هنا

[فاينمن]

قبل ان اجيبك على سؤالك اخي العزيز
انا ايضا اسئلك بعض الاسئلة
1 - هل انت موحد ؟

نعم

2 - هل انت مسلم ؟

نعم

3- لماذا تسأل هذا السؤال وهل عندك شك برحمة الله ؟

اللی مهم عندی هو انو اگدر اثبت الاشیاء المهمة بدلائل مقنعة ... ممكن اذا الان اسئل شخص مسلم بالشارع لو هنا عن دلائله لوجود الله يستند لي بالقرآن اكثر والعقائد لكن انا احاول اثبت وجود الله من خلال ما وصل له العلم الفيزياء.. و افكار العلماء ... من العجائب والغرائب الغير منطقية اللي نلاحظها بالعالم .. الرحمة ايضا اريدها جواب مقنع بحيث اگدر اقنع نفسی و ای شخص انو الله رحیم .. ما احب یکون عندی اعتقاد بشیء ما مقتنع بی ... لازم اکون صریح و واقعی مع نفسی و مع الله سبحانه و تعالی ..
اجبني على هذه الاسئلة وانا ساجيبك على سؤالك

هاى المشاركة حسيتها مهما لاغلب الاعضا لهذا اول رديت عليها .. شكرا اخي العزيز

[فاينمن]

افتتاح موفق للموضوع وراح اجاوبك على حسب المعلومات التي اتمركز عليها
1-اثبت لي ان الله سبحانه وتعالى ارحم الراحمين ' اثبت لي ان الله رحيم
عزيزي سام 2
اولا عليك التفرقة بسؤالك لأنه يحتوي على كلمتان متشابهتان تختلفات في المفهوم وهذا يخص الجملة الاخيرة
((اثبت لي انه رحيم ))
حينما تقول :-
بسم الله الرحمن الرحيم
هذه الجملة العظيمة يشار بها الى الكافر والمؤمن
لنأخذ نصف البسملة
بسم الله الرحمن /اي رحمن الكافر والمسلم بالدنيا "اما ان اكملت الجملة في النصف الثاني ستكون :-الرحيم//اي الله رحيم فقط بالمؤمن يوم القيامة


هذا الاختلاف بمفهوم مفردة الرحمن و مفردة الرحيم من ادب القرآن اعتقد لكن بالعربي اثنينهن يدلن على الرحمة و لأنو اريد الجواب مقنع بحيث يگدر یقنع ای شخص یعتقد بوجود قدرة حاكمة ع الكون مو بس المسلم .. لهذا ما التزمت ب ادب القرآن ...
((اثبت لي انه رحيم))
هذه جملتك تختلف عن السؤال الاول كأنه جزء منها
رحيم :-عطوف 'متسامح 'غفور للخطأ

هنا انت اعطيتني ترجمة مفردة الرحمة عوض انو تثبتلي ان الله رحيم ..
2-ما معنى الرحمة ؟

الرحمة هو الرأفة بالشيء والتسامح /رحمة 'يرحم'يرحمون ))

اهنا ايضا جاوبت على السؤال و انطيتني المعني

3-كيف تگدر تقنعنی انو الله ارحم الراحمین
الجواب في السؤال الاول

ماشاهدت الجواب اللي يقنعني بجوابكم على السؤال الاول ..ممكن لانو كنت تفكر انو يكفيني الجواب من القرآن ما كتبتو باقي الدلائل عندكم ...

4-لیش تعتقد انو الله لازم یکون رحیم؟
الله هو ارحم الراحمين وهو الإلة الواحد الأحد ولأنه إلة لابد ان يكون رحيما على عبادة وعلى ماخلق والرحمة استدلال على الخالق والرحيم التسامح مع خلقة وعبادة

هنا انت خبرتني بصفات الله لكن ما گتلی لیش تعتقد بهای الصفة اللي الله رحيم ..

5-.. انت تعتقد من ضروريات الخالق انو يكون رحيم ؟
نعم والآ الذين خلقهم من العدم واعطاهم التخيير وليس التسيير لن يعرفو الله او يعلمو بوجودة او يطمئنو الية 'والرحيم هو مايشار الية بالامان وراحة النفس وهدوئها


