قصيدة انه ماعندي وفه - مكتوبة كتابة - كلمات واداء مرتضى حرب - محرم 1440 هــ - 2018
انه ماعندي وفه
آنه ماعندي وفه ويه .. حسيني
.......
آنه بس بالضيج اعرفك
من عسه اعيوني عمه
ولـو گضت مشكلتي أنسه
اجـروحك الـتنزف دمه
ما مرجع من جميلك
ذره يا بن فاطمه
وهو نكـار الجميل
اشلون يتسمه ازلمه
امقصر ابگد رحمتك
امقصر ابگد رحمتك .. جـافيني
__________________________
آنه لو محترم نفسي
واستحي منك صدگ
چا بعد ماجيت ازورك
وبيدي عالشباچ ادگ
ملتهي ابروحي الحقيره
وناسي المتون الزرگ
وناسي من رگضن بناتك
خايفات من الحرگ
لو وفي چا جمرتك
لو وفي چا جمرتك .. تچويني
__________________________
الحذوة الميمون اروحن
فدوه آنه وكل هلي
انته لو تنطيني ظهرك
آنه ياهو ايظل إلي
ابداعة الصاحت عليكم
گـوموا عـدلوا محملي
مد لـي چفك تره آنه
ابـشاربك يابوعلي
ابداعة ابنياتك
ابداعة ابنياتك .. اتگر عيني
__________________________
هذا كله ومن اجيلك
ينترس چفي وأرد
يبوعبدالله اعله جاهك
آنه بعد الله اعتمد
ينطلب كلشي ابضريحك
ينطلب جاه وولد
ومن ترافة جـفن عينك
ربك امسوي الورد
ضايع وبس إنته
ضايع وبس إنته .. التدليني
__________________________
اشگد حنين ابطن صحنك
ينسه حته أمه الطفل
إتـحسبه خطار الرضيعك
اتـگول إجـه لعبدالله خل
اتگومـله اتگـلب رگبته
اتگـله هم لاحـك نبل
أتدللـه وتشتل ابروحه
العافيه ابچفك شتل
من محنتك ياحسين
من محنتك ياحسين .. انطيني
__________________________
(( كلمات و آداء ــ مرتضى حرب ــ))
محرم 1440
__________________________
كـتابةة..Zahraa Al obaidi
__________________________
لتحميل القصيدة mp3 اضغط هنا
فيديوو
رد مع اقتباس
