هنا

[فاينمن]

اممم،
سام انت بديت تفكر تفكير الملاحدة

انا عندی یقین أنو بالعالم بس قسمین من الناس مهتمین بالله و معرفة الله .... وهم کبار علماء التوحید و العظماء من الملاحدة ...من تتابع اسئلتهم بـ طریق معرفتهم لـ کیفیة حدوث هذا الکون و صفات الخالق تشوفهم یتشابهون ... مرات حتی علماء التوحید یسئلون اسئلة معقدة ممکن الملحد ما یخطر بباله أنو یسئلها ...

أنا احب الملاحدة و أحب علماء التوحید لأنو من خلال الغوص بأ سئلتهم احس اگدر اعرف معنی الحیاة و الوجود ... المشکلة احنه کـ ناس عامة ما عدنه جرأة نتابع معرفتنا عن الله واحیانا نحب نعرف بس ما ندری کیف نبدی و من وین نبدی بالبحث ..

واني من واجبي كداعية ان اهديك الى الصراط المستقيم

هههههههههه ... اخذی سفرة لکالیفورنیا لو سویسرا و انا اؤمن بکل ما تقول

الرحمة هي صفة يضعها العابد للمعبود ، يعني كل العابدين يطلبون الرحمة والمغفرة من المعبود ويعتبرونه ارحم الراحمين، مثلا عبادة امون يطلبون الرحمة والمغفرة من امون وان لا يسلط عليهم غضبه وكذلك بالنسبة الى عباد الشمس والنار و الحجر وغيرهم اذا هي الرحمة صفة من صفات المعبود



الله رحيم ؟ !!!!!!!

اللی وصلنا من تعالیمنا الدینیة و العقائد اللی عدنا فـ الله رحیم بس أحنه نرید نتعرف علی های الصفة ...

الله غرق قوم كامل وانتشل فقط نوح وبعض اتباعه القلة، زين هذولة مو عدهم اطفال وشنو ذنبهم الله يغرقهم

زين ليش الله ارسل موسى والخضر لقتل ولد لانه سيغوي والديه المؤمنين عند الكبر زين ليش خلقه من الاساس، وفضلا عن ذلك ترك الشيطان يغوينا لابد الدهر؟ ؟؟

های الاسئلة من ضمن الاسئلة اللی تدور ببالی و ببالکم ... من هذا الجانب و بعد امور نسئل شنو معنی الرحمة ... الله عذبهم لخاطر نفسه لو الخاطر نوح ؟ اذا الخاطر نفسه فـ های مو رحمة اللی تعذبلک ناس لخاطر نفسک وانت اساسا ما محتاجهم و اذا لخاطر نوح ایضا مایصیر تعذبلک قوم بحالة بسبب شخص واحد لو فئة قلیلة من الناس ...بخصوص موسی والخضر ...سؤال وارد جدااااا


وبالنسبة للشيطان هذا الكائن الكيوت واحتمال ما موجود اصلا ، حاطي شماعة لذنوبنا و افعالنا السيئة والله شنو الشيطان وسوس لسيدنا ادم ليأكل التفاحة وينزلنا للارض،

ایضا الله کا یعرف الشیطان یغوی بالشر بالنهایة لو لا اذا یدری لیش هیچ خلق الشیطان ؟ و اذا ما یدری فحاشا لله ...ثانیا الشیطان یگول لله .. هوای اکو امور بهالخصوص بعدین نسویلها موضوع ...

زين ليش مدكولون ان الله سير ادم ليأكل التفاحة حتى ينزله للارض الذي شيدها قبل خلق ادم ووعد ملائكته ان يجعل البشر (الذي لم يخلق حينها) خليفته ع الارض

سؤال وارد ... بعدین نسوی موضوع بخصوص بدایة الخلقة

اكتفي بهذ القدر لان ما اريد ابتعد اكثر عن صلب المرضوع

اسعدنی حضورک صدیقی الطیب الراااااائع

[فاينمن]

في البداية انا اتفق مع سام واذهب الى ابعد من هذا .
اين رحمة ارحم الراحمين ذهبت !!
الناس قتلها الجوع
والعطش
والامراض
الناس تقتل بأسم الرحمن .
متى تنزل تلك الرحمة
الله كريم رحمة ربك موجودة !!! اسمعه يكولها من جنت صغير تالي مات من المرض والجوع وماعندة فلوس علاج يشتري.

هو لهای الاسباب لازم نعرف رحمة الله اخی

لا اريد التكلم اكثر حتى لا يتهمني احد بالألحاد

حتی لو یتهمونی بالالحاد ...المهم عندی انو اعرف ربی ...


مشكور سام عالطرح القيم

صدیقی فقار الطیب ..شکرا لحضورک

[فاينمن]

مرحباً، بالعودة للموضوع هذا، وخاصةً حول اختيار الصديق سام لمثال الجنة والقياس عليه في نقاش صفة الرحمة نقول: حتى في الجنة يوجد نوع من التمايز والاختلاف فالأنبياء والأوصياء والمعصومين في الطبقة الأولى يتبعهم الشهداء في طبقة بعدهم ثم المنفقين والمساعدين للناس وهكذا تتدرج الطبقات وكل طبقة تحتوي على مزايا أقل من الطبقة التي تعلوها، اذاً حتى الجنة فيها اختلاف،

احسنت .. هو هذا اللی کنا نقوله ... بما انو حتی فی الجنة معما ممتلئة بالنعیم و وسائل الراحة هناک کلها موجودة یوجود تمایز... اذن انو الله ینعم ع البشر هنا و یوفر الهم وسائل الرحمة ما اشوف بی ضرر و مانع

بالنسبة لنمط الحياة تخيل كيف ستكون الحياة لو كنا جميعاً مستوى واحد تماماً ؟ ان كنا جميعاً ذوي شهادات عليا فمن سيبيع في السوق ومن يزرع ويحصد ويصنع و.... تعال نضرب مثال ولله المثل الأعلى، لو كان الدرر في مدينة واحد من نفس الشهادة والطبقة تحت حكم سامر .. من سيتولى البيع والزراعة والصناعة؟ اذا قلت ان سامر يجب ان يوزع المهام سيحدث اعتراضات فلو كلفني بالزراعة ربما أعترض لأني استاذ جامعي حالي حال سام و فقار الكرخي وبطيخة والباقين كلنا اساتذة جامعيين سأقول (سامر انت عنصري لماذا تركت العراب وكلفتني بالذات للزراعة مع إن كلانا لديه ماجستير ؟ اذن انت تكرهني) وهكذا ربما ستعترض فيروز اذا طلب منها غسل الصحون وتحتج بعدم تكليف سام أو أغرد بهمس بهذا الواجب. لذلك خلق الله الناس متفاوتين كي تكون حياة مع إيجاب احترام الانسان لأخيه الانسان لذاته على أساس الانسانية المتساوية لا على أساس عنصرية طبقية أو فئوية.

