هنا

[فقار الكرخي]

علة الحيهم نشامة الوطن ربانة
اذا واحدنة ضيم ايصيب جيرانة
بعد هدة عراقي.. المنيطك بركان
كبر الاطلســـــــي مايطفي نيرانة
ربينة ابيت واحد حظن واحد جان
لسة البيت واكف بامل ذكرانة
اول ماتطب للبيت ماكو ابواب
من سعف العراق البيت بيبانة
بنينة ابطيب اساسة وحاوطيناه شوك
ذني اثار ادينة ابوجه حيطانة
كتبنة اهنا عمر وهنا علي وعباس
طب ال كربله والنجف تقرانة
اكلنة بزاد واحد من فرد ماعون
ماتاكل وحيد الوطن وصانة
كدما لمة حلوة من ايصير الزاد
هور وجبل يكعد ياكل ويانة
جن بيت ابوذية جان ذاك البيت
وبكاع العراق الوكت خطانة
اذا تفرز شطرعن شطر معنة ايروح
من نلتم فقط يكتمل معنانة
ممكن نختلف بس اختلاف اخوان
مانعرف اتبات كلوب زعلانة
لذلك حتة مانتفارك اثبتهة
جماعية لكوهة كبور موتانة
الف بئسا لمن حاول يشب النار
او لوّن غايتة بالوان دخانة
ولف بئسا لمن حط بالشوارع موت
عله ظهرالجنايز جثث خلانة
طبوبينة رادو اعداء انصير
حتة البيت ذاك اتطيح عمدانة
وحك نسر العراق العله البيريات
وبهيبة وكفتة ابوجه عدوانة
وحك طبكة اجناحة الرجفت صوبين
بي يدرون اذا تنفتح جنحانة
علمنة الوطن غاية حياة الموت
وبجذع النخل بالحرب شدانة
وقسم وياه قسمنة من ايمسة الضيم
نمتد حدر جدمة ارواح يلكانة





ايهاب المالكي

[سمراء من قوم عيسى]

والنعم من العراقي

شكرا ع النشر المميز

[فقار الكرخي]

منورة

[عبق الهوى]

نخوة العراقي ديدنه