نوصي من تحت التراب ..لا تتركون المصاب
افنو لحسين الشباب ..وينكم يهل المجالس
.....



احنه جنه وياكم ونخدم سوه
.من عطش مذهبنه من دمنه ارتوه
اليوم ودينه رساله وي الهوه
الحجي البيها لكل عاشك دوه
هالرساله من القبور ..اقروا مابين السطور
تحجي كل قصه غيور ..وينكم يهل المجالس
...
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....
نزلونه بمكبره وطاح الدمع
ظلمه مابيها ضوه ولا من شمع
ولحظه لن يمنه ضوه كرب يشع
ولنها حرمه ومخليه ايد اعلى الضلع
كالت انطر من زمان ..نلتقي بهذا المكان
انتم اليوم بأمان ..وينكم يهل المجالس
...
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....
لا تتركون العزاء مهما جره
هناك بس هو النفع بالمكبره
شفنه ناس اهوايه ظلت حايره
لأن ماجانت مجالس حاضره
سمعوا هاي الكلمة زين ..دمعه وحده تصبها عين
تبرد اجروح الحسين ...وينكم يهل المجالس
...
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....
جم سؤال هناك لازم تنسئل
من السؤال الاول ادموعك تهل
السؤال يكول من جابو هزل
هم بجيت اعله الي الجتفوها بحبل
شمحله لو عندك جواب ....اي بجيت وكلبي ذاب
منها ماتسمع عتاب ..وينكم يهل المجالس
...
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....
نسولفلكم بس حقيقه مو وهم
والله هنياله القبل رايه لزم
شفنه ابوفاضل اجه بعينه السهم
واخذ وين ال بالعزاء رافع علم
ابو جف المنكطع ..يهالوادم بيه طبع
يحب رايه التنرفع ..وينكم يهل المجالس
...
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....

المايصدك هالحجي عنده خلل
وعقله مايستوعب الصار وحصل
حسين انطه لربه كلشي ومابخل
وربه كلشي انطاه واضربلك مثل
انته لو عندك خليل ..شما تقدمله قليل
حسين رحمة ابلا مثيل ..وينكم يهل المجالس

..
نوصي من تحت التراب ..لا تتركون المصاب
افنوا لحسين الشباب ..وينكم يهل المجالس
.....
الشاعر حسين طالب السماوي
....
MP3