هنا

[فاينمن]

مرحبا أخي سام
إستفسارك باللون الأحمر وجوابي بالبحري


حبیبی اخی بشار ... صح الله نطانه عقل ..لکن هو أنطانا العقل حتی یحاسبنه بی ... فهای مو رحمة لأنو هو کان عنده قصد أنو یختبرنا والعقل من ضروریات اختبارنا بهای الحالة اللی احنه علیها هسه ..و بعدین هذا العقل اللی نتحاسب بی ...

كيف العقل مو رحمه؟؟
العقل هو الي يخليك تكون انسان ارادي وتتخذ قراراتك وتختار طريقة تفكيرك وعيشك بالطريقة الي تناسبك انت..هل هذا الشي مو رحمه؟؟

شوف اخی من الله نطانه العقل وجب علینا امور ما موجبها علی غیرنا ... لو ماکان منطینه العقل کان سقطت عنا فهو لأن راد یوجب علینا الامور عطانه العقل ...

النبی من انتقل من الدنیا ماکان فاتح العالم کله لهذا ما نقذ العالم کله واللی بعده کانت مهمتهم فتح المدن ایضا ما خدمو البشریة بذاک الشکل اللی نگدر نگول کانو رحمة و صار قتل و معارک ووو ... هنا وین الرحمة ؟

قبل النبي شلون كان شكل العالم عزيزي سام؟؟

قبل النبی انبنت اهرام مصر العظیمة ... قبل النبی تحدثو عن العلم بالروم و بالهند ووو ایضا کانت حروب وصعوبات

المعارك الي حصلت كانت ضد اقوام حاربت هذا الدين والدين والنبي حب ينقذ العالم من الجهل والعبودية وهاي رسالة انسانية ..واضف لذلك كل الحروب القامت كانت ترسل رسائل لملوكهم وكانت الحرب اخر خيار

اسلم تسلم ... هسه هذا انت تشوفه خیار ؟؟ انا بصراحة ما اگدر انسب هذا الکلام لنبینا لأنو انسان بمعنی الکلمة هو اعظم من مستوی الانسان اللی نفکر بی هو شخص عظیم جدااااا یفوق اذهاننا شلون اگدر اقبل کان یگول اسم تسلم ...

...صح اكو احداث بعد النبي كان بعضها خطأ بس هالشي مايمنع ان نكول ان الاسلام والفتوحات والمعارك كانت جميعها نقمة!!هالشي مو عادل..

جمیعها نقمة.... جمیعها ... الفتوحات امر سیاسی ... والدین امر عقائدی و ایدوئولوژی لازن الناس هی تجی صوبه مو انت تروح تسوی فتوحات .... تلزم الناس باتباع دینک او اعطاء جزیة ....

اما عن تالس ممكن اكو شخص اقدم منه حتى عرف ان الماء اساس الحياة..

ماعندی علم بهذا الشیء

الله عز وجل لما تقرا القران الكريم بعنايه وبفهم راح تكتشف عظمة هذا الكتاب وهو اعظم رحمة للبشر اذا طبقنا بالطريقة الصحيحة..

المشکلة ما عدنا شخص بین های الناس الموجودین هسه کلها ... ماکو شخص یدعی أنو یعرف الکتاب کلش کلش ...


(الاصح انو ماکو شخص ثبت النه أنو احنه طلبنا من الله یجبنا من العدم هنا) و لهذا من یجیبنا هنا الله من واجبه یقوم بأمورنا و یدارینا أحنه ما طلبنا منه نجی هنا و لا ولا ... بعدین ابدا ما نگدر نثبت لـ ای شخص ملحد لو ما یعرف الله أنو الله یسمعنا ... هذا یعنی هذا الدلیل ما نگدر نعتمد علیه ..

طيب احنا ليش نتذمر من رب العالمين ونكله ليش خلقتنا لهلحياة..

