة انها عورة وعيب وكلشي حرام ولازم تتربط بسلاسل وماتفك حلكها وماالها اي حق تعبر عن رايها او تتخذ قرارها؟؟
ليششش نخاف من المراة زين المراة مو هي امي وهي اختي وصديقتي هي مو زوجتي وبنتي بالمستقبل ليشششش نخاف منها؟؟؟
وليش من يشوف زوجته لو اخته تخون اذا يقتلها يكلك مايتحاسب هاي دفاع ع الشرف وهو حضرة جنابه كاضيها نسوان ولعب ومحد يكله عيب وكافي !!!وين العداله بهالموضوع؟؟؟؟؟
واحد يكولي يمعود بشار لو تشعللها العشرة شمع ماترضى وماتقتنع!!
واني اكله شكو بيهااا بس جرب لحظة الحبل 9 اشهر وساعة الولادة وكلي وكتهاا تستاهل تشعل الها العشرة شمع لو لا...
اي ماشي الرجل يكدح وملتهي بعيشة عياله بس هالشي شنوو دخله بالوعي والثقافة والتفكير الصحيح والمنطقي؟؟
يعني شخص همجي افكاره كله يكلك غلط وحرام ومايجوز ومن تساله شنو السبب يكلك والله مالي خلك اني اتعب بالشغل!!!
يااخي شغلك شعليه بوعيك وثقافتك!!
ياعزيزتي الله شافوه بالعقل..
واحنا الله انطانا العقل حتى نفكر بي بالطريقة الصح واذا كلش مايلائمنا ع الاقل لانفكر!!
اني افضل ابقى بدون تفكير وصامت 24 ساعة على ان افكر بطريقة خاطئة ومؤذية وماانزل الله بها من سلطان..
مجتمعنا ينراد تنجمع العقول مال البشر البي وهيج تنخل وبس الصحيحة تعيش والمتحجرة خلي تنرمي ب اي مكان يلائمها..
كل الاعتزاز ليديا