ومضات شعرية عراقية 2018 ، 2019
عشاگ جنه قبل بس هسه لٱ ملينه
شفنه العشگ بي جرح
من طينه تعشگ طينه
شفنه العشگ مابي نفع سولتنه هاي البينه
شبيدي والمغرب فضحني !!
ثاري بلوه المغرب اعله الضايعين "
وهذا انه
هندمت روحي هلا بگلب المحطة
ولا ضحك سن القطار
ولا طحت بالرايحين
بالوجوه الما نودهم فاگدينك
يل عفتنه بيا حريمه .. مسامحينك
مسامحينك..واليصلن لسه يلچمهن سمارك
مسامحينك طبنه طوب شما نموت گبال دارك
شما تسومرنه الشمس نغفر خطيتك
وشنهي لو يعتگ جلدنه اباب بيتك.؟
مو خساره..مگابلينك
ومو خساره شما رخص يمك دمعنه
حاسبينك من الاعزاز وي اهلنه
انطگ ليش ! تتغطه ابندى المثلي
شيبي براسي وحد عن البحلي
جبـت الماي تتـوضه .. ولو گلي
هوه الماهو راسه بيمن يصلي ؟
غنه چفوفك گلايد ماي
جنّازه وطرب رمحين
لايعثر جدم بالشوگ
واظنونك رماد أخضر
چملت الگناطر حيل
للتاهو ابوحشة شوف
مد حلمك ضوه ومعبر
وهو يدري
مازلف شوفي إعلى غيره
ولادنت روحي إعلى غيره
ولاضحك بابي من أهد دگت إديه
المهم نرجع نغني
شما يضگنه الشيب
الشجر يفگد اغصانـه
ويرجع يورد
وأسلي الروح
نوبة بعشرة البيض
ولنها بلا سمارك روحي متعيش..!
مافاد ابجرح
فرگاك تمريض ..!
ولاضاع الوفة بسحر الدراويش
يا ولك ، يل ماتجيني ولا أجيك
بالك تخلّيني أنسى
بعد جمّلني وجع حتى آشتهيك
يا غلاة الوجع ليذكّرني بيك
گاعد بشباچك من سنين انت وهالدفاتر
المن تگص التذاكر
تركض تشيل الجنط والحزن المن
ناس ما منهم گمر
ناس مايسون خاشوگة شكر
من غبت عنهم ذبل جفن العيون
انه حسبالي بدمعهم ينچوون
ولا بشر منهم سأل
و الزعل ولما زعل
ولله اذا ردت الصدگ مايستحون
ادور عنك بروحي
ولگيتك بية متربع
شسولف وانه اشوفنك
غصن من الله متفرع
رد مع اقتباس