لأن ما نعرف بدایتنا وما نعرف نهایتنا و ما نعرف عن مکانا بالخلقة حالیا .. کل های الاشیاء غامضة علینا ... و عمرنا القلیل بنسبة العالم ما یسمح النه نکشف مکانا بالعالم و من نرید ننتقل و نروح لذاک العالم یگولون اکو صعوبات ... احنه مساکین ... بس لأنو اشویون عدنا غرور گاعدین نعیش و الا کان لازم نموت من الاکتئاب بهذا العالم

خو نروح على امنا وابونا ونكللهم ساعة السودة الي تزوجتوا بيها وخلفتونا..

ایضا هم هم نگلهم بس احنه المهم عدنا معرفة ربنا مو جواب امنا و ابونا

اما عن اثبات لشخص ملحد ان الله يسمعنا او مايسمعنا ..الملحد يحس نفسه فكره حر وماكو عوائق براسه لكن بالحقيقه هو اكثر شخص مايعرف شنو الحقيقة ومايتقبل الحقيقة ولو ظهر الله عز وجل امامه..

هذا الکلام اجحاف بحق الملحدین العلماء ... البعض منهم لأنو کانو یحبثون عن الله و کلامنا احنه اهل الدین ما کان مقنع الهم صارو ملحدین ... ثق لو کان نبی یمهم و کان عنده جوابات الهم کان وافقو النبی ...

والقران الكريم يقول انك لا تهدي من احببت ولكن الله يهدي من يشاء..

لعد لیش ما یهدیهم ؟؟ اکو سلطة فوق الله تمنعه من هذا الشیء لو هو ما یرید ؟؟ و اذا مایرید لیش یعنی یقبل بعض عباده یبقون بجهلهم حتی بعدین یودیهم لجهنم

وهالشي حكمة من الله عز وجل لاانا ولاانت نعرفها لان احنا بشر اخي سام ومانعلم الغيب..

ای مثلا هذا الشخص لازم یصیر معاق حتی بالاخرة الله یدخله الجنة و الله من باب الرحمة خلاه هنا معاق حتی هناک یدخل الجنة ... انت ما تشوف هذا الامر مضحک شویون ... اذا الله ارحم الراحمین من دون ما یسلب صحة هذا الشخص المعاق المفروض یدخله الجنة ...

خليني اجاوبك على هالنقطة جواب اكثر منطقية اخي ..
اول شي مثل ماهناك ناس اصحاء هناك معاقين صح..
طيب ليش الله خالق الصيني هيج والافريقي هيج وهذا طويل قامة واخر قصير واخر عيونه زرق والخ بنيه..
غير اكو ضروف ايضا تتحكم بهالشي..
ليش ماتكول الحروب والاشعاعات النووية هي ساهمت على ان ينخلقون بشر معاقين؟؟
ليش مانرمي اللوم على البشر بدل مانرمي على رب العالمين؟؟
كم حالة لاشخاص معاقين خلقوا معاقين بسبب الحروب والضروف القاسية العايشين بيها والي سببها ظلم الانسان تكبر الانسان جبروته؟
اعتقد هالاسطوانة اصبحت مشروخة جدا لان الحقيقة لاتجامل..



جواب کل اللی تفضلت بی اخی ..:: اللی یخلینی اتجاسر و اسئل الله عن هذا الشیء لأنو هو قادر علی کل شیئبس العباد لا .. هو اللی یتحکم بالکون و العباد لله ... هو قبل کل شیء وبعد کل شیء و مع کل شیء بس العباد لا ...

المفروض من یگول اجیب دعوة الداع اذا دعان یوگف علی کلمة و یکون گد کلمته ... من یگول ادعونی استجب لکم ما حدد ای نوع من الدعاء یستجیبه ... لهذا لازم یجاوب علی دعواتنا

سام العفو منك اخي لكن هذا رب العالمين ومو اخوك ولاموظف عندك ياعزيزي..

