مراحب اختي العزيزة ليلىالمشاركة الأصلية كتبت بواسطة Layla20
ههه اي مو غلط اشربي جاي وكليجة وناقشيني مثل ماتحبين..
طبعا اني اتفق مع كلامج بس احب انوه عن نقطة اشرت عليها باللون الاحمر..
وهي انو مااتاثر بالمجتمع لان فقط الشخصيته الضعيفة يتأثر بي..
عزيزتي ليلى أني ابن هالمجتمع وهالمجتمع على تماس مباشر بيني وبينه ف كيف مااتاثر واكون شخصية لا مباليه بالسلبيات الي داشوفها..
الشخصية الضعيفة لما اشوف شي خطأ واسكت واكول يلا شعليه مدخل روحي..
الشخصية الضعيفة لما اكون انسان من ساسي لراسي غلط واكول بوجه الكل كيفي ما من حق اي واحد يغيرني واني مو راضي اتغير..
الشخصية الضعيفة يااختي العزيزة لما تخليني منزوي وخاتل ورا حايط خاتل حتى من خيالي لأني اخاف..
بس اني مو هيج وكل شخص تجانس مع هالحياة بكافة ضروفها راح يحس بعمق المسؤولية..
اني اخاف على اولادي باجر ينخلقون وينصدمون بمجتمع يتغذى على الجهل ويبصق كل ماهو منطقي وكل ما من شأنه أن يقودنا نحو النور..
إذا مو أني وانتي وحسن وجميل واخرين نغير ونكافح ونعالج الاخطاء حتى لو بكلام حتى لو بنشر التوعية ف على الاقل نحس بقيمتنا ومسؤوليتنا..
بالطبع احنا مو مكلفين بهالشي ولا بحاجة لتصفيق وتدوين اسمائنا على المجلدات ك قادة استطاعوا حمل المجتمع من القاع..
انما احنا محاربين لكل خطأ لكل عادة لكل قبيح لان الرضوخ للامر الواقع والاستسلام هو الجبن بحد ذاته وهو الي بوقتها مايخلي شخصيتنا ضعيفة بس لا إنما يخلينا عدم..
اما عن احترام المراة
اني اقدس المراة لدرجة شما اوصفها راح احس نفسي مقصر لان هاي المخلوقة الطهر شما اعاملها من محبة ورقي واحترام راح اضل مقصر..
يعني بس ال9 اشهر هاي ال9 اشهر لو تخلينا كلنا نفكر بحجم الالم الي تعاني منه المراة بيها كان صنعنا تمثال لامهاتنا..
المراة تستحق معاملة افضل من هذه المعاملة تستحق ان تكون بكيانها الحقيقي واني عمري مااشفقت على امراة لان هي اقوى من شعور اخرس يصدر من قبلي ك شفقة لها..
المراة قادرة على فعل المستحيل لكننا نهزأ بها وخلص اصبح ايمان مطلق ان شغلها يقتصر بالمطبخ وتربية الاولاد!!
الامثلة المذكورة ان شاء الله اتابعهن وعندي معرفة بالبعض منهن..
اختي ليلى
مداخلة جميلة
رد مع اقتباس