احنه ابدا ما نسولف علی المساواة ..احنه نگول الله یگدر یوفر الراحة هنا بالارض و ینعم علی الناس البعض یگولون اذا هیچ یصیر فالحیاة تفقد معناها و لذتها ... ردینا علیهم أنو باالجنة اکو نعیم وراحة بس اکو معنا للحیاة هناک و راحة ..فـ نگدر نستنتج أنو النعیم والراحة مو مانع لمعنی الحیاة و لذتها ...

شکرا لحضورک حسن عزیزی

[فاينمن]

«وَرَبُّکَ الْغَفُورُ ذُو الرَّحْمَةِ» کهف/58.

شنگدر نحصل من های الایة ؟ أنو غفران الذنوب من الرحمة ؟نگدر نگول غفران الذنوب شیء و الرحمة شیء آخر ؟ اللی یعرف یوضحلنا الرحمة من خلال های الایة نکون ممنونین منه

«کَتَبَ رَبُّکُمْ عَلَی نَفْسِهِ الرَّحْمَةَ» انعام/12 و 52.

لعد لیش ما یرحم البعض ؟ احنه نشوف البعض متعبین جدااا من حیاتهم ... حتی مرات تنسد علیهم الطرق و یضطرون ینتحرون وحتی للحظة الاخیرة هم الله ما یساعدهم حتی لا یضطرون للأنتحار ... یجوز أنو کتبت الرحمة علی نفسه باالقیامة والبرزخ بس مو هنا بالارض

«وَرَحمَتِی وَسِعَت کُلَّ شَیء» اعراف/156.

نفس جوابی السابق

«إِنَّ رَحْمَتَ اللَّهِ قَرِیبٌ مِنَ الْمُحْسِنِینَ» اعراف/56.

های الآیة تختلف من الایة اللی ذکرتیها قبل

«قُلْ یا عِبَادِی الَّذِینَ أَسْرَفُوا عَلَی أَنْفُسِهِمْ لا تَقْنَطُوا مِنْ رَحْمَةِ اللَّهِ» زمر/53.

هنا هم الله یخلی الرحمة والغفران بـ ایة واحدة ...انت شتفکرین ؟ شنو الربط بین الغفران و الرحمة ؟

ولأن من صفاته الرحمة اوصانا بها في مابیننا
وَتَوَاصَوْا بِالْمَرْحَمَةِ أُولَئِکَ أَصْحَابُ الْمَیمَنَةِ« بلد/17 18.

و لأنه هم کتب علی نفسه الرحمة احنه هم نوصیه بالرحمة علی جمیع مخلوقاته و اصلاحهم واصلاح امورهم

«وَالَّذِینَ مَعَهُ أَشِدَّاءُ عَلَیالْکُفَّارِ رُحَمَاءُ بَینَهُمْ» فتح/29.

«وَاخْفِضْ لَهُمَا جَنَاحَ الذُّلِّ مِنَ الرَّحْمَةِ» اسراء/24.

شکراً سام علی الطرح الممیز

ممنون اشراقة أمل اسعدنی حضورک

[فاينمن]

الشواهد على رحمة الله كثيرة وملموسة وباعتباري فقير وعانيت البؤس والحرمان فآني شفت ولمست هاي الرحمة بعيني وشعرت بيهه ..

شوقت لمست های الرحمة قبل لا تکون بظروف صعبة لو من بعد ما کنت بظروف صعبة ؟؟

اوقات كثيرة سبيته وشتمته وبصقت عليه ومر بيه الفقر على شكل مراحل وبآخر مرحلة توصلت لنتيجه ظليت ابكي هوايه بأن الله كان يريدني أوصل لهاي المرحلة !!

أنو الله رادک توصل لهای المرحلة الصعبة أنت تعتقد های رحمة ؟؟ اذن ثبتها النه کیف تکون رحمة ؟


حسبالك مراحل دراسية. . فعلا الحياة مراحل دراسية يشرف عليهه الله. .
مااعرف شحجي وشأكول عن اهتمام الله وعطفه على الإنسان !!

الله کان مهتم بیک و انت تگول مریت بظروف صعبة ؟؟ أنت شنو تعریفک من الله ؟؟ الله هو القادر القوی الغنی الرازق ارحم الرحمین ... های الصفات لو تخلیها علی ای شیء یکون شیء یفوق خیالنا باللطف معانا و یهتم بینا اکثر من عدنا...لیش من نوصل لله اللی هو منبع کل های الصفات الحلوة نقنع بالقلیل منه ... غیر هو ربنا

كنت آكل قشور الفواكه المرميه وظهر بأن القشور بيهه فائدة كبيرة للصحة أفضل من داخلهه

أنت شخص عظیم ... أنا هیچ احس

الله خله بالقشور فائدة صحية عظيمة للفقراء

بس مو ارحم الراحمین لأنو ما کان یحب أنو هذول الفقراء یاکلون الفواکه نفسها ...

صحيح اني مااملك فلس ولاعانه بس انطاني صحة جيدة. .


طیب اذا یاخذ منک الصحة یصبح مو رحیم مو ؟؟ شنو رایک بناس هم فقرا وهم ما ظروف صعبة وهم یعانون من المرض ...

حلمت اجوني شخصين كالولي الله دزنه الك شتطلب كلتلهم اني جوعان كالولي هذا الشي راح يفيدك ويقضي على البكتريا بأمعائك

ما بعرف های المقولة لمن وما اعرفها کلها بس المضمون مالها یگول ... احقر ناس هو اللی یمتلکون مال کثیییررررر و یشوفون شخص محتاج وعوض ما یساعدونه یشجعونه علی الصبر ... المفروض ینطونک افلوس اهوای حتی تعیش بیهن وبعدین من صار عندک باکتریا بامعائک تروح بافلوسک للطبیب و تصحی نفسک ...لو ع الاقل تعیش مدة من الزمن مثل ما انت ترید ...

ورغم الجوع بس اطلع للعماله جنت اشيل كيسين اسمنت على متني واصعد درج طابقين .

کان من الممکن أنو تکون عندک وسائل راحة و وتستخدم های طاقتک للکثیر من الامور اللی ممکن تفید الجامعة البشریة بالنهایة

حاليا آني أشعر بسعادة كبيرة واذا تسألني راح اجاوبك بحيث وصلت لمرحلة من الانسجام مع الكون !! واكيد اذا اتكلم عن هاي المرحلة ماراح أحد يفهمني وراح احتفظ بيهه لنفسي! !

