السلام عليكم مااعرف منين ابدي مشكلتي
اني عمري 18 عندي علاقة حب وي اقاربي والكل يعرف احنا لبعض صارلي سنة وياه اليضوج هو يتدخل بهواي شغلات
احسها متخصه مثل علاقتي وي صديقاتي لبسي
ومن اناقشه يكول ماكو خصوصية بين الرجال وزوجته
ومااعرف شون اتصرف وياه اني مااريد اخسره
وبنفس الوقت اريد خصوصيتي
خطوبتي بعد كم شهر ومتخوفه منه
اخاف يتغير اسلوبه ويصير يتدخل اكثر
اريد حل اريد اغير تفكيره
اكيد هوه يحبج ويخاف عليج وهذا الشي عادي
غير شريك حياتج .. قابل هو اخوج ومتردينه يتدخل بخصوصياتج
اكعدي ويا واحجي ويا بالسالفة واتفقوا ع هالشغلات لبس وماعرف ايش هذني نواعم
صح هوه شريك حياتج بس هذا ما يعني تكونين بلا شخصية ويتحكم بكل شي ..لازم يكون الج رأي يحترمة ...اذا يتعود على الطاعة راح تفقدين هواي اشياء بالمستقبل ..لازم تتفقون على حل معين يرضي الطرفين
اتمنى لك حياة سعيدة
وعليكم السلام والرحمه
*** هو بدافع الحب كل اللي جاي يسويه كوني على ثقه من ذلك .
يعني الواحد مننا لو لقى وحده تحبه وتموت فيه لدرجة انها تتدخل بأدق خصوصياته ويزجرهه وماتنتهي . زين،،،، بالنسبة الي اذا يحصل معي هيج موقف انا اخليها تاج فوق راسي مو اتذمر منها واشكيها لأشخاص اخرين !!! .
عمي الحب حلو خاصة اذا كان لهذا القدر وكان من الاقارب يكون بعد احلى واحلى .
بس انتي كليله ؛ تره الشي اذا زاد عن حده ينقلب ضده يعني توقع فد يوم اكرهك مادامك الهدرجه تتدخل بخصوصياتي (عنج يعني) وكرري هذا المعنى عليه (التحته خط) مرات ومرات عديده لمن يستوعب ذلك ويدركه ويفهمه وقت كلما كرر تدخله بهاي الامور الماتخصه وماتعنيه .
والله يوفقكم لكل خير وصلاح وعالخيييير والبركة وبالرفاء والبنين مقدما .
حبيبتي اهم شيء تتفاهموا من البدايه ع كل شيء.. اجلسي وياه وناقشيه بهدوء شنو اللي م يعجبك .. لا يطيح الفاس في الرأس بعدين :/
ولما يقولك ما كو خصوصيه.. قولي له انت للحين م صرت من نصيبي يعني ابتعد شوي
بس بعد الخطبه ترا شيء جدا طبيعي يتدخل بكل أمور حياتكِ...
والله يوفقكِ حبتي ويكتب لكِ كل اللي فيه الخير
ما اريد اضيف على الي ضافوا الاخوة ،لكن حاولي تأجيل الموضوع اكثر
اذا هو اقاربك المفروض ثقافاتكم متقاربة
اذا عمره مقارب لعمرك غالبا الشاب بهيج عمر يحب يكون متسلط ويفرض رأيه على شريكته لكن بعد فترة ينتبه لنفسه . هذا اذا التسلط مو جزء من نظام العائلة يعني بعض العوائل لازم الرجل هو الي يحدد كلشي
كحل مؤقت حاولي تخليه بالصورة عن كل تصرفاتج ولا تخفين عنه اي شي يخليه بشك كوني واضحة امامه لعل هذا الشي يزرع الثقة بينكم أكثر
واذا شفتي ماكو نتيجة واجهيه بالرفض حتى يكون لك شخصيتك امامه بشرط ان لا تخسرين شخص يحبك ويهتم لأمرك من أجل أمور تافهة ممكن بسهولة الاستغناء عنها او ايجاد بدائل لها
الله يسعدكم
رد مع اقتباس
