هنا

[أكرم.]

من التراث الباسمي الجميل جدا قصيدة
يبني صرخت يحسين ضلعك وضلعي
الشاعر الاستاذ الاديب جابر الكاظمي
القاء الرادود الحسيني المبدع الظاهرة باسم الكربلائي
التدوين سماعي خادمكم أكرم الياسري

(التدوين حصري لم تدون في النت)



الاستماع والتحميل
التحميل mp3 من درر العراق للصوتيات من هنا
تنزيل (18.4 MB)
الاستماع
القصيدة
المستهل
يبني اصرخت يحسين ... ضلعك او ضلعي... غيرن وضعي ... ما نشف دمعي
واتهشمت ضلعين ...... ضلعك او ضلعي ... غيرن وضعي ... ما نشف دمعي
يحسين آنه امك يوليدي.... آنه الزهره او يمك جيت
بيا حاله اتعنيتك يبني ...... ابنوح او آلام اتعنيت
شفتك عالتربان اكَبالي ..... صبيت ادموعي او ناديت
ريت الايد الكَطعت نحرك. هالايد انشلت ياريت
بالعالم امصابين ....... ضلعك او ضلعي ... غيرن وضعي ... ما نشف دمعي
واتكسرت صدرين .. ضلعك او ضلعي ... غيرن وضعي ... ما نشف دمعي

يحسين آنه الزهره او جيتك ... أصرخ آ يبني المذبوح
عطشان وهالنار ابكَلبك ...... تتلاهب مابين الروح
هاك اشرب من ماي اعيوني ... واتروه ابدمعي المسفوح
ليش اعله التربان اموسد.. كَوم اغفه ابكَلبي المجروح
يبني اشتشوف العين ... ضلعك او ضلعي... غيرن وضعي ... ما نشف دمعي
وبمهجتي اصوابين ...... ضلعك او ضلعي ... غيرن وضعي ... ما نشف دمعي

يحسين اتعنيت او شفتك ... طايح مابين الارجاس
يحسين امصابم ومصابي... نفس الحاله او نفس الناس
لوما ضلعي اتهشم كَبلك ... ضلعك بالطف ما ينجاس
شفتك مذبوح اعله الغبره ... بس جسمك جا وين الراس؟
متحير بأمرين................. ضلعك او ضلعي... غيرن وضعي ... ما نشف دمعي
صار الكسر كسرين ...... ضلعك او ضلعي ... غيرن وضعي ... ما نشف دمعي
حيرني امصابك يوليدي ... اوما ينشف دمع الاحزان
ما تخمد ناري ولا نارك ... شيخمد هاي النيران؟؟؟
لمن غابت روحك يبني ... منهو الحاضر يمك جان؟؟
ليش امغسل من دم نحرك؟.. ليش امجفن بالتربان؟
أصل المصيبه امنين....... ضلعك او ضلعي... غيرن وضعي ... ما نشف دمعي
يحصل دواهن وين؟..... ضلعك او ضلعي ... غيرن وضعي ... ما نشف دمعي
انشد يحسين او من نحرك .... ارد اسمع يوليدي اجواب
من صابو طفلك عبد الله ... او بعيونك شاهدته انصاب
هم اذكرته المحسن لمن ......... طاح ابدفعة ذيج الباب؟؟
جم لوعه اتحمل دلالك؟....... عينك شافت جم امصاب؟
صوب اصواب البين... ضلعك او ضلعي... غيرن وضعي ... ما نشف دمعي
واتحيرت مابين........ ضلعك او ضلعي ... غيرن وضعي ... ما نشف دمعي
حال امك يوليدي اتغير ... من شفتك والمدمع سال
والنوب ارد انشد عن حالك.... ليش اموسد فوكَـ ارمال
اكَعد خل افرشلك روحي... ويغسلك دمعي الهمال
كَبرك محفور بدلالي............... كَوم اتوسد بالدلال
شاف الكَلب هظمين... ضلعك او ضلعي... غيرن وضعي ... ما نشف دمعي
واتحملت حزنين........ ضلعك او ضلعي ... غيرن وضعي ... ما نشف دمعي

[هيلــه]

في ميزان حسناتك عمو

[ملكةه]

الكلمات كلش حلوه

شكرا عمو

[أكرم.]

في ميزان حسناتك عمو

الكلمات كلش حلوه

شكرا عمو

هلا بالوردات الطيبات
منورات عمو