أؤمن بکلامک هذا ... الانسجام یجیبلک احساس سعادة ...

اني حاليا انظر لأصحاب المال والجاه نظرة عطف ودونية .. عرفت االخلل وين وعرفت الهدف لوين وعرفت ليش الله خلقنه ومهتم بينه وشنو الغاية !!

أنت تعرف انو المال و الجاه ما یمنع البشر من الوصول للهدف ...

اللي يحب الله يستحي حتى من نفسه ومايريد أي لقب أو يتفاخر.

انو انت ما ترید لقب وتفاخر هذا من شخصیتک العظیمة

شكرا سام

اسعدنی حضورک جداااا عزیزی

[نائيةٌ .. جدًا !]

..


لكل سؤال تركته هنا يا سام إجابة
بينة لا ريب فيها ..
وبالمناسبة هي ليست ببعيدة عنك
ولكنك ككل البشر يكسل عن البحث
ويريد الحصول على مبتغاه دون أن يكلف نفسه
عناء البحث .. والسعي والتجرد
ما معجزة نبيك يا سام ؟
إنه القرآن .. الدليل .. مشكاة الطريق
رسائل الله .. التي يعرّف بها نفسه إلينا
كلامه ..
هل من سبيل لتعرف أحداً أفضل من تأمل وتدبر كلامه ؟!
فهل قرأت كلام الله بنية التعرف إلى الله وفهم مراده ؟!
هل قراءته بغية دراسته لتعرف من يكون قائله
وما صفاته ؟ وما حقّه عليك وحقوقك عليه ؟
وهل هذا الرب الذي أوجدك من العدم يستحق أن تعبده وحده ؟
ذلك الكتاب الذي قال فيه رحمن الدنيا والآخرة
( إن هذا القرآن يهدي للتي هي أقوم )

كلنا يا سام تملؤنا الأسئلة
ونحتاج إلى خالق عظيم يضمنا إليه ويرمم صدورنا
إنه قريب يا سام ويسعف الصادقين في البحث عنه بسبل الوصول .. فقط اقترب إليه وسيعجل إليك بفتوحه وألطافه
سأعود هنا إذا شاء وبإذنه سآتي ومعي الري الكامل لكل
ما قرأت هنا من عطش ..

هو أرحم مما يسعك تصوره .. سبحانه !


..

[أمير ثامر]

حضرتك طلبت مني إجابات ولازم اجاوبك عليهن بكل إخلاص وأمانة !!
شوقت لمست های الرحمة قبل لا تکون بظروف صعبة لو من بعد ما کنت بظروف صعبة ؟؟
لمست رحمته من بعد مامريت بالظروف الصعبة

أنو الله رادک توصل لهای المرحلة الصعبة أنت تعتقد های رحمة ؟؟ اذن ثبتها النه کیف تکون رحمة ؟
خوية احنا نايمين ومتيهين كلشي واللي يروح زايد راح يجي منبه بأنه انته ماشي بالطريق الخطأ كأن يكون تعاملك مع الآخرين أو قساوة قلبك! ! الغاية الكبرى عد الله هي شلون يخلي قلبك رقيق ومحب وعطوف لكل شي هاي كمرحلة ابتدائية حتى يوصلك لأهداف مرسومة إلك مسبقا لكونك إنسان ووظيفتك بأن تكون بجانب الخير وتحارب الشر وعندك إمكانيات هائلة تساعدك بهذا الشي بدون ماتحتاج لأي أحد حتى الله ماتحتاجه لأن انته تمثله بالأرض .. رسالة الله تكول ليش انته غافل عن نفسك وماتعرف قيمتك الحقيقية (بعدين اشرحهه الك هاي الامكانيات العظيمة ) . . إذا انته متجاوب وياه راح يبتليك شويه شويه .. راح يبديهه وياك بسلب الحظوظ (دائما الفقير يكول اني ماعندي حظ ) وراهه راح تمر بهزات عاطفية وأسرية ومهنية وبالفقر وبالأخير راح تتوازه وتنحصر بدائرة ضيقة وتختار تنهي حياتك وبهاي المرحلة اذا عرفت تجاوزهه راح تكعد تحاسب روحك وتعترف بأنه انته شكد كنت ظالم روحك وظالم الآخرين وتتندم على كلمة جرحت بيهه شخص أو أذيتلك حيوان أو عنفت طفل أو أذيت نمله تمشي على الأرض (راح توصل لهاي الدرجة ) مع العلم أن هاي الأخطاء تعتبر بسيطة بمفهومنا بس هي حيل جبيرة وراح تكعد تأنب روحك وتبكي وتتوسل بلله بأن يغفرلك بأنه انته كنت تطلب الرحمة من الله وانته أكبر ظالم! !
وراهه راح تجي رحمة الله بعد ماتزهد من ملذات اصطناعيه اي (قشمريات ) ورق مطبوع وحديدة تمشي بالشارع ونفخه جذابيه وبيت مزخرف وسندويج مال لحم كلهه سوالف حشاكم(بايخه ) جاي نتوسل ونذل روح عظيمة على مودهه! !

الله کان مهتم بیک و انت تگول مریت بظروف صعبة ؟؟ أنت شنو تعریفک من الله ؟؟ الله هو القادر القوی الغنی الرازق ارحم الرحمین ... های الصفات لو تخلیها علی ای شیء یکون شیء یفوق خیالنا باللطف معانا و یهتم بینا اکثر من عدنا...لیش من نوصل لله اللی هو منبع کل های الصفات الحلوة نقنع بالقلیل منه ... غیر هو ربنا
هسه راح اجاوبك عن الإمكانيات العظيمة المتاحة للإنسان وشنو قيمته عد الله !! وصلت لمرحلة بأن أي حدث يصير كدامي أحس بأنه هذا مر عليه مئات المرات واعرف شراح اجاوب واعرف شراح ينتج عنه واعرف المقابل شنو ردة فعله وبيش جاي يفكر وأكدر اتحكم بالحدث اخلي سلبي أو إيجابي وطبعا ماتعرف السعادة اللي انته بيهه ساعتهه بأنه تحس عندك إمكانيات هائلة حتى تتحكم بالأحداث وتكدر تدير اللقاء بما تشتهي روحك (المفروض مااتكلملك عن هاي الاسرار ) بس عسى أن يصحون الناس من غفلتهم ولهاثهم ورا أمور دنيوية بائسة ويعرفون قيمتهم !!
أي واحد عنده إمكانيات ماراح يتكلملك عنهه لأنه مايريد يتربح من وراهه ولايدور صيت وسمعه !!
انته مسبقا مو بحاجة الله حتى يرحمك لأنه انطاك قوة عظيمة انته بحاجة نفسك انته المفروض ترحم نفسك بنفسك .. الله والملائكة دورهم بأن يرشدوك على إمكانياتك بدون ماتطلب شي .

