روحي من شافتك ** سجدت الحضرتك
ياحبيبي حسين ** نور عيني حسين
كربله موضوعي *
هيه بين اضلوعي * وقعت بدموعي
** واحسيناه
ياحسين الكيتك * من ضكت حريتك * بالكلب حبيتك ** وا إماماه
خلهم ايلوموني * انته شوف اعيوني * اعترف بجنوني ** واغريبا
انته معنه العشك ** كلبي بسمك يدك
ياحبيبي حسين ** نور عيني حسين
________________________________
كلك انته امروه * علمتي الخوه *
ماتجي بالكوه ** اتحب بالاحساس
خوتك تستاهل * ترفه مثل الكافل * من اجلها يقاتل ** ادخيله عباس
احمد الله اعليكم * الوفه اشكد بيكم * من يمر طاريكم ** تخشع الناس
كربله ابكل عصر ** ابجفها راية نصر
ياحبيبي حسين ** نور عيني حسين
________________________________
ابمملكة اوطاني * خنصرك سلطاني * كربله عنواني
** وانته قائد
خادم وممنونك * كل الخدمونك
ابدرب اليزورونك ** انه اجاهد
لو وكفت ابابك * ارتوي بترابك * دوم اعيش امصابك ** الله شاهد
العايش امصيبتك ** يحلم ابنظرتك
ياحبيبي حسين ** نور عيني حسين
________________________________
عايش آنه ابجودك * راسي عالي ابزودك * احسبني من اجنودك ** يا إمامي
عقلي هام ابطفك * ودي ألثم جفك * فدوه راح العطفك ** احترامي
يا حسين إحساسي * زينبي وعباسي
اعليك اريدن راسي ** يبقه دامي
راسي من ينجرح ** كون اضمده ابملح
ياحبيبي حسين ** نور عيني حسين
________________________________
علمتني الفارس * بالقتال اينافس * من مواقف عابس * آخذ ادروس
علمتني الورده * من تطيح ابشده * بالغصن تتحده * طبرة الفوس
ياحسين اشرايد * أبشر وبالزايد
ماكو غيرك قائد ** يرفع الروس
كاتب اعله الجفن * ماكو غيرك وطن
ياحبيبي حسين ** نور عيني حسين
________________________________
كربله ابوجداني * والعشك رباني * وابضريحك آني ** كلبي مجروح
ياسمار اجروحي* الله يجعل نوحي * مايفارق روحي ** آيا مذوبح
دمك القدمته * خورست هالسكته * لا حسين إلا انته
تصرخ الروح
ياحسين القلب * اندلك ابلا درب
ياحبيبي حسين ** نور عيني حسين
________________________________
كلمات الشاعر سليم الغزالي
رد مع اقتباس
المشاركة الأصلية كتبت بواسطة هيلــه
