هنا

[أنثى حائرة]

انا من انا وعمري 4 سنين اتمنى اكون صيدلانية وكنت جادة كثير كثير ومن الاول ابتدائي للسادس ابتدائي انا اولى على صفي وبالمتوسطة كل سنة اعفاء عام وبالثالث الوزاري طلعت اولى على منطقتي وثلاث مناطق مجاورة وكملت الاعدادية بالتفوق والانجاح والاعفاء كل سنة وانا بابا وماما اطباء وكان حلم بابا اكون صيدلانية وباسادس الوزاري اشرح الصديقاتي بمكان المدرسة والاولى بس بليلة الامتحانات الوزارية تمرضت لدرجة مكدرت ادرس وطلع معدلي 91
ورجعت وعدت مادتين بالدور الثاني وصار معدلي 92و6اعشار
بس للاسف طلعت القبولات وطلعلي هندسة
وقبلو الصيدلة 92و9اعشار
يعني علمود 3اعشار راح اعيش بالقهر كل عمري
وانتكست بعدها
وانقهرت واني بعمري ما انقهرت الهالدرجة مع العلم صديقاتي المستواهم اقل من مستواي حصلو طبية!!!!!!!!!!
بس هاي قسمتي
وارد واقول وزير التربية ابد مايحس بالطلاب بس اللهم نفسي
الحمدالله

[سعديه]

خيرهة بغيرهة والله ايقدملج الخير دائما اكيد الصيدلة متفيدج لان الله سبحانه وتعالى ميسوس غير الي بي خير الج ولغيرج والله اعلم احمدي ربج واشكريه الهندسة هم موقليلة واذا كلش قدمي اهلي

[Echo]

السلام عليكم
الله يساعدك اختنا الكريمة ويكون في عونك
صار اللي صار وشكلها ما مقسومة
اذا اهلك متمكنين روحي اهلية او بالخارج وكملي ...
والله يوفقكم

[داستان]

عسى ان تكرهوا شيئا وهو خير لكم

حبيبتي نصيحة الج لا تقضين ايامك كلها تتحسرين على الصيدلة يمكن خيرج بهاي الكلية

ادري صعبة طول عمرج تحلمين بشغلة وماتصير بس هم اذا تزعلين ما يفيد بشي بالعكس تكبر المشكلة وراح تكرهين الهندسة كلش بس اذا شكرتي الله ورضيتي برزقج صدكيني رح ترتاحين كلش وتحبين الهندسة وتبدعين بيها

اتمنالج كل التوفيق

[Daleen]

اذا ما يعجبج .. سوي تعديل ترشيح ... بس سجلي بالهندسة وبعدين قدمي تعديل ترشيح
تشوفين عندج قدرة وارادة سوي تحسين معدل بس ترى تصفر درجاتج القديمة ... اصلا كلشي بقسمة الله

[Samer]

هسة هي الصيدلة تسوى فعلا هذا القهر ؟ هي قسم مثل باقي الاقسام .. مجرد اللي يميزها عدنا بالعراق انه تكدر تفتح صيدليتك الخاصة (بعد ما ينشلع قلبك 5 سنين دراسة و بعد كم سنة بالاقضية و النواحي تداوم ) و بيها خوش فلوس .. لا اكثر و لا أقل

كل اختصاصات الدراسة حلوة .. و كل اختصاص ممكن أنه يبدع بيه الشخص و يطور امكانياته و يستمتع بدراسته .. و انتي ما مجبورة تروحين (الكلية اللي تجي بعد الصيدلة مباشرة بالتنافس) .. ممكن إذا ما حصلتي الصيدلة تروحين اختصاص تحبيه و ترتاحيله ما دام معدلج عالي .. مثلا لغات أو اي اختصاص يعجبج غير الهندسة (اذا ما عاجبتج الهندسة فعلا)

اما إذا ردتي تبقين بالهندسة .. فاكو اقسام لطيفة بالهندسة و نازوكية مثل المعماري او الحاسوب (شايفة إذا صرتي هندسة حاسوب من جامعة بغداد اوووف الكاع بعد ما تشيلج )

الحياة حلوة و بيها هواي مجالات .. ماكو داعي نشبع بيها قهر لان مجرد ما حصلنا فد حلم معين من احلامنا .. قحط الصيدلة .. لو قحط الطبية لو قحط اي اختصاص يا معودة .

[المحامي احمد التميمي]

اني متابع موضوع القبولات هاي السنة بتركيز

ما ااحجي معدلات اتكلم بلغة المجموع
655 انقبلو صيدلة وطب اسنان في ميسان والمثنى
في حين ناس 658 هندسة بغداد
------------------
واطمنج انتي لا زالت الفرصة امامج بقوة للحصوزل على الصيدلة عن طريق كلية الصيدلة الاهلية في الاباب المعظم ما دام معدلج جدااااااااااااااااااااااا ااا عالي
اطمئني ...فقط يحتاج فلوس الموضوع
والحياة تجارب
تحياتي

[Daleen]

اني متابع موضوع القبولات هاي السنة بتركيز

ما ااحجي معدلات اتكلم بلغة المجموع
655 انقبلو صيدلة وطب اسنان في ميسان والمثنى
في حين ناس 658 هندسة بغداد
------------------
واطمنج انتي لا زالت الفرصة امامج بقوة للحصوزل على الصيدلة عن طريق كلية الصيدلة الاهلية في الاباب المعظم ما دام معدلج جدااااااااااااااااااااااا ااا عالي
اطمئني ...فقط يحتاج فلوس الموضوع
والحياة تجارب
تحياتي

القسط 6 مليون سنويا اذا ما زاد ... منو يكول وضعها المادي يسمح ؟؟؟
هذا هو الحل من وجهة نظرك .؟؟ شبيها الهندسة داومي هندسة نفط لو مدني ... بعدين تكولين شلي بالصيدلة

[ليديا]

كلام سامر خليه في بالك هههههههههههه

ولا تبقي تنظرين الى زميلاتك كوني واثقة الخطى وتميزي في القسم الذي ستدرسين فيه لاننا بحاجة الى كل التخصصات نوعا لا كما

ودمت نيرة

[yahela]

المشكلة هي الرغبة في القسم, الأخت تقول أنه من كنت صغيرة كنت أفكر في الصيدلة. وخاصة إذا كانت الأسرة طبية .
شوفي أي حل لدراسة التخصص الذي تتوافقين معه ويناسبك . فتعب الدراسة والوقت المصروف لأجلها مو هين (الله يعينك) .
مثلا آني في سنتي معدلي يقبل طبية , لكني أخترت الهندسة , لأن مجال الطب ودراسته لا تنسجم معي وتخرجت و أعمل الأن في الأختصاص ولست نادما .
وفقك الله لما فيه خيرك