بس مو ارحم الراحمین لأنو ما کان یحب أنو هذول الفقراء یاکلون الفواکه نفسها ...
هاي المراحل مو لأنه الله مانعهن عنك راح تلكاهن وراهه متاحات ولابالك يمهن لأن اتوماتيكيا راح تصغر معدتك وتحس بالرضا والقناعة بس هي خطة حتى ذهنك يصفه! مثل ماذكرتلك الله بس يدليك لأنه المفاتيح بيدك انته

طیب اذا یاخذ منک الصحة یصبح مو رحیم مو ؟؟ شنو رایک بناس هم فقرا وهم ما ظروف صعبة وهم یعانون من المرض ...

وشمدريك انته يعانون من المرض؟ المشاهد اللي تشوفهه العبرة منهه أن تساعد أكبر عدد من الناس وتمدلهم يد العون تعبيرا عن حبك ورحمتك! ! انته دائما انظر لنفسك وامكانياتهه اللي منحهه الك الله حتى تساعد بيهه على مود تنفتحلك مرحلة أكبر وتتعرف على الحقيقة! ! مو كل المشاهد حقيقية بس انته أتعامل معاهه بكل جدية يعني طلع اللكمة من حلكك وحطهه بحلك جوعان والدواء مالتك انطيه لمريض وانزع حذائك وانطيه لواحد حافي

ما بعرف های المقولة لمن وما اعرفها کلها بس المضمون مالها یگول ... احقر ناس هو اللی یمتلکون مال کثیییررررر و یشوفون شخص محتاج وعوض ما یساعدونه یشجعونه علی الصبر ... المفروض ینطونک افلوس اهوای حتی تعیش بیهن وبعدین من صار عندک باکتریا بامعائک تروح بافلوسک للطبیب و تصحی نفسک ...لو ع الاقل تعیش مدة من الزمن مثل ما انت ترید ...
من قال هذه المقولة انسان صادق مع نفسه !! صحيح أن احقر الناس من يمتلكون مال كثير ويمنعونه ويشجعونه على الصبر. .
المرض الحقيقي هي الغفلة. . النصيحة بالحلم فادتني معنويا وشكرت الله عليهه! ! اني ممنون لله لأن دلاني على الطريق وآني لازمه للنهاية ولو آني أشك بالنهاية لأن ماكو نهاية لمن استدل الطريق


کان من الممکن أنو تکون عندک وسائل راحة و وتستخدم های طاقتک للکثیر من الامور اللی ممکن تفید الجامعة البشریة بالنهایة
الراحة اللي تتكلم عنهه هاي راحة زائفة !! الراحة والسعادة الحقيقية أن تحس بكل ذرة بالكون وكل شي اله نكهة خاصة وذوق خاص من تكتشفهن راح تكتشف عظمة الله وشكد هو رؤوف وجميل وحنون وحنانه مايضاهيه حنان الأم لو بعد مليون عام ..
رائحة البرتقالة مثلا بيهه سر عجيب وبيهه ذبذبه راح تولد عندك ذبذبه بدماغك تفتحلك باب لسر من أسرار السعادة (انته جاي تفهمني؟ ) كل مشهد وكل فاكهة وكل حجر وكل رائحة وراهه ذبذبه تتناغم مع عقلك وتكتشف سر لسعادة جديدة! !
الأمور الدنيوية مابيهه سعادة كلهه زائفة


شكرا سام

[بـشــــار]

مرحبا أخي سام
إستفسارك باللون الأحمر وجوابي بالبحري


حبیبی اخی بشار ... صح الله نطانه عقل ..لکن هو أنطانا العقل حتی یحاسبنه بی ... فهای مو رحمة لأنو هو کان عنده قصد أنو یختبرنا والعقل من ضروریات اختبارنا بهای الحالة اللی احنه علیها هسه ..و بعدین هذا العقل اللی نتحاسب بی ...

كيف العقل مو رحمه؟؟
العقل هو الي يخليك تكون انسان ارادي وتتخذ قراراتك وتختار طريقة تفكيرك وعيشك بالطريقة الي تناسبك انت..هل هذا الشي مو رحمه؟؟

النبی من انتقل من الدنیا ماکان فاتح العالم کله لهذا ما نقذ العالم کله واللی بعده کانت مهمتهم فتح المدن ایضا ما خدمو البشریة بذاک الشکل اللی نگدر نگول کانو رحمة و صار قتل و معارک ووو ... هنا وین الرحمة ؟

قبل النبي شلون كان شكل العالم عزيزي سام؟؟
المعارك الي حصلت كانت ضد اقوام حاربت هذا الدين والدين والنبي حب ينقذ العالم من الجهل والعبودية وهاي رسالة انسانية ..واضف لذلك كل الحروب القامت كانت ترسل رسائل لملوكهم وكانت الحرب اخر خيار...صح اكو احداث بعد النبي كان بعضها خطأ بس هالشي مايمنع ان نكول ان الاسلام والفتوحات والمعارك كانت جميعها نقمة!!هالشي مو عادل..
اما عن تالس ممكن اكو شخص اقدم منه حتى عرف ان الماء اساس الحياة..
الله عز وجل لما تقرا القران الكريم بعنايه وبفهم راح تكتشف عظمة هذا الكتاب وهو اعظم رحمة للبشر اذا طبقنا بالطريقة الصحيحة..

(الاصح انو ماکو شخص ثبت النه أنو احنه طلبنا من الله یجبنا من العدم هنا) و لهذا من یجیبنا هنا الله من واجبه یقوم بأمورنا و یدارینا أحنه ما طلبنا منه نجی هنا و لا ولا ... بعدین ابدا ما نگدر نثبت لـ ای شخص ملحد لو ما یعرف الله أنو الله یسمعنا ... هذا یعنی هذا الدلیل ما نگدر نعتمد علیه ..

طيب احنا ليش نتذمر من رب العالمين ونكله ليش خلقتنا لهلحياة..
خو نروح على امنا وابونا ونكللهم ساعة السودة الي تزوجتوا بيها وخلفتونا..
اما عن اثبات لشخص ملحد ان الله يسمعنا او مايسمعنا ..الملحد يحس نفسه فكره حر وماكو عوائق براسه لكن بالحقيقه هو اكثر شخص مايعرف شنو الحقيقة ومايتقبل الحقيقة ولو ظهر الله عز وجل امامه..
والقران الكريم يقول انك لا تهدي من احببت ولكن الله يهدي من يشاء..
وهالشي حكمة من الله عز وجل لاانا ولاانت نعرفها لان احنا بشر اخي سام ومانعلم الغيب..