انو الله خلقنا من العدم مو دليل لرحمة الله انما الله كانت عنده فكرة و كان يحب يجريها و سواها ... بخصوص سالفة التخيير و التسيير بخصوص اخر ما وصلو له العلماء بمطالعة الوعى عند الانسان كشفو انو ببعض الحالات دماغ الانسان حتى يوصل ل 10 ثوان قبل حدوث الشيء يتخذ قراره هذا يعني بخصوص فكرة التخيير و التيسير لازم نفكر من جديد و لانو الله خارج محدودة الزمان ايضا ما نگدر نت أكد انو احنه مخيريين لو مسيرين ... بالاضافة انو عدنا ايات بالقران و احاديث من الائمة تساعد على فكرة التسيير ... كل هذا الكلام ما حصلنا بي شيء يدل على الرحمة
شكرا لك صديقي سام2 وتحيتي اليك عزيزي
نورتني عزيزي

شكرا على المشاركة صديقنا الطيب ... نستمر حتى نشوف شنو نحصل بالنهاية

[هيثم الغراوي]

يكفي أنه الخالق. . سبقت رحمته غضبه. .
وأقرب إلينا من حبل الوريد. .بدأ خلقي وبري وتغذيتي. .
في كل االمواقف سواء خير أو شر الله العالم بي.
(وما تسقط من ورقة الا يعلمها ولاحبة في ظلمات الأرض ولا رطبا ولايابس إلا في كتاب مبين )..
نحن المقصرون بحقه جدااا

[فاينمن]

هلو سام ...اعتقد انه اني عبر مسيرة حياتي ، ادركت بهواية هواية مواقف شخصية شلون تشملنا رحمة الله عز وجل و تكون انقاذ في مواقف يستحيل بيها بشر يگدر ينقذك ..

سؤالين يخطرن على بالي هنا .. السؤال الاول ليش الله اللي هو ارحم الراحمين اصلا يخليك بيهچ مواقف مؤلمة.. ممکن یکون جوابک انو ما اصابك من مصيبة فمن نفسك ... بس غير ایة تگول وما من دابة الا هو اخذ بناصيتها بمعني هو يوصلني للشر و للخير .. بعدين انو ينقذ شخص مستحيل انقاذه من بعد ما وصله لموقف مؤلم نگدر نسمیها قدرة و معجزة بس مو بالضرورة رحمة...
هاي المواقف تكون بيها الرحمة اكسترا ..لأن هي الرحمة already مشتغلة ٢٤ ساعة ك baseline ..

دكتورتنا شلون تثبتينهن النا هذن الحالات

انت گلت تريد اي جانب ممكن نتكلم بيه ..رح اتكلم عن جانب تعرفت عليه كطبيبة من خلال عملي ...و هو جانب جدا بسيط ..بس بنفس الوقت عظيم للأنسان ..لأن هو يجيله و هو عاجز ..
استميحك ان ارجع للبيت و يصيرلي مجال و اسولفلك ..

انتظر حضوركم بشوق
الى وقتها ..تقبل تحياتي

نورتو دكتورتنا

دكتورتنا الغالية ...

[فاينمن]

موضوعك واو سااتابع ثم اطرح رأيي

منووورةةة عصفورتنا ... انتظر رايك و تقييمك هم

[حازم البغدادي]

للاسف صديقي هناك مصاديق تدحض هذه الرحمة وهي تكوينية بحتة اي بعيدة كل البعد عن الصنعة الانسانية.
فالجفاف والقحط الذي اصاب بعض المناطق وانحسار ابسط المتطلبات وهو الماء وموت الالاف الناس بسبب الجوع والجفاف يثبت عكس ذلك .وكذا ولادة الطفل المعاق وما يخلقه من رواسب نفسية تجعل منه انسان يشعر بالنقص والمعاناة الى ان يتوافاه الاجل .اكتفي بهذين المثالين لان القائمة ستطول

[د. حسن سعيد]

مرحباً، شلون أعتقد الله رحمن ورحيم؟ أكثر من موقف صار لي ونجوت بتصرف قوة خفية شيء جاء خالف كل المعطيات التي كانت ستودي بي الى الهاوية، اذاً لا بد من أن هناك قوي قادر أنقذني وساعدني هو الله، ليش رحيم؟ لأن من صفات الانسان العادي المعتدل يكون مرة رؤوف ومرة شديد وهذا يسمى توازن الشخصية فكيف بإله خالق الانسان والكون لا بد بل ومن المسلمات أن يتصف بالتوازن وإلا لكان خلقه فوضوياً وتصرفه طائش وحاشى لله من ذلك، معلومات أكثر للأسف ما أكدر أوضح لك لأن ينراد فيلسوف أو شخص متمكن يوضح لأن أسلوبي جاف

[د. حسن سعيد]

