هنا

[ღ عِشق ღ]

ابهاي اديه ودعتهم .. غالي غالي
اشظال بيه ودفنتهم .. غالي غالي
على دموعي واعدتهم .. غالي غالي


والله ما انساهم الچانو ضواي
راحو وهم زين ظل بعيوني ماي
چنت امشي بـإخوتي مأمن گفاي
هسه لمن التفت محد وراي

آنه زينب فارگوني گمره گمره
راح اوزع من عيوني گمره گمره

دمعي بيه ع الأحبهم والي والي

غالي غالي
____________________

من علي السجاد يلچمتي الهوه
ذكريات اچفوفي واچفوفه سوه
مثل ما بمتوني بمتونه انچوه
العلة افراگي بعد ماكو دوه

مني راحوا ماي عيني گطره گطره
واستراحو ظل حنيني گطره گطره

من الأذية سولفتهم حالي حالي

غالي غالي
____________________

حيلي صاير خيط من دفن النجوم
إلا اگولن ياعلي لو ردت اكوم
لان وحدي وصار يجرحني اليلوم
من الشماته ما تشوف اعيوني نوم

بإشتاقي گلبي نبضن دمعه دمعه
الليله كله بخدي رگضن دمعه دمعه

ماكو جيه شاهدتهم تالي تالي

غالي غالي
____________________

صرت أول حرمه بفراگ انذكر
اشسوه بيه الله لا ينطي شمر
ماكو واحد ماعرف بيه كسر
من مشيتي امبينه فارگني بدر

ابظلي ظلي حشمتهن نجمه نجمه
ايسولفلي عن گمرهن نجمه نجمه

ابكل مسيه انتظرهم عالي عالي

غالي غالي
____________________

اصفن وعيني يغمضها الدرب
آنه أول تالي بـ سياط أنضرب
اتراب من راسي وصل حد الگلب
حيل وياچ اسمعتها من الغرب

من سكوتي بيه تكبر چلمه چلمه
حته صوتي يطلع احمر چلمه چلمه

مو سبيه بس عفتهم خالي خالي

غالي غالي
____________________

بگلبي لچمات الحرب ما اظن تروح
من الطفوف لحد علي السجاد انوح
والله مدري اشلون ظلت بيه روح
الموت ماخذ راحتي خله الجروح

الموتي اصبر بس اتاني ساعه ساعه
ميته وانطر موت ثاني ساعه ساعه

الموت اليه عاهدتهم تالي تالي

غالي غالي
____________________


كلمات الشاعر- حسـام الحمزاوي

___________________

MP3

[حسام البيرماني شيزر]

بوركتِ

[EV ']

شكرا للجهود زهراء

[أمجد الاسدي]

أحسنتِ زهراء

[ღ عِشق ღ]

بوركتِ

شكرا للجهود زهراء

أحسنتِ زهراء

شكرا لحضوركم
شممت , هيفين , امجد