أبو ناصر عنده انعال ابو الأصبع (اجلّكم الله) قديم ومعتز بي
ذاك اليوم انگطع يگول شديته وخليته بعلاگة نايلون سودة وحطيته تحت ابطي ومريت بسوگ الصيرفة
وچان يجي ابن حرام ويخمط العلاگة ويشرد وأركض وراه وأسب بيه .. ولك أوگف ولك أوگف .. مالحكت بي .. شرد ،
وهاي الناس التمت عليَّ وانا فحطان وذبوا علی وجهي ماي ..
وكل شوية واحد يگلي العوض على الله .. وانا مستغرب !!
ولهناك وگام واحد من أهل التصريف وسألني عمي العلاگة كم شدة بيها ؟ - انا گتله بعد عمك شدتين !؟
وهاي الناس صاحت والله حرامات
وصاح واحد يهل المروّة والغيرة لمو للحجي وكلمن على قدرته
وظلت الوادم تلملي دولارات
ولنهن صايرات عشرين ورقة
انا كيفت بيهن واتشكرت من الوادم اللي لمتلي
ولن الحرامي الباگ العلاكة يلحگني يگلي
ها تطيني نصهن لو افضحك وأگللهم شبيهة العلاگة السودة
انا خفت وانطيته عشر أوراق وردلي العلاگة السودة ..
ورديت لأهلي واسولف السالفة لأم ناصر وهاي أم ناصر بحياتها ماشايفة الدولار
لأن ((ماعدها گرايب بالخارج ايام الحصار والجوع يوديلها ورق دولار )) ..
ولا حصلت من واردات النفط ورق !!!
هيَّ صبتلي ماي وغسلت وجهي واشوية ارتاحيت ..
ولنها تگلي
هاي خوش شغلة بيها رزق دوم حطلك علاگة سودة وافتر بسوگ الصيرفة واتفق وي نفس الحرامي ..
حتى كلما يبوك النعال المشگوگ اتلملك الوادم ..
بس انت جثر الشدات !!
حته اتحصل اكثر !!
عفية ام ناصر عفية
حال المزوج من يلعب بوبجي
المشاركة الأصلية كتبت بواسطة ۅتـ,ـيـM,ـنـz,ـي