هاى المشاركة حسيتها مهما لاغلب الاعضا لهذا اول رديت عليها .. شكرا اخي العزيز

الفيزياء تفسر ظاهرة كونية لكن اذا تريد اثبات الرحمة يلزمك الرجوع لقواعد الفلسفة والمنطق وقراءة الأحداث والترجيح بينها، مع ذلك أنا مثلك مرات أتعمد البحث بطريقة مادية عن أمور عقائدية حتى أعرف شلون أجاوب الملاحدة وأتباع الأديان غير السماوية اذا سألوني

[فاينمن]

اهواي دلائل على رحمته للبشر منها نعمه التي لاتعد ولاتحصى

نعمه التي لا تعد و لا تحصي اصلا من ضروريات هاى الخلقة و حتى تستمر فكرته اللى ابدته بيها .. يعني هاى النعم سواها لاكمال فكرته بمجرد انو يقطع النعم هاى ..راح تخرب فكرته و لازم يسوي بيها تغييرات حتى تستمر

ومنها انه سخر للناس مافي السماوات والارض للاستفادة منها والاستفادة للطرفين المؤمن والكافر

سالفة سخر لكم ما في السموات شوى صعب اذا نريد نقنعها لشخص غير مسلم لو ملحد ... وحتى النه احنه هم صعب نقنع بيها .. آخر هذا الفضاء الواسع العظيم اللي هسه احنه بهذا العلم توه عرفنا انو فقط 4% من هذا العالم كشفنا و نگدر نشوفه شلون نگدر نقنع انو مسخر النه ..مثلا منو من عدنا یگدر هسه یروح للشمس و یطلب منها تکون باردة لو يطلب منهل تتحرك من مكانها و تسوي ؟ بعدين اجدادنا اللي ماتو قبل مئات السنين شلون اگدر اقنعهم اللی هذا الفضا مسخر الهم ... بعدین بالارض هم مو کاشی مسخر النه مثلا انت تگدرین تتحکمین بالجاذبه و تخلینها دافعة ؟ تگدرین تسیطیرین علی الامکنة الغامضة بالارض .. طيب وين الرحمة بهذني ؟


و ارسل الانبياء رحمة للناس ((وَمَا أَرْسَلْنَاكَ إِلَّا رَحْمَةً لِلْعَالَمِين )) حتى يبينون للناس راحتهم وسعادتهم وين تكمن وانزل القرأن اللي بيه انظمة وقوانين لتنظيم حياة الناس
واهواي ظواهر منها المطر الليل والنهار كلها تدل على رحمته وكلها لراحة الانسان ..

انو انزل الانبياء رحمة جملة خبرية بس احنه نريد اثبات هاى الجملة ... اذا هو مهتم بسعادتنا ليش ما يخليها كلها بخير ؟ هو مو قادر و حکیم المفروض یگدر یسویله باب خروج من های المشکلة اللي احنه بيها ..


وايضا خلق بقلوب عباده الرحمة والمودة والتواصل فيما بينهم

التواصل بيناتنه من ضروريات حياتنا لهذا نتواصل ..

و من دلائل رحمته :مَن جَاءَ بِالْحَسَنَةِ فَلَهُ عَشْرُ أَمْثَالِهَا ۖ وَمَن جَاءَ بِالسَّيِّئَةِ فَلَا يُجْزَىٰ إِلَّا مِثْلَهَا وَهُمْ لَا يُظْلَمُونَ..

هاى الاية مقنعة شوي ... بس اللي يمنعني من الاستناد عليها هو انو احنه بعدنا ما رحنه لعالم الاخرة حتى نشوف هاى الاية شلون مصداقها لهذا اى شخص عنده حق ما يستند عليها ..

وايضا "كَتَبَ رَبُّكُمْ عَلَىٰ نَفْسِهِ الرَّحْمَةَ ۖ أَنَّهُ مَنْ عَمِلَ مِنكُمْ سُوءًا بِجَهَالَةٍ ثُمَّ تَابَ مِن بَعْدِهِ وَأَصْلَحَ فَأَنَّهُ غَفُورٌ رَّحِيمٌ"


المفروض يكون رحيم جدا حتى اذا مو بجهالة هو مو ارحم الراحمين ..بعدين شنو مصداق هاى الاية بعالمنا هسه ؟

واستجابته للدعاء هذه رحمة من عنده ،من يكون الانسان بموقف لايحسد عليه فماكو اقرب من الرب اله يخلصه من مشكلته "وإذا سألك عبادي عَني فإني قريبٌ أجيب دعوة الداع إذا دعان "

كم مرة احنه دعينا و شاهدنا ناس اندعت بوقت الحاجة وكانو مضطرين و ما حصل شيء ..