ای مثلا هذا الشخص لازم یصیر معاق حتی بالاخرة الله یدخله الجنة و الله من باب الرحمة خلاه هنا معاق حتی هناک یدخل الجنة ... انت ما تشوف هذا الامر مضحک شویون ... اذا الله ارحم الراحمین من دون ما یسلب صحة هذا الشخص المعاق المفروض یدخله الجنة ...

خليني اجاوبك على هالنقطة جواب اكثر منطقية اخي ..
اول شي مثل ماهناك ناس اصحاء هناك معاقين صح..
طيب ليش الله خالق الصيني هيج والافريقي هيج وهذا طويل قامة واخر قصير واخر عيونه زرق والخ بنيه..
غير اكو ضروف ايضا تتحكم بهالشي..
ليش ماتكول الحروب والاشعاعات النووية هي ساهمت على ان ينخلقون بشر معاقين؟؟
ليش مانرمي اللوم على البشر بدل مانرمي على رب العالمين؟؟
كم حالة لاشخاص معاقين خلقوا معاقين بسبب الحروب والضروف القاسية العايشين بيها والي سببها ظلم الانسان تكبر الانسان جبروته؟
اعتقد هالاسطوانة اصبحت مشروخة جدا لان الحقيقة لاتجامل..

المفروض من یگول اجیب دعوة الداع اذا دعان یوگف علی کلمة و یکون گد کلمته ... من یگول ادعونی استجب لکم ما حدد ای نوع من الدعاء یستجیبه ... لهذا لازم یجاوب علی دعواتنا

سام العفو منك اخي لكن هذا رب العالمين ومو اخوك ولاموظف عندك ياعزيزي..
اي نعم يجيب دعوة الداع لما تدعي بصدق وبنية حسنه وتكون مؤمن ومقتنع ان الله راح يسمعك ويستجيب لك..اما اي دعاء يستجيب..هو الدعاء النقي الي مابي قطيعة رحم ولابي أذية على بشر وكثير ادعية أخرى..رب العالمين ميريد يأذيك بدعائك بقدر مايسمعلك ويستجيب الشي الي يحسه ينفعك..

اذن الله عادل حسب هذا کلامک بس مو بالضرورة من یکون عادل یکون رحیم ...الا اذا تثبتلی أنو العدالة هی الرحمة و تجاوب علی اسئلتی بخصوص هذا الامر

ببساطة جدا
الله رحيم بعدالته ولاتكلي اثبتلي اذا انت تحاول ماتقتنع برحمة الله اخي سام..
عادل لما شخص كل حياته لايصلي ولايصوم لكنه بيوم اطعم حيوان او كف اذى عن طريق شفعتله يدخل الجنة وعادل لما شخص يصلي ويصوم ويتعبد لكنه يغتاب الناس ويتعامل بالربا وهالاشياء تمهدله طريقه نحو جهنم..
انا مااريد ادخل بتفاصيل الجنة والنار بس احنا بصدد مناقشة عدالة ورحمة ربانية واعتقد المثالين الي ذكرتهم كافيات ..

الصحة ما تدل علی الرحمة ..تدل علی أنو یرید یمتحنک .. وما اعرف شنو ربط الامتحان بالرحمة..

كيف الصحة ما تدل على الرحمة؟؟
شنو الي يمنع الله عز وجل يموتك في الحال؟؟
كم شخص بصحة وعافية ومايعاني من اي مرض وتوفى فجأة؟؟
اخي الصحة والعافية نعمة ورحمة لو تحمد ربنا عليها 1000 سنة مراح توفي حقه..
ولاتكلي واجبه وهو مسؤول عني و و ..
الصحة رحمه ومن يريد يختبرك حتى يعرف وين تريد توصل..تتمسك بي لو تكفر بي (حاشاه)

الحدیث القدسی یگول ... رزقک مقسوم فلا تتعب ... لهذا یعنی حتی لو اگعد ببیتی لازم یجینی رزقی

ههههه اخي سام
عزيزي الحديث هذا مالازم تاخذ منه كلمة وتترك ، كمله..
"يا ابن آدم
خلقتك للعبادة فلا تلعب وقسمت لك رزقك فلا تتعب فإن أنت رضيت بما قسمته لك أرحت قلبك وبدنك وكنت عندي محمودا
وان لم ترض بما قسمته لك ف وعزتي وجلالي لأسلطن عليك الدنيا تركض فيها ركض الوحوش في البرية ثم لا يكون لك منها الا ما قسمته لك وكنت عندي مذموما"
اعتقد الجواب كافي

بس مریم المقدسة علیها وعلی ابنها السلام هیچ کان یسویلها مع أنو هی ما کانت تشتغل

هل انت عيسى وتلك مريم
اجل هم بشر
لكن هذه معجزة لاان اضع قدم على قدم واتحدى الخالق واقول له هيا اتني بالطعام والا كفرت بك!!!

اذا ما اگدر اعرف وین محل رحمته ولا اشوف الها اثر فـ عندی حق أنو ما اقبله أنو هو رحیم لأنو ما مقتنع بی لأنو ما فهمنی و دلانی علی رحمته وحتی من بحثت علیها ما حصلت جواب مقنع..

اخي سام هنا ارد على تساؤلك بسؤال؟
انت لما عبدت الله عز وجل شنو السبب؟؟
عبدته لخوفك من عنده!!
عبدته وفق ماشفت اهلك يعبدوا!!
صح احنا بالفطرة انخلقنا على دين ابائنا واجدادنا وجميل بالامر ان كل شخص يتعمق بدينه وعقيدته لكن يجب ان نكون صادقين مع من نعبد...
لما تسالني اخي بشار ليش تعبد الله انت..
بكل قناعة اكلك لان الله هو الرحمن الرحيم..
راح تكلي وين رحمته بحياتك؟
اجاوبك واكلك رحمته مو شرط المسها بقدر ماانا احس بيها بكل خطوة وبكل نفس اخذه..
اخي سام
قبل ان تسأل عن رحمته
اسال نفسك لما تعبده؟

زین قبل کم سنة اصطدم نیزیک بروسیا وین کانت رحمة الله حتی تمنعه من الدخول بالارض ؟ یگولون الدایناصورات انقرضن بسبب نیزیک زین مو رحمته وسعت کل شیء لیش ما رحمهن بوقتها ؟ اگدر اگول لک انو هسه اذا الله یحافظ علی الارض مو من باب الرحمة من باب انو گاعد ینتظر وقت القیامة حتی یسوی حدث مخیف وعظیم و من بعدها یگعد یحاسب الناس علی کل لحظات حیاتهم

