هنا

[هيلــه]

والنعم منج يبت عقد الوله
شهدت لصبرج الشام وكربله
....

صبرج وبالدنيه ابد ماله مثيل
كل صبر ايوب كدامه قليل
واكع اكبالج لكيته المستحيل
يعينج الله ومابقه بس العليل
كده وكدود وعبرتي المعضله ..شهدت لصبرج الشام وكربله
...
والنعم منج يبت عقد الوله
شهدت لصبرج الشام وكربله
....
يالكفيله من بعد بدر التمام
اهواي كالو كربله هي الختام
نطق صبرج من سمع هذا الكلام
اني زينب بت علي والشام شام
صارت احروفج عليهم زلزله ..شهدت لصبرج الشام وكربله
....
والنعم منج يبت عقد الوله
شهدت لصبرج الشام وكربله
....
ذوله مايدرون اذ زاد العذاب
يثبت الموقف رغم كل المصاب
مو عجيبه وسبب من بين الأسباب
كبال عينج دفعوا اعله الزهره باب
يعني عشتي الصبر كله باكمله ...شهدت لصبرج الشام وكربله
....
والنعم منج يبت عقد الوله
شهدت لصبرج الشام وكربله
....
روس اخوتج على الرماح العاليات
وكفتج مثل الاطلاب الراسيات
هي ثوره وانتي روح التضحيات
روحج الماترضه عالذله تبات
بذمتج صارت رهينه العايله ..شهدت لصبرج الشام وكربله
...
والنعم منج يبت عقد الوله
شهدت لصبرج الشام وكربله
....
موعد الشام اقترب يوم القصر
خطبتج تشبهه بيانات النصر
لثوره الطف انتي يالحرة ذخر
اسعي سعيك يايزيد اول امر
اشلون موقف ذاك من اتخيله ..شهدت لصبرح الشام وكربله
...

والنعم منج يبت عقد الوله
شهدت لصبرج الشام وكربله
....

هله يربات المكارم والشيم
ياسبي ياخوف ياهم يا الم
منج يخافون يازينب نعم
جنهم يشوفون شيال العلم
انتي عند الله عزيزه مدللة ...شهدت لصبرج الشام وكربله
...
والنعم منج يبت عقد الوله
شهدت لصبرج الشام وكربله
....
بالنهايه توضح الراي السدي
واليريد الضفر يحسب للبعيدة
وين صار وين طغيانه يزيد
انتهى والنصر لحسين الشهيد
دورج الدور الحسيني يكمله ..شهدت لصبرج الشام وكربله
...
والنعم منج يبت عقد الوله
شهدت لصبرج الشام وكربله
....
الشاعر عمار هليل الواسطي

[ضياء المالكي]

شكراً للمجهود

[هيڤين' ♬✿]

شكراَ

[هيلــه]

شكراً للمجهود

الشكر لحضورك

شكراَ

العفوا نورتي