و لأنو رب العالمین هیچ اکلمه ..ابدا ما انتظر من اخوی یکون گد کلمته لأنه حسب ما عرفنا کلنما الانسان جائز الخطاء ...بس ربنا هو منزه عن های الاشایء مو لو لا ؟ طبعا لأنو هو ارحم الراحمین حسب ما سمعنا و قرینا المفروض من اکلمه اکون مرتاح معاه اکثر من نفسی حتی ...


اي نعم يجيب دعوة الداع لما تدعي بصدق وبنية حسنه وتكون مؤمن ومقتنع ان الله راح يسمعك ويستجيب لك..

الله ما خله شرط لأستجابة الدعآ غیر انو العبد یدعی

اما اي دعاء يستجيب..هو الدعاء النقي الي مابي قطيعة رحم ولابي أذية على بشر وكثير ادعية أخرى..

اوافقک ...بس مو کل ادعیتنا هیچ ...اغلب ادعیتنا للخیر ...بس ما تصیرر

رب العالمين ميريد يأذيك بدعائك بقدر مايسمعلك ويستجيب الشي الي يحسه ينفعك..

اذن الله عادل حسب هذا کلامک بس مو بالضرورة من یکون عادل یکون رحیم ...الا اذا تثبتلی أنو العدالة هی الرحمة و تجاوب علی اسئلتی بخصوص هذا الامر

ببساطة جدا
الله رحيم بعدالته ولاتكلي اثبتلي اذا انت تحاول ماتقتنع برحمة الله اخي سام..

لا خویه اقتنع ... هسه بعدین من انزل النتیجة لهذا نقاشنا تعرف افکاری ممکن ...

عادل لما شخص كل حياته لايصلي ولايصوم لكنه بيوم اطعم حيوان او كف اذى عن طريق شفعتله يدخل الجنة وعادل لما شخص يصلي ويصوم ويتعبد لكنه يغتاب الناس ويتعامل بالربا وهالاشياء تمهدله طريقه نحو جهنم..
انا مااريد ادخل بتفاصيل الجنة والنار بس احنا بصدد مناقشة عدالة ورحمة ربانية واعتقد المثالين الي ذكرتهم كافيات ..

حلو کلامک

الصحة ما تدل علی الرحمة ..تدل علی أنو یرید یمتحنک .. وما اعرف شنو ربط الامتحان بالرحمة..

كيف الصحة ما تدل على الرحمة؟؟
شنو الي يمنع الله عز وجل يموتك في الحال؟؟

لانه یریدنی ابقی حتی یمتحنی اکثر

كم شخص بصحة وعافية ومايعاني من اي مرض وتوفى فجأة؟؟
اخي الصحة والعافية نعمة ورحمة لو تحمد ربنا عليها 1000 سنة مراح توفي حقه..
ولاتكلي واجبه وهو مسؤول عني و و ..

اوک ما اگول لک ...بس هو یعنی ربنا هذنی المفروض یسویهن

الصحة رحمه ومن يريد يختبرك حتى يعرف وين تريد توصل..تتمسك بي لو تكفر بي (حاشاه)

الحدیث القدسی یگول ... رزقک مقسوم فلا تتعب ... لهذا یعنی حتی لو اگعد ببیتی لازم یجینی رزقی

ههههه اخي سام
عزيزي الحديث هذا مالازم تاخذ منه كلمة وتترك ، كمله..
"يا ابن آدم
خلقتك للعبادة فلا تلعب وقسمت لك رزقك فلا تتعب فإن أنت رضيت بما قسمته لك أرحت قلبك وبدنك وكنت عندي محمودا
وان لم ترض بما قسمته لك ف وعزتي وجلالي لأسلطن عليك الدنيا تركض فيها ركض الوحوش في البرية ثم لا يكون لك منها الا ما قسمته لك وكنت عندي مذموما"
اعتقد الجواب كافي

صح هذا الحدیث بس انا اعتقد بس المقطع اللی ذکرته کان کافی ... شکرا لأنک جبت الحدیث کله


بس مریم المقدسة علیها وعلی ابنها السلام هیچ کان یسویلها مع أنو هی ما کانت تشتغل

هل انت عيسى وتلك مريم
اجل هم بشر
لكن هذه معجزة لاان اضع قدم على قدم واتحدى الخالق واقول له هيا اتني بالطعام والا كفرت بك!!!


