وذا رحتي ؟
غني الكل جرح ياليل
ضم للذكره عين وحيل
واسجد للتراب بشوك
تره اثار المحب محراب
عيش الدنيا بهمومك
ونث دمعك على هدومك
لاتنتظر من اطيح بس جفوفك تكومك
كلتلها واذا مشتاك
سكتت والعيون تكلي ما لومك
كلتلها حلمنه نباك
كالت شيل راسك فوك
دور عدل بنجومك
دور زين ؟ خم واندل احلامك وين ؟
كلتلها الحلم وياج كالت حلمي مو(لثنين)
كلتلها لعد واني ؟
كالت( بيه ) بس غيرك كبال العين
لسه من اكمش جفوفي
اذكرك واستحي واخجل واضم اليدين
كلتلها وذا رحتي ؟
كالت قسمتي وبختي
كلتلها السبب مني ؟
كالت رسمك بحنتي
كلتلها شحلات انتي
كالت ماكلت جنتي
كلتلها كلت ( تبقين ) سالفتي
حلاة الموت من تقرين فاتحتي
حيدر الطفيلي
رد مع اقتباس