ما أحبك جذب صدكَني ذايب بيك
واذا إدوّر عليه بيك تلكانــــــــي
واذا هذا الاكَوله تظن ابالغ بيه
تكدر تنسحب بس تكدر تنسانــي
وما أكلك جذب كَبلك ما حــــــبيت
بس يوم العرفتك انولدت من ثاني
وهسه اني طفل ما يعرف يضم اسرار
وتلكه البلكََلب بسرعة على لساني
أحبك كلمه ما تستحقــــــــــهه والله
لأن كلمة احبك ما تروي وجداني
وماتهمني حروف الكلمه من تنكَال
بس همني الفعل وشتحمل معـاني
لأن انه من أحب اختلف عن الناس
وما اكَلك طبع ولا سر ربانــــــي
ولا اكَلك ملاك اني يفــــــــــــــلان
بس تلكـــه الصدك من تدك بيباني
أحبك كَالوهه كَبــــــــــــــــلي هواى
وبيهه ما اهم واتركهه تعــــــــــــــــاني
عندي لهفه الك شايلهه من سنين
واظن كلمة أحبك ما تطفي نيراني
رد مع اقتباس
المشاركة الأصلية كتبت بواسطة كبريائي قاهرهم
عيد سعيد 
