شوكهم ... شوك الدموع لتضحكبخد الجفن ..!
أيدهم ... أيد النجوم
لتلعب بخد الكمر
لونهم ... لون الورود
التضحك ابوجه الفلح
عينهم ... لون الفجر
لمن يطر الصبح
جفاهم ...
جفه ايتام الكابلت وجه المكابر
وعتبهم ... عتب صياد
الخطف ... بس الجنح
عيبهم ... جتفوا زاد الوفه ...؟!
و كصو جفوف الملح
وحزنه ... حزن كاع
البارت بسكته و صمت ..؟
ودمعنه ... دمع أم
الشافت أوليد انذبح
و هوانه ... هو الشاطي
الباوس أخدود الجرف
وجرحنه بيوم الكبرنه
ايخوط الوفه اويانه
معلمين من الجهل ... ضكنه من خد الملح
و خذت ...
من بوست الكاع الدنيا وجهيين
واحد راسم من وجوهه أهلال وفرح
و واحد راسم أبخده ... عيون صلفه
و أثر بشفاف ... تلكه السان وكحه
وحجينه احجاية أخرس ...؟؟
مات ابحسرت الجلمه
و شوكنه ... شوك الكمر...
لمن يحن للنجمة
وزعلهم ... زعل أيد
أحلفت ما تحط حنه ..؟؟؟!!
وعذرهم عذر عاشك ... زعل
ما شاف ابتسامة
رد مع اقتباس
