كلمات قصيدة انفاسي انفاسي - باسم الكربلائي l مكتوبة كتابة l محرم 1440 - 2018
انفاسي
انفاسي
يحسين الك منذوره ..
..........
عشگ الطفوله ابذاتي
من المهد مشواره
حب الحسين ابروحي
وانه انچويت ابناره
دولة غرمه إحساسي
بين الجوانح داره
واصبح صحن دلالي
مهبط وحي اسراره
إحساسي إحساسي ..
من نوره شايل صوره
_______________________
عشگ السمه ويالنجمه
انه اعشگت آلآمه
لمن خدمته الغايه
يحسبني من خدامه
خط الشعاير ديني
لطم الصدر والقامه
غيث الدمع بعيوني
مايطفي جمر ايتامه
نبراسي نبراسي ..
كل ليلة گلبي ايزوره
_________________________
ثابت ولائي ابدربه
بعيوني ساكن نوره
غالي واعز كل غالي
والروح اله منذوره
عمري وحلاة ايامه
من اخدم ابعاشوره
بحر الدمع مايكفي
الظلوع هالمكسوره
نوماسي نوماسي ..
محبوبي عالي ابسوره
___________________________
طعم الشهد بشفافي
اشما رتلت بحروفه
حسين السكن برموشي
اتبات اعله عيني اطيوفه
كلمة شرف احچيها
هيهات أبد ماعوفه
اتمنه لو بس مره
يمسح علي بچفوفه
عباسي عباسي ...
والروح اله مذخوره
___________________
امي ولبنها الطيب
ابهذا العشگ غذاني
واشكر حبيبي الوالد
بهذا الدرب رباني
وصاني احب حسيني
خادم اله سواني
لمن اخدمه ابمحلس
ابعين اللطف يرعاني
وبراسي وبراسي ..
تاج الخدامه ونوره
___________________________
يانبضة عاشت بيه
انته الكحل لچفوني
هيهات ابد ماعوفك
اشما رادو ايمنعوني
مجنونك ابقه وادري
عين العقل بجنوني
انته الامير واني
عبدك يـضي اعيوني
ماناسي ماناسي ..
الطافك المشكوره
__________________________
كلمات الشاعر : علاء عبدالحسين الكربلائي
رد مع اقتباس
المشاركة الأصلية كتبت بواسطة هيلــه