من ذکرت قصتها حتی اثبتلک انو الله یگدر یسوی هیچ و هذا مصداق قدرته ..بعدین معجزة لمنو ؟؟ لمریم و زکریا ؟؟ هم اثنینهم مؤمنین ماکان عندهم حاجة للمعجزة ... وانت تعرف مثل ما قرینا القرآن یگول هذا الشیء یحدث بمحراب عبادتها و زکریا شافه و هی و ما ذکر احد غیرهم


اذا ما اگدر اعرف وین محل رحمته ولا اشوف الها اثر فـ عندی حق أنو ما اقبله أنو هو رحیم لأنو ما مقتنع بی لأنو ما فهمنی و دلانی علی رحمته وحتی من بحثت علیها ما حصلت جواب مقنع..

اخي سام هنا ارد على تساؤلك بسؤال؟
انت لما عبدت الله عز وجل شنو السبب؟؟

لأن هو خالقی وخالق کل الکون و الخلق

عبدته لخوفك من عنده!!

احیانا اخاف منه

عبدته وفق ماشفت اهلك يعبدوا!!

من صرت ادرس و اتعلم صرت انا ابحث عن عبادة الله

صح احنا بالفطرة انخلقنا على دين ابائنا واجدادنا وجميل بالامر ان كل شخص يتعمق بدينه وعقيدته لكن يجب ان نكون صادقين مع من نعبد...
لما تسالني اخي بشار ليش تعبد الله انت..
بكل قناعة اكلك لان الله هو الرحمن الرحيم..
راح تكلي وين رحمته بحياتك؟
اجاوبك واكلك رحمته مو شرط المسها بقدر ماانا احس بيها بكل خطوة وبكل نفس اخذه..

انتظر النتیجة اللی اذکرها بعدین

اخي سام
قبل ان تسأل عن رحمته
اسال نفسك لما تعبده؟

لأنه مبدع و خالق

زین قبل کم سنة اصطدم نیزیک بروسیا وین کانت رحمة الله حتی تمنعه من الدخول بالارض ؟ یگولون الدایناصورات انقرضن بسبب نیزیک زین مو رحمته وسعت کل شیء لیش ما رحمهن بوقتها ؟ اگدر اگول لک انو هسه اذا الله یحافظ علی الارض مو من باب الرحمة من باب انو گاعد ینتظر وقت القیامة حتی یسوی حدث مخیف وعظیم و من بعدها یگعد یحاسب الناس علی کل لحظات حیاتهم

راح اجاوبك واكلك قبل سنة تقريبا صار زلزال بالعراق هزة ارضية الكل كالوا عمي هذا غضب الله ولما صار تسونامي عمي هذا غضب الله ولما صار اعصار ايرما عمي هذا غضب الله..
طبعا الي يحجي هيج بعض من المسلمين الجهله السذج..
ليش مانسمي هالشي ظواهر طبيعية؟؟؟

ما کان قصدی اذکر مسئلة النیزیک لکنک من تفضلت و گلت شنو اللی یمنع انو حالیا شیء یصطدم بالارض ذکرت هذا الشیء حتی اثبت انو کل های ظواهر طبیعیة


