كلمات قصيدة صاحب يكول لصاحبه - باسم الكربلائي l مكتوبة كتابة l محرم 1440 - 2018
صاحب يگول الصاحبه
حين الوصل ظعن السبي
ذاكه العلى راس الرمح
وجهه مثل وجه النبي
وجهه مثل وجه النبي
ياصاحبي هذا الظعن قادم تره من كربله
گالو خوارج والشمر هوه اليقود القافله
امشي نباوع للظعن نعرف نسب هالعايله
بس الغريب ابهالظعن حته الأطفال امكبله
عدهم فرد واحد عدل
شنهو السبب مامنقتل
يمكن لان صابه المرض
لو عنده سر ياصاحبي
___________________________
ياصاحبي وضعي اختلف شنهي التغير ياتره
چني اباوع فاطمه لمن شفت هاي المره
مهيوبه هيه وشامخه عفه وخدر وموقره
چن لبوة لمن تلتفت ماچنها حرمه اميسره
ياصاحبي رايي اختلف
ذوله اهل غيره وشرف
لا مو خوارج وعـرفت
هاذي دعاية ناصبي
___________________________
شاف العليل وراح اله سلم عليه وبكل خجل
گـله يمولاي اعتذر احچيلي شنهو الي حصل
من ياعشيره سيدي من يابلد من يا أهل
ليش الرجال اتذبحت والـ بالمهد هم انقتل
هاي الوقوه اتحن إلك
بت من واخت من اسألك
ترجف اديها وتنتفض
من ينظر إلها الأجنبي
___________________________
گله استمع يا سائلي لكن دمع عينه جره
هذا الگلت يشبه نبي إبن الزچيه الطاهره
ذيچ العله الهزلة تون زينب وابوها حيدره
ذاكه الذي ابعينه سهم كافلها سبع الگنطره
هذا الشمر شتوصفه
ذابح أبويه من الگفه
ما ظل بعد عدنه زلم
لا هاشمي ولا طالبي
___________________________
يا سائلي انظر على هاي اليتيمه الي بچت
گله شفتها سيدي ابطرف العبايه اتعثرت
تركض على ذاكه الرمح چـالـطيره بس ما وكـرت
هاذي رقيه الغاليه شاء القدر وتيسرت
كل البدور الزاهيه
ظلت جثثهم عاريه
ماقصرت شمس الضهر
گلت الها ياشمس اغربي
___________________________
ياسائلي وعندي طلب اجرك على راعي العلم
احچي ويه شيال الرمح خل يمشي گدام الحرم
شيبة ابوي وهيبته تشغلهم وهذا الأهم
تتفرج اعلينه الخلگ فوگ المصايب والألم
نتحمل اسياط الشمر
بس لا ينظرون الخدر
ياسائلي شكراً إلك
حقق إليـة مطلبي
__________________________
رد الصحيب الصاحبه يـلطم على وجه ابحذر
ياصاحبي آخر خبر ذبحو محمد ع النهر
ياويلي ومثلث سهم ابصدره وطلع من الظهر
وخيمهم احترگن سوه والخـدر أتصيح المفر
ياصاحبي وزينب تون
كسروا ظهرها والمتن
من تحسب أيتام وحرم
صاح الشمر لا تحسبي
__________________________
ياهل خلگ غضوا البـصر ذني شرف حامي الحمه
زينب اذا تدعي تره دعوتها دعوة فاطمه
لوترفع اصبع بالدعه فوگ الارض توگع سمه
هذا الحسين الكوثري تالي يموت من الظمه
خيل اعوجيه السحگته
شالت قسم من جثته
بعتـو الضماير والشرف
يعني أشيفيد امعاتبي
___________________________
الشاعر السيد عبدالخالق المحنة
___________________________
كتــآبةة~`Zahraa Al obaidi
لتحميل القصيدة mp3 اضغط هنا
رد مع اقتباس
