هنا

[فقار الكرخي]

من وگع عباس لتهم خويه اريدك
اني زينب واعتبرني هم عضيدك
لاتهم ..احتزم ..على الزلم ..
ترباية ايدك
...............................................
غمض عيونك براحه واستراح
خلي نتقاسم سويه ها الجراح
لاتظن اگضيها دمعه لو نياح
صح عضيدك طاح بس موكلشي طاح
...............................................
ليه تذكر من گلتلي يالعقيله
من بعد عباس خويه انتي الكفيله
وغربتك..ودمعتك ..وشيبتك
ترباية ايدك
.........................................
خلي احجي واختصرلك بالكلام
حتى اعوفك انته ترتاح وتنام
من اجيتك شايله ارماد الخيام
ويمك انفضها عباتي والسلام
..............................................
راح اعوفك والبعد فتره گصيره
بصفة مرسل راح امشي مو اسيره
اتحضرت..من گلت..لو متت..
ترباية ايدك
............................................
من اجيتك ارد اطمنك لاتخاف
سنين يوسف ويه زينب مو عجاف
بيني وبين الگمر ماكوو اختلاف
والشمر عباس ثاني بعينه شاف
..............................................
من سبايه صرنه بس عدنه قضيه
ماادنگ راسي لو خنزر عليه
ماخفت ..ولا لذت..واوكفت..
ترباية ايدك.
..................... ........................
قدم عنك لو مشيت اني اختنگ
وهسه كلي شلون رايح نفترگ
ماشفت حتى عباتي تحترگ
ابقى وحدي وحرمله اگبالي صدگ
..................................‌..........‌ ‌‌‌..
اني صح الاحبال مشدوده بديه
بس وحگك ابد مامسوا رقيه
لاتون..لاتظن..واطمئن.
ترباية ايدك
.............................................
انته صح جرحي الجبير الماشفه
بكربله يمك عفتها العاطفه
الشام مني تريد صرخه وعاصفه
بمجلسه ايزيد اني اهزن موقفه
................................................
لاتظن زينب تخوفها العساكر
وهو حسباله اظل مكسوره خاطر
وكفتي ..ومشيتي ..وهيبتي
ترباية ايدك
.................................................
محمد الصالحي الديواني...

[سمراء من قوم عيسى]

من وگع عباس لتهم خويه اريدك
اني زينب واعتبرني هم عضيدك
لاتهم ..احتزم ..على الزلم ..
ترباية ايدك



عاشت ايدك