عروض مغرية مو ؟على شنو تدل ؟اكيد على رحمته بخلقه.

اتمني انو احصل لي جواب مقنع و راح نحاول نستمع لجميع الافكار والاراء حتى نحصل على نتيجة

سوزاناااا اسعدني حضورك

[fairy touch]

دكتورتنا الغالية ...

اوكي سام ..
سؤالك الاول انه رب العالمين ليش اصلا يخلينا بمواقف صعبة و بعدين ينطينا الرحمة الاكسترا مو ؟
شوف اني ما رح اسولفلك بالقران و الدين و هالاشياء ..رح اسولفلك من باب فهمي للأمور ..
كل انسان من يكون ماخذ موقع قيادي في اي مجال ..يسوي سيستم ..قوانين ..انظمة ..و يعلن عنها ..و لازم موظفيه او جماهيره تتبع هالقوانين ،اما حتى تحصل اللي هو وعدهم بيه ..او حتى السيستم يمشي صح و الكل يستفيد من الغاية اللي تخلى الها هذا السيستم .
مثلا ...المدرسة كمثال ..الغاية منها شنو ؟ ان الانسان يتعلم ..
بيها سيستم ؟ اي بيها .
المدرسة ونسة و كيف و تحشيش ؟
الجواب لا ..
المدرسة دروس و امتحانات و ناس تطلع اوائل و ناس ترسب و ناس نص ونص ..
ناس تتعاقب و ناس تتكرم ..
هذا سيستم بشري ..اكو احد يگدر يگول انه سيستم ظالم ؟
و الله ليش اكو طالب يرسب ..لو ليش خطية الطلاب يمتحنون و يعيشون الضغط النفسي بالامتحانات و يسهرون الليالي و يبچون و و و ..اشكال قهر بيها المدارس ...احد يقبل يگول ع المدرسة ظلم ..لو من تشتكي منها يگولولك هاي كلها لمصلحتك ..تتعلم و تنمو شخصيتك و تقوى و بالنهاية تحصل الجائزة اللي هي النجاح ..و احتمال التفوق ..و هالجائزة توصلك لمراحل اعلى ..تعيين و فلوس و احتمال بعثة دراسية ..الخ الخ ..
مو كلها هاي الاشياء احنا قارين بيها و متقبليها و محترميها بخيرها و شرها ..بصعوبتها و ضيمها ..؟!
نفس الشي الحياة ..اتخيلها مدرسة چبيرة ...بيها امتحانات و ضيم و قهر و شلعان گلب و تفوق و رسوب و جوائز بالنهاية ..
الفرق هنا الجوائز الموعود بيها الانسان على لسان رسل اللي سوة هذا السيستم ( رب العالمين جل و علا ) هي جوائز عالية القيمة ما وراها نكد ..جنة ..فردوس ..للناجحين ...للي التزموا بآداب السيستم ..و قوانينه ..اللي وضعت اصلا حتى يرتقي الانسان و البشرية كلها ..

هسة نرجع لسؤالك ..ليش رب العالمين يخلي الانسان بهيچ مواقف..
الحقيقة احنا كل مشاكلنا ناتجة من احتكاكنا ابعضنا ..الناس بالناس ..
ناس تظلم ناس ..ناس تأذي ..ناس تسرق مجهود و مال ..ناس قوية شريرة ..ناس ضعيفة ..ناس تاكل ناس ..رب العالمين مو سبب المشاكل ..هو عز و جل خلا سيستم ..لو الكل ملتزمة بيه كان صار عدنا مدينة فاضلة ..لكن ما يلتزمون ..فعباده يتعرضون لمواقف مؤلمة و مؤذية بسبب اقرانهم ..شركاءهم بهاي المملكة ..و احيانا تكون هذي المواقف فوق قدرة الانسان على دفعها و حلها ..هنا ..تتدخل الرحمات الاكسترا ..اللي كلنا مجربيها و نعرفها و مارين بيها ..تتدخل الرحمة الالهية و تنقذ العبد و تدفع عنه و عن اولاده و اهله وماله و عرضه ..الخ ..و كل ما كان عملك عند الله و نيتك جيدة كنت اقرب اله و كان هو المدافع عنك ..لأنك ما تستحق ان تتعرض لمواقف ربما تسحقك ..و هذي رحمة خفية ..لأن اكو هواية دفع الهي احنا ما نكتشفه و لا نعرفه .
اتمنى اكون وفقت في ايصال وجهة نظري ..
اما الرحمة اللي كنت حابة اسولف عنها ابتداء ..فأأجلها لوقت اخر ..و انتظر اي تعقيب اذا تحب ..