بلمغرب
من يلتمن بصدرك الهم وال اخ والحسبه..
ومن تحتار عدمن تشتكي همك
تتوجه عله الشباچ..
تتفگد روازينك
مامش بس تحط عينك !
تنطر ريح ما توصل عناوينك..
وتسولف وتضحك ما ادري ويامن..
وتعاتب وتبچي
وترد علمامش تغنتب..
تروح تباوع لروحك بلمرايه
وتتعجب تشوف شگد حزن ملتم
تشوف تراب
تنام وتغطي الحزن والمغرب ايندهك..
تگعد ومامش كاس اليفهمك..
تعاين لروحك غريب وهلك يمك ..!
تنبهت وتحاچي بسمك
تختنگ يا ااخ بسك
تسهر بكل ليل وتنام اعله روحك
تبچي وتزيح التراب امن الشبابيچ العتيگه
تعاين الهم لچن محد....!
تگعد اتاني بغرفتك
تشعل الفانوس والضلمه متاهه
تغني وحدك
اتنام وحدك
تنجرح واطيب وحدك
تنلچم واتصيح بس محد يسمعك
وحدك وما بين حزنك تبچي حد الغبشه وحدك
تريد في ل شموس روحك
نار تلهب والصبر متبري منك
تجيس گلبك تحترگ ويخيب ضنك !
تريد چلمة هلا اترد الغربه عنك
تالي تدفن همك وتحبس عبرتك
وتغلگ الشباچ واتنام اعله ونك..
وتبقه وحدك مامش اليتعنه عندك
حسن وصفي
رد مع اقتباس
