كل المجالس تنفتح بسمك حبيب الزهره . شعر حسيني
بحزنك عشت قصة الم مولاي
بوصلة خيم راسم جرح بالماي
لمن اطب المجلسك الكاك
تتفقد وتسأل على الماجاي
...
والبكاء. في العزاء
...
بسم الله نفتح منزله لمن نرتل ذكره
وكل المجالس تنفتح بسمك حبيب الزهره
صح بهواك تعلكت روح المحب عالفطره
بس علمتنه ماتمك تنطينه عبره وعبره
وعذرني لو وكت اللطم لوتختلف أحوالي
يعيشني بالطف مجلس زينب احسها كبالي
مهضومه تعجز تسحب الانفاس
مشدوها بال وتندب العباس
موت وصهيل وركضه فوك النار
موقف يشيب خيالها ويراس
والدماء في العزاء
.......
عشكي حسين زينبي غيره عشك ماعندي
من اللطم انابمجلسك بحساسي اشوف المهدي
لتضن انا صاحب فضل من ابجي ولطم بخدي
حاجتنه عدكم سيدي ومنكم ثواب نجدي
....
آآآ يا حسين واخدمك بلحن المصيبه اقرالك
صوت الزجيه ينسمع من يلعن بجتالك
...
الماعايش أجواء الحزن معذور
مايعرف يقيم شهر عاشور
ولايكدر يشوفك على العباس
ظهر الشمس لجل الكمر مكسور
واللواء فالعزاء
.......
مكدر اواسي فاطمه لوشلعتها عيوني
اتمنه اواسي ازغر طفل بالخيل ويسحكوني
ورايد طلب من الخدم وموبسمي ويصيحوني
كون باسم ..عبد الخيم ..خدامك يسموني
صرخة رقيه تنسمع كل ماجبت طاريه
من عدها انت لو رحت جاشلها بالترجيه
الشافت ابوها اعله الرمح شتريد
طفله وحلمها ماعبر لبعيد
خنصر ابوها شالته من الكاع
ولمت وذر بي كملتهن ايد
والسماء. في العزاء
.......
كون اعله نحري بالسهم الطم وعيشن دوره
عبد الله ذاك المنفطم ماعبر ست شهوره
واعله المصاب المقترن عاشورك بعاشوره
الله يكل الفاطمه يافاطمه مأجورة
بيت الحزن يا فاطمه تأسس الج مجالس
لقصة مصابج والدمع تتشيد المدارس
بكل ماتم ومجلس حزن وياج
نبجي على البطف كربله بجاج
تدورين وين لينعى للمظلوم
تسجلين كلمن بالدمع واساج
والوفاء. في العزاء
.........
شمايكثر بصدرك لطم للحشر تبقه اثارك
باجر تميزك فاطمه دون الخلك تختارك
للجنه هيه ترفعك ويصير حيدر جارك
والنبي واولاد النبي يصيرون الك زوارك
وصدرك بجفين الكمر ايمسحه الك بالرايه
والواسه زينب عالسبي زينب تشكره هوايه
هناك الحسن يتلكه ضيف حسين
ويكله اهلا يالجريت العين
اليوم عن كل موقف نجازيك
موقفك دين اليوم ارد الدين
والجزاء في العزاء
.......
الشاعر علي السعيدي
رد مع اقتباس