راح اجاوبك واكلك قبل سنة تقريبا صار زلزال بالعراق هزة ارضية الكل كالوا عمي هذا غضب الله ولما صار تسونامي عمي هذا غضب الله ولما صار اعصار ايرما عمي هذا غضب الله..
طبعا الي يحجي هيج بعض من المسلمين الجهله السذج..
ليش مانسمي هالشي ظواهر طبيعية؟؟؟
علماء الجيولوجيا والجغرافية شنو الكالوا عن هالشي؟؟
وهنا هم راح أسالك..
اذا اعصار او نيزك تسبب بقتل 100 الف شخص..
كم شخص من اول ماخلق الله البشرية لغاية اللحظة كم شخص مات بسبب الحروب؟؟
هل الله هو من صنع الحروب لهم؟؟
انا بس ببلدي العراق من الله خلق هالوطن لغاية اللحظة ماتوا منه ناس بسبب سذاجات وغباء الحروب والقتل والارهاب..
ليش مانحاسب البشر والمتسببين بهالمأسات قبل منحاسب رب العالمين ؟؟؟؟؟
منوو احنا ..اي احنا منو؟؟؟
وين رحمة الإنسان لأخيه الإنسان؟؟؟
كم شخص اليوم يكره الاخر فقط لأن يختلف معاه عقائديا ؟؟
العنصرية..
الولاء..
كم من انسان يكره الاخر لأتفه الأمور؟؟
أين هي رحمة الإنسان اخي الحبيب سام؟؟؟

طیب شنو نفعنا من هذا الشیء؟ شلون تگدر تقنعنی أنو الله مسخر النا مافی السموات ؟؟

اخي سام!!!
الشمس ابسط مثال شنو تأثيرها على الارض؟؟؟
عوفك من اهميتها للبشر
اسالك عن اهميتها للنبات للحيوان لكل المخلوقات!!
هم مراهمه اكلك هي تشرق وتخلينا نشوف لان هالشي واضح...
طبعا مااحجيلك ع القمر والنجوم و و الخ لان اساسا كلها تسخرت النا بس البشر مو راضي

بس اذا ما تتوب راح تخرج من رحمة الله مو ؟؟ رحمته وسعت کل شیء !!!

رحمتي سبقت غضبي..هذا مايقوله الله عز وجل..
وانطيتك مثال اعلاه عن الي مايصوم ويصلي ..
واحب اوضح نقطة مهمة جدا
البشر بالوانهم واجناسهم واعراقهم وايمانهم ليس لهم الحق بتكفير اي انسان وليس لهم الحق في قول هذا في الجنة وهذا في النار..
لان هذا الامر لله عز وجل فقططططططططط..

یعنی الله ما یرضی اتونس و اضحک والعب ؟ لو ما یریدنی اهتم بیهن

هههه اخي يمعود مو هيج اقرا كلامي زين
كتبتلك شكو تذكره بوقت الشدة وتنساه بوقت سعادتك..
ربك يحبك من تبتسم وتكون سعيد اتمنى تفهمني بطريقة صحيحة اخي العزيز..

شنو ربط هالشیء برحمة الله اخی؟

مثال الطيارة وان الانسان قزم كدام مساحة بسيطة فكيف يكون امام خالقه..
الربط هنا انك لاتتعالى ولاتتكبر وربطها بالرحمة بقوله تعالى ولاتصعر خدك للناس ولاتمشي في الارض مرحا ان الله لايحب كل مختال فخور..
رحمته انك واني وغيرنا نتواضع شويه حتى ننال رحمته


مع الاعتزاز والحب اخي سام

[فاينمن]

..


لكل سؤال تركته هنا يا سام إجابة
بينة لا ريب فيها ..

هذا الشیء یسعدنی صدقینی

وبالمناسبة هي ليست ببعيدة عنك
ولكنك ككل البشر يكسل عن البحث
ويريد الحصول على مبتغاه دون أن يكلف نفسه
عناء البحث .. والسعي والتجرد

مممممممم ... ممکن اکون کسول و ما متعب نفسی ...بس حاولت !!! ممکن نتیجة بحوثی السابقة وصلتنی لهذا الموضوع ... أنو اسئل سماحتکم عن هذه الصفة ایضا ...

ما معجزة نبيك يا سام ؟
إنه القرآن .. الدليل .. مشكاة الطريق
رسائل الله .. التي يعرّف بها نفسه إلينا
كلامه ..
هل من سبيل لتعرف أحداً أفضل من تأمل وتدبر كلامه ؟!

أنا اشغل نفسی ایضا بفهم القرآن و اعتبره کلام موثق و من الله سبحانه وتعالی ...بس ما متأکد أنو اعرف القرآن لو بمجرد التدبر فیه گدرت احصل علی کل مایرید ایصاله لی

فهل قرأت كلام الله بنية التعرف إلى الله وفهم مراده ؟!

نعم جدا ...

هل قراءته بغية دراسته لتعرف من يكون قائله
وما صفاته ؟ وما حقّه عليك وحقوقك عليه ؟

نعم صدیقتی

وهل هذا الرب الذي أوجدك من العدم يستحق أن تعبده وحده ؟

انا اعبد الله و اقبله أنه مالک السموات والارض و هو الله احد و قادر علی کل شیء و حی ...

ذلك الكتاب الذي قال فيه رحمن الدنيا والآخرة
( إن هذا القرآن يهدي للتي هي أقوم )

عندی ایمان بهای الایة ولأن القرآن یحثنا علی معرفة الله احب اتعرف علی صفات الله

كلنا يا سام تملؤنا الأسئلة
ونحتاج إلى خالق عظيم يضمنا إليه ويرمم صدورنا

صدقتی والله

إنه قريب يا سام ويسعف الصادقين في البحث عنه بسبل الوصول .. فقط اقترب إليه وسيعجل إليك بفتوحه وألطافه

ممکن اکثر شیء اغلب الناس یکونون بی صادقین هو معرفة الخالق ...فطرة الله التی فطر الناس علیها هو البحث عن المعبود ...بس المشکلة کیف نتقرب اله و هناک الکثیر من الموانع اللی مفروضات علینا

سأعود هنا إذا شاء وبإذنه سآتي ومعي الري الكامل لكل
ما قرأت هنا من عطش ..

شگد حلو هذا الکلام


هو أرحم مما يسعك تصوره .. سبحانه !

نعم سبحانه وتعالی

..

