كلمات قصيدة حبست دموع عيني عليك للشام مكتوبة كتابة - كلمات الشاعر عزيز الفيصلي
حبست ادموع عيني اعليك للشام
خوفي اتشوفني اعيون الشماته
واخنگ عبرتي وادفن بالآلآم
حرام انچان ساعه الليل اباته
على ظهور الهزل دارتنه الأيام
ومشونه ابدرب ما ماشياته
يتفرج علينه الخاص والعام
واحنه اخيالنه ماشايفاته
تدگ اطبولها ويضرب الدمام
سمعونه الحجي الما سامعاته
مرامي اعيونهم امضه من السهام
واصبح خارجي حسين و خواته
من بلد البلد والروس جـدام
وراسك عمه اعيون امدللاته
كل خطوه ابجرح ماشيت الاجناب
و كل نظره ابسهم ترميني العيون
وكل يوم اليسر عديته بمصاب
ومابيه جرح بمصيبتي ايهون
ريت ابدال راسك راسي ينشال
گد ما بالحجر چانوا يرامون
هلاهـلهـم طـرب واتـگول نشاب
علينه واستحي اشـچانو يـگولون
ردنه الگوم بينه ابليل يحدون
دولبنه الزمان اشلون دولاب
ضعنه بـالـخلگ مثل اليضيعون
طلعت امن الوطن وياك
عاين لي اشصفه ابحالي
انوبة من اطلع ويالگوم
من هيبتي اشــيصفالي
انه ام الخدر زينب
المحد شاهد اخيالي
اطب المجلس إبن زياد
وعين الغرب تبرالي
ركبت الحرم كلها
عيني اعليك يالوالي
منهو الي يرچبني
الناگه ارچابها عالي
حرمه وگطع بيه الحيل
وأريد الحيل يبگالي
ياخويه الطريج ابعيد
گلي اشلون بالتالي
حسين حسين ... حسين حسين ....
(( كلمات الشاعر عزيز الفيصلي ))
------------------------
كتابةة....Zahraa Al obaidi
لتحميل القصيدة mp3 اضغط هنا
رد مع اقتباس
المشاركة الأصلية كتبت بواسطة هيلــه
