توصل مرحله من اضيع الايام
من تلكه الاحلام ادور احلام
بكل زخة مطر تضحك بالوجوه
واصابيعك تبوس الماي والجام
مرات الحروف شموع تنشاف
من تكتبها ع الشباج وتنام
من جفك يدور ع الصور وين
ودموعك بخدك مثل الالثام
منها وتقتنع بالسجن مريود
احسن ما يعيشونك بالاوهام
تره بدرب الرسايل تمشي الكلوب
ومن يمشي الكلب شتفيد الاجدام
ابد لتصير ابره تضم الفتوك
وينسوون بركبتك حبل الاعدام
اخذ طبع النده ولتشمك الناس
الورد للنده بكل مصباح شمام
يبو كلب الحنين شما يلجموا
فز وصلن تجاعيدك للعظام
وشخبط ع النسوك وغني للجاي
اذا مو هسه باجر تضحك هواي
بس لاتنسه من تلكه البعيدين
لازم كلبك تخلي لكداااام
ومن اول زعل بيناتكم غيب
اول شي زعل بعدين تنسام
ومن تكبر جروحك مايداووك
اوصورهم ماتكفي عيون محتام
خلك طير بس لتودي واجيب
تحس بالثكل بس ماتعرف شضام
هذا احساسك بيوم اليعوفوك
وشتحس الاوراق المالها أقلام ؟
#سعدالبدري
رد مع اقتباس