علماء الجيولوجيا والجغرافية شنو الكالوا عن هالشي؟؟
وهنا هم راح أسالك..
اذا اعصار او نيزك تسبب بقتل 100 الف شخص..
كم شخص من اول ماخلق الله البشرية لغاية اللحظة كم شخص مات بسبب الحروب؟؟
هل الله هو من صنع الحروب لهم؟؟
انا بس ببلدي العراق من الله خلق هالوطن لغاية اللحظة ماتوا منه ناس بسبب سذاجات وغباء الحروب والقتل والارهاب..
ليش مانحاسب البشر والمتسببين بهالمأسات قبل منحاسب رب العالمين ؟؟؟؟؟
منوو احنا ..اي احنا منو؟؟؟
وين رحمة الإنسان لأخيه الإنسان؟؟؟
كم شخص اليوم يكره الاخر فقط لأن يختلف معاه عقائديا ؟؟
العنصرية..
الولاء..
كم من انسان يكره الاخر لأتفه الأمور؟؟
أين هي رحمة الإنسان اخي الحبيب سام؟؟؟

ما شاغل بالی حالیا بسوالف الانسان ..انا اعتقد انو ممکنک تکون مفهوم رحمة الله عند الله تختلف من اللی تکون عدنا

طیب شنو نفعنا من هذا الشیء؟ شلون تگدر تقنعنی أنو الله مسخر النا مافی السموات ؟؟

اخي سام!!!
الشمس ابسط مثال شنو تأثيرها على الارض؟؟؟
عوفك من اهميتها للبشر
اسالك عن اهميتها للنبات للحيوان لكل المخلوقات!!
هم مراهمه اكلك هي تشرق وتخلينا نشوف لان هالشي واضح...
طبعا مااحجيلك ع القمر والنجوم و و الخ لان اساسا كلها تسخرت النا بس البشر مو راضي


ذکرتلک انا عن نجم یبعد ملیارات السنین الضوئیة عنا ... اعرف فائدة الشمس النه ...بعدین حتی های الشمس مو مسخرة النا ... اذا شفتلک انسان عادی یگدر یتحکم بالشمس خبرنی

بس اذا ما تتوب راح تخرج من رحمة الله مو ؟؟ رحمته وسعت کل شیء !!!

رحمتي سبقت غضبي..هذا مايقوله الله عز وجل..
وانطيتك مثال اعلاه عن الي مايصوم ويصلي ..
واحب اوضح نقطة مهمة جدا
البشر بالوانهم واجناسهم واعراقهم وايمانهم ليس لهم الحق بتكفير اي انسان وليس لهم الحق في قول هذا في الجنة وهذا في النار..
لان هذا الامر لله عز وجل فقططططططططط..

عجبنی کلامک

یعنی الله ما یرضی اتونس و اضحک والعب ؟ لو ما یریدنی اهتم بیهن

هههه اخي يمعود مو هيج اقرا كلامي زين
كتبتلك شكو تذكره بوقت الشدة وتنساه بوقت سعادتك..
ربك يحبك من تبتسم وتكون سعيد اتمنى تفهمني بطريقة صحيحة اخي العزيز..

جوابی کتبته وفق ما تفضلت بی اخی

شنو ربط هالشیء برحمة الله اخی؟

مثال الطيارة وان الانسان قزم كدام مساحة بسيطة فكيف يكون امام خالقه..
الربط هنا انك لاتتعالى ولاتتكبر وربطها بالرحمة بقوله تعالى ولاتصعر خدك للناس ولاتمشي في الارض مرحا ان الله لايحب كل مختال فخور..
رحمته انك واني وغيرنا نتواضع شويه حتى ننال رحمته

مع انو ما اقتنعت بس اعتز بهذا کلامک ... السؤال اللی هنا ایضا یخطر ببالی ... هل جمیع المتواضعین هسه نالو رحمة الله ؟ اذا جوابک نعم ..شلون نالوها


مع الاعتزاز والحب اخي سام

بشار نورتنی اخی ...


الالوان هی نفس الالوان بردی علی امجد

[نائيةٌ .. جدًا !]

..

جمعتك بركة وبصيرة

مما ينبغي أَن يُعلم :أَن الرّحمة صِفة تَقتضي إيصال المَنافع والمصالح إلى العَبد
وإن كَرهها , وَشقتْ عَليه فَهذه هي الرّحمة الحَقّيقية . فأرحمُ النّاس بِك هو مَنْ شَق عَليك
في إيصال مَصالحك, ودفع المضار عنك !