اسعدنی حضورک صدیقتنا الطیبة عُرَیب

[فاينمن]

حضرتك طلبت مني إجابات ولازم اجاوبك عليهن بكل إخلاص وأمانة !!
شوقت لمست های الرحمة قبل لا تکون بظروف صعبة لو من بعد ما کنت بظروف صعبة ؟؟
لمست رحمته من بعد مامريت بالظروف الصعبة

المفروض رحمته تمنعک وتحافظک من الوقوع بالظروف الصعبة

أنو الله رادک توصل لهای المرحلة الصعبة أنت تعتقد های رحمة ؟؟ اذن ثبتها النه کیف تکون رحمة ؟
خوية احنا نايمين ومتيهين كلشي واللي يروح زايد راح يجي منبه بأنه انته ماشي بالطريق الخطأ كأن يكون تعاملك مع الآخرين أو قساوة قلبك! ! الغاية الكبرى عد الله هي شلون يخلي قلبك رقيق ومحب وعطوف لكل شي

یعنی لازم یمررنی بالظروف الصعبة حتی قلبی یصیر رقیق وهو قادر بأن یلین قلبی من فرط رحمته و محبته

هاي كمرحلة ابتدائية حتى يوصلك لأهداف مرسومة إلك مسبقا لكونك إنسان

ممکن تخبرنا عن الاهداف المرسومة النا مسبقا ... شوف ای شیء تعلمنی هنا تکون صاحب فضل علی صدقنی

ووظيفتك بأن تكون بجانب الخير وتحارب الشر

بعض العلماء یگولون ماکو شیء اسمه شر ... لأنو کل شیء مخلوق و صادر من الله و الله خیر المحض و الخیر المحض ما یگدر یصدر منه شر ... ولهذا ما یعتقدون اکو شر بالعالم ... هذا الکلام بمعنی أنو وقت اللی ماکو شر و کل شیء خیر اذن لیش کل های الصعوبات اللی تواجهنا من یوم میلادنا لحد یوم القیامة ...وقت اللی کل الافعال و الحرکات و الالحداث خیر اذن لیش یحاسبنه الله علی انو فلان حدث شر و مو حلو ؟؟

وعندك إمكانيات هائلة تساعدك بهذا الشي بدون ماتحتاج لأي أحد حتى الله ماتحتاجه لأن انته تمثله بالأرض

أنو الله ما احتاجه بجزء من حدث من احداث حیاتی معناتها أنا بهذا الجزء( ولو یکون صغیر و بفترة زمنیة قلیلة کلش ) ما احتاج الله و غنی بنفسی و قائم بنفسی بذاک الحدث وهالشیء صعب انو نقبله احنه کـ مسلمین

.. رسالة الله تكول ليش انته غافل عن نفسك وماتعرف قيمتك الحقيقية (بعدين اشرحهه الك هاي الامكانيات العظيمة )

غافل عن نفسی لأنو الاحداث و الظروف و البیئة اللی موجود بیها ما ساعدتنی علی معرفة نفسی (المعرفة اللی یریدها الله منی)

. . إذا انته متجاوب وياه راح يبتليك شويه شويه .. راح يبديهه وياك بسلب الحظوظ (دائما الفقير يكول اني ماعندي حظ ) وراهه راح تمر بهزات عاطفية وأسرية ومهنية وبالفقر وبالأخير راح تتوازه وتنحصر بدائرة ضيقة وتختار تنهي حياتك وبهاي المرحلة اذا عرفت تجاوزهه راح تكعد تحاسب روحك وتعترف بأنه انته شكد كنت ظالم روحك وظالم الآخرين وتتندم على كلمة جرحت بيهه شخص أو أذيتلك حيوان أو عنفت طفل أو أذيت نمله تمشي على الأرض


های من الرحمة ؟؟؟ بعدین الله هو ما یحاسب نفسه مثل ما انما احاسب نفسی بأن جرحت شخص ووو یعنی الله ما یحاسب نفسه علی أنو خلانی بظروف صعبة ... وهو یعرف انو انا ما عندی احد غیره وما متمسک باحد غیره ... یعنی شنو ذنبی من ردت اعرف الله حتی یخلینی بهیچ ظروف ...


(راح توصل لهاي الدرجة ) مع العلم أن هاي الأخطاء تعتبر بسيطة بمفهومنا بس هي حيل جبيرة وراح تكعد تأنب روحك وتبكي وتتوسل بلله بأن يغفرلك بأنه انته كنت تطلب الرحمة من الله وانته أكبر ظالم! !

یغفرلی علی امور و احداث اللی هو گدر یعدلهن الی وما عدلهن ؟؟

وراهه راح تجي رحمة الله بعد ماتزهد من ملذات اصطناعيه اي (قشمريات ) ورق مطبوع وحديدة تمشي بالشارع ونفخه جذابيه وبيت مزخرف وسندويج مال لحم كلهه سوالف حشاكم(بايخه ) جاي نتوسل ونذل روح عظيمة على مودهه! !

اوک اتفق معاک أنو های الاشیاء مو مهمة بس های الاشایء المو مهمة هی من ضروریات الحیاة مو لو لا ؟؟


الله کان مهتم بیک و انت تگول مریت بظروف صعبة ؟؟ أنت شنو تعریفک من الله ؟؟ الله هو القادر القوی الغنی الرازق ارحم الرحمین ... های الصفات لو تخلیها علی ای شیء یکون شیء یفوق خیالنا باللطف معانا و یهتم بینا اکثر من عدنا...لیش من نوصل لله اللی هو منبع کل های الصفات الحلوة نقنع بالقلیل منه ... غیر هو ربنا

هسه راح اجاوبك عن الإمكانيات العظيمة المتاحة للإنسان وشنو قيمته عد الله !! وصلت لمرحلة بأن أي حدث يصير كدامي أحس بأنه هذا مر عليه مئات المرات واعرف شراح اجاوب واعرف شراح ينتج عنه واعرف المقابل شنو ردة فعله وبيش جاي يفكر وأكدر اتحكم بالحدث اخلي سلبي أو إيجابي وطبعا ماتعرف السعادة اللي انته بيهه ساعتهه بأنه تحس عندك إمكانيات هائلة حتى تتحكم بالأحداث وتكدر تدير اللقاء بما تشتهي روحك (المفروض مااتكلملك عن هاي الاسرار ) بس عسى أن يصحون الناس من غفلتهم ولهاثهم ورا أمور دنيوية بائسة ويعرفون قيمتهم !!


اوک ... اگدر انهی الحدیث هنا ... انت اخذت نتیجة و شفت نتیجة صبرک علی الظروف الصعبة و مقتنع ... بس سؤال الله ما گدر یخلیک توصل لهذا الفهم من دون ما تمر بظروف صعبة ؟؟ للعم الفیزیاء الجدیدة ببعض من جوانبها تتحدث عن های الامور (الاصح المفاهیم القریبة من های الأمور) اللی سولفت عنها ... قصدی یعنی البعض من هذول اللی جای یبحثون علی هیچ سالفة مو مسلمین و ما مرو بظروف صعبة ... قصدی الأخیر هو أنو الله لأنو ارحم الراحمین لازم یفهمک های الامور من دون ما یتعبک

أي واحد عنده إمكانيات ماراح يتكلملك عنهه لأنه مايريد يتربح من وراهه ولايدور صيت وسمعه !!