فَمن رحمة الوالد بولده أَن يُكرهه عَلى التأدّب بالعلم والعمل
وَيشقُّ عليه بالضّرب وغيره ويمنعه شَهواته الّتي تَعود عَليه بضرره
وَمتى أهمل ذلك مِن ولده كان لقلة رحمته به,
وإنْ ظنَّ أَنَّهُ يرحمه ويرفهه ويُريحه
فهذه رحمةٌ مَقرونة بجهل ,كرحمةِ الأُمّ .

ولهذا كَان مِن تَمام رحمة أرحم الرّاحمين :
تسليط أنواع البلاء عَلى العبد
فإنَّه أعلم بمصلحته فابتلاؤه له وامتحانه ومنعه مِن كثير مِن شهواته وأغراضه
مِن رحمته به ولكن العبد لجهله وظلمه يتَّهم ربّه بابتلائه
ولا يعلمُ إحسانه إليه بابتلائه وامتحانه !

وَقد جاء في الأثر " أَن المُبتلى إذا دُعي له : اللهمّ ارحمه , يقول الله سُبحانه وتعالى
كَيف أرحمهُ مِن شيءٍ به أرحمه ؟ "
وَفي أثر آخر
" إِن الله إذا أَحبَ عبده حماه الدُّنيا وطيباتها وشهواتها , كما يَحمي أحدُكم مريضه "
فهذا مِن تمام رحمته به لا مِن بخله عليه
كيف , وهو الجواد الماجد الذي له الجود كله وجود جميع الخلائق في جنب جوده أقل مِن ذرَّة في جبال الدُّنيا ورمالها
.
.
وَمِن رحمته : أَن نَغَّصَ عليهم الدُّنيا وَكدَّرها لئلا يسكنوا إليها
ولا يطمئنوا إليها ويرغبوا في النَّعيم المُقيم في داره وجواره
فَساقهم إلى ذلك بسياط الابتلاء والامتحان
فَمنعهم ليُعطيعم
وابتلاهم ليُعافيهم
وأماتهم ليُحيهم
وَمن رَحمته بهم : أَن حذرهم نَفسه, لئلا يغتروا به فيعاملوه بما لايحسن معاملته به
كما قال تعالى
( ويُحَذّرُكُمْ اللهُ نَفْسَه وَاللهُ رءوفٌ بالعِبَاد ) آل عمران 30
قَالَ غير واحد من السلف : مِن رحمته بالعباد : حذرهم مِن نفسه لئلا يغتروا به
.
.
.
في ردك عليّ ذكرتَ أن هنالك موانع مفروضة علينا تحول بيننا وبين التقرب لله لم أعي ما تحدثتَ عنه
فماهي الموانع والعوائق وضحها لي لو تكرمت !


سام الطيب ..
الله أسأل أن يحول بينك وبين كل ما يمنعك من التقرّب والتعرّف إليه
وأن يدُلكَ على رحمته ويريك إياها في الدنيا والآخرة


سلام عليك



..

[Hunter]

اعتقد بأننا رسمنا فكرة الاله كأمل يجعلنا نتجرع ظلم و عشوائية الحياة لان تخيل ان يمر الشخص بظلم و معاناة دون منقذ ينتظره ان يرجع له حقوقه و ذهبنا ابعد من ذلك و واصبحنا نسميه ابتلاء او اختبار حتى نكدر نكمل حياتنا و نستمر في مسرحية سادية عشوائية . فكرة الرحمة لو لاحظت هي مصاغة حسب افكارنا و رغباتنا لانه إلهنا فقط كوناه تلبية لاحتياجاتنا و لتجرع الظلم لضمان الاستمرارية

[تاروت الملكة Queen Tarot]

ﻻ تعليق