انا اعز هیچ اشخاص و احبهم ... هذول شأنهم عظیم عندی والله

انته مسبقا مو بحاجة الله حتى يرحمك لأنه انطاك قوة عظيمة انته بحاجة نفسك انته المفروض ترحم نفسك بنفسك .. الله والملائكة دورهم بأن يرشدوك على إمكانياتك بدون ماتطلب شي .

السؤال هو لیش یرشدونی بکل هذا الضیم ؟

بس مو ارحم الراحمین لأنو ما کان یحب أنو هذول الفقراء یاکلون الفواکه نفسها ...


هاي المراحل مو لأنه الله مانعهن عنك راح تلكاهن وراهه متاحات ولابالك يمهن لأن اتوماتيكيا راح تصغر معدتك وتحس بالرضا والقناعة بس هي خطة حتى ذهنك يصفه! مثل ماذكرتلك الله بس يدليك لأنه المفاتيح بيدك انته


سماحتک تبدی بکلام عظیم و بعدین بنهایة کلامک اعتقد تحاول ما تکمل بحثک ... أنو تگول بعدین راح تلگاهن هو یفتح سؤال الی أنو الگاهن بالاخرة لو بغیر عالم (غیر الاخرة) مثلا عالم موازی ... اگدر اسئلک عن التناسخ بخصوص هذا السطر ووو ... بس من تگلی معدتک تصغر هالشی ما احسه بمستوی کلامکم الرااائع اللی یسبقه ... شوف اخی المعدة ترید تکون کبیرة لو تکون صغیرة اللی یهمها أنو تتنعم بأکلات حلوة ... عجبنی کلامک بالنهایة ایضا کلام عظیم ... انت تفضلت و تگول أنو هذی الظروف الصعبة تصفی الذهن !! اگدر اعتبرها معلومة اسولف علیها بعدین بمدونتی ...(بخصوص بحثی عن الذهن ) ...سؤال اللی هسه لازم اسئله منک ..انت تعتقد بس هذی الطریقة موجودة لتصفیة الذهن ؟؟ اذا بس های الطریقة موجودة فیعنی الله عجز عن ایجاد طریقة احسن من های حتی عباده یرتاحون بوصولهم اله ؟ و اذا اکو غیر طریقة لعد لیش تعبک بهای الطریقة؟

طیب اذا یاخذ منک الصحة یصبح مو رحیم مو ؟؟ شنو رایک بناس هم فقرا وهم ما ظروف صعبة وهم یعانون من المرض ...

وشمدريك انته يعانون من المرض؟

هم خبرونی ... المریضین

المشاهد اللي تشوفهه العبرة منهه أن تساعد أكبر عدد من الناس وتمدلهم يد العون تعبيرا عن حبك ورحمتك! !

ولیش ربهم اللی خلقهم ما مد الهم ید العون لیش ترکهم بهای الحالة ؟ هذا السؤال بالبدایة وارد لـ الله سبحانه وتعالی

انته دائما انظر لنفسك وامكانياتهه اللي منحهه الك الله حتى تساعد بيهه على مود تنفتحلك مرحلة أكبر وتتعرف على الحقيقة! !

لازم ناس غیری یتمرضون و ناس یوقعون بظروف صعبة حتی انا اتعده مراحل الحقیقة ؟

مو كل المشاهد حقيقية بس انته أتعامل معاهه بكل جدية يعني طلع اللكمة من حلكك وحطهه بحلك جوعان والدواء مالتك انطيه لمريض وانزع حذائك وانطيه لواحد حافي


ولأن ماخذ های المشاهد بمحمل جد اسئل عن صفة الله ارحم الراحمین

ما بعرف های المقولة لمن وما اعرفها کلها بس المضمون مالها یگول ... احقر ناس هو اللی یمتلکون مال کثیییررررر و یشوفون شخص محتاج وعوض ما یساعدونه یشجعونه علی الصبر ... المفروض ینطونک افلوس اهوای حتی تعیش بیهن وبعدین من صار عندک باکتریا بامعائک تروح بافلوسک للطبیب و تصحی نفسک ...لو ع الاقل تعیش مدة من الزمن مثل ما انت ترید ...


من قال هذه المقولة انسان صادق مع نفسه !! صحيح أن احقر الناس من يمتلكون مال كثير ويمنعونه ويشجعونه على الصبر. .
المرض الحقيقي هي الغفلة. . النصيحة بالحلم فادتني معنويا وشكرت الله عليهه! ! اني ممنون لله لأن دلاني على الطريق وآني لازمه للنهاية ولو آني أشك بالنهاية لأن ماكو نهاية لمن استدل الطريق

کلامک حلووووو

کان من الممکن أنو تکون عندک وسائل راحة و وتستخدم های طاقتک للکثیر من الامور اللی ممکن تفید الجامعة البشریة بالنهایة


الراحة اللي تتكلم عنهه هاي راحة زائفة !! الراحة والسعادة الحقيقية أن تحس بكل ذرة بالكون وكل شي اله نكهة خاصة وذوق خاص من تكتشفهن راح تكتشف عظمة الله وشكد هو رؤوف وجميل وحنون وحنانه مايضاهيه حنان الأم لو بعد مليون عام ..
رائحة البرتقالة مثلا بيهه سر عجيب وبيهه ذبذبه راح تولد عندك ذبذبه بدماغك تفتحلك باب لسر من أسرار السعادة (انته جاي تفهمني؟ ) كل مشهد وكل فاكهة وكل حجر وكل رائحة وراهه ذبذبه تتناغم مع عقلك وتكتشف سر لسعادة جديدة! !
الأمور الدنيوية مابيهه سعادة كلهه زائفة

رائحة البرتقالة ایضا دنیویة ... حتی نحس بکل ذرة بالکون مو بالضرورة تکون بظروف صعبة ... نبی سلیمان من کان نبی و عنده ملک عظیم کان یحس بکل ذرة بالکون ... عدنا اهوای ناس عظماء یحسون بکل ذرة بالکون بس کانو برفاهیة اکثر من البقیة


شكرا سام

عزیزی اخی امجد الرااائع العظیم ....نورتنی


اللی بهذا اللون هو اسئلتی القدیمة اللی جاوب علیهن امجد و اللی بهذا اللون اسئلتی الجدیدة