الحمل
الصبح مال مشترك وبعد الضهر سفر واتصالات مهمة وناس جديدة ..
يوم في تحسن تصاعدي بالبداية مال ومن الأوقات الحلوة عندك بعد الضهر يلي بتحملك سفر واتصالات مع ناس غرباء عنك اول مرة بتحكين .. والاوضاع بتاخدك لبداية شي جديد بحياتك وبتفكر اكتر بناحية العلم والفلسفة وانتبه اثناء السفر ..
عاطفيا .. يوم ايجابي حاول تفكر انك تحل مشاكل العلاقة واذا كنت اعذب فرصة لحب جديد ..
■النسبة المئوية :
●مهنيا : %80
●ماليا : %85
●عاطفيا : %79
●صحيا : %83
☆ الشمس بالأسد : كتير وضعها مناسب وجيد وبتحسن كتير من حظوظك ووضعك العام وبتزيد فرصك وعاطفيا افضل .
الثور
توتر الصبح وبعد الضهر تحسن كبير مال وراحة ومصالحات ..
روق الصبح وهدي الوضع وبعد الضهر انت بحال افضل عم تطلع من ايام سيطر عليك فيها الضغط والتوتر يلي حطك بمواقف صعبة .. حاول اليوم تخلص من القضايا العالقة عندك وحلها ورتب امورك المالية خصوصا بما يخص الشراكة عندك او ميراث او قصة قضائية بتنحل ..
عاطفيا .. ابتعد عن الزعل ولا تفكر بالماضي الوضع رح يتحسن عندك قريبا ..
■النسبة المئوية :
●مهنيا : %66
●ماليا : %73
●عاطفيا : %70
●صحيا : %69
☆ الشمس بالأسد : موقع للتغيير بتخليك تفكر اكتر بعيلتك واهلك بدك تنتبه وخاصة لاهلك وممكن تفكر تغير مكان سكنك او شغلك .
الجوزاء
شغل كتير الصبح وبعد الضهر شراكة او ارتباط والاجواء متوترة ..
خلص شغلك المهم الصبح وبعد الضهر مابتعرف اليوم من وين بتجيك المشاكل مع الناس وبتكون مو قادر تتحمل حالك والعالم بتصير تستفزك بزيادة .. حاول تهدى ولا ترد على حدا حتى تتجنب المشاكل وعندك فرصة لاتمام شراكة اليوم او تنضم لشركة ..
عاطفيا .. لاتتخذ قرارات متسرعة مشان علاقتك وحاول تكون مساير حتى ماتخسر حدا وفرصة كبيرة يلي بدو يرتبط ..
■النسبة المئوية :
●مهنيا : %60
●ماليا : %56
●عاطفيا : %65
●صحيا : %63
☆ الشمس بالأسد : انت أفضل وبتعطيك حركة اكتر سفرات قصيرة وتواصل مع المحيطين وممكن تشتري موبايل بس انتبه من حوادث السير ..
السرطان
بداية نهار حلوة وبعد الضهر شغل جديد ومسؤوليات جديدة عندك ..
ببلش نهارك باوقاتوحلوة وبعد الضهر عم تحس انك مرهق والشغل كتير عليك وماعم تلحق وهالشي عم يتركك بحالة من التعب .. لكن انت امام تطورات ايجابية اذا ما اهملت شغلك وكمان انتبهلي لصحتك ..
عاطفيا .. لاتقلق مشان العلاقة لكن لازم تقدمو تنازلات انت والشريك حتى يكون في حلول ..
■النسبة المئوية :
●مهنيا : %72
●ماليا : %62
●عاطفيا : %68
●صحيا : %59
☆ الشمس بالأسد : بتحسن وضعك المالي يمكن في مصاريف طارئة بس في مشروع جديد عندك ..
الاسد
بعد قصص عائلية حظ افضل تحسن بالمعنويات وفرص ..
في مواضيع بتشغلك بالبيت الصبح وبعد الضهر الأمور بالمجمل عم تحطك بالمكان المناسب عندك فرص وحظ واوقات حلوة ونجاح اذا بدك .. المهم استغل هيك يوم واستفيد من العروض المقدمة الك وحاول ماتثق بالكل ولاتخلي نيتك طيبة زيادة ..
عاطفيا .. يوم رومنسي بامتياز فيك فيه تعزز علاقتك او تبدا حب جديد اذا اعذب وحتى ممكن يرجعلك حب قديم ..
■النسبة المئوية :
●مهنيا : %79
●ماليا : %83
●عاطفيا : %82
●صحيا : %85
☆ الشمس ببرجك : وضعك منيح وفي انفراج وبدايات جديدة عندك رح تكون على كل الأصعدة ..
العذراء
سفر ونجاح الصبح وبعدها امور بالبيت بتشغلك كون هادي ..
استغل بداية نهارك لتنجح وتصل وبعد الضهر عم تشعر بمسؤوليات كبيرة عليك وانت مو قادر تحلها خاصة بما يخص بيتك وعائلتك والوضع العام بالشغل .. لازم تهدى وتفكر بحلول لكن لا تزعل لأن مو ذنبك ولا تنفعل حتى ماتكبر القصص وخليك متعاون ومساير قد مافيك ..
عاطفيا .. بتشعر بالاهمال ومو مرتاح حاول تلاقي شخص يريح قلبك مو يتعبو ..
■النسبة المئوية :
●مهنيا : %73
●ماليا : %60
●عاطفيا : %63
●صحيا : %67
☆ الشمس بالأسد : بتخليك تحب تضل لحالك اكتر وتبعد عن كتير ناس كانت عم تأذيك بكون في تأجيل محتمل بشغلك فانتبه ..
الميزان
بادية نهار مالية و تحسن عندك استغل يومك وتحرك ..
عم تبدا نهارك بقصص مالية وبعد الضهر عندك يوم لتطلع من وضعك لتتحرك لتروح مشوار لتسافر لتتلقى اتصالات لتلتقي عالم ولتقنع برأيك هاد الشي كلو بايدك فلا تضل قاعد محلك وغير وضعك للافضل .. وانتبهلي من حوادث السيارات وحاول تنجز امورك بهاليوم وتحل القصص العالقة عندك وكمان في قصة بتخص موبايل عندك وحتى ممكن تشتري سيارة ..
عاطفيا .. فترة ايجابية عم تمر فيها فيك اليوم تطلع مشوار مع الشريك وتعزز العلاقة ..
■النسبة المئوية :
●مهنيا : %77
●ماليا : %72
●عاطفيا : %75
●صحيا : %70
☆ الشمس بالأسد : بتحسن علاقاتك الاجتماعية مع محيطك وبتحس انو في اصدقاء بتساعدك ..
العقرب
نهارك حلو وأمور مالية عم تشغلك ومصروف زايد ..
طاقتك عالية بداية النهار وفي حلول وبعد الضهر عم تفكر اليوم بموارد مالية جديدة او كيف بدك تحسن شغلك ويكون في مردود افضل او انو تبدا شغل جديد .. وانتبهلي لمصروقك لان ماعم تحسب شو ضل معك ويمكن تقبض او تدفع بهاليوم ..
عاطفيا .. انت قدام نجاح عاطفي اذا قررت تستقر فكون جاهز واختار صح ..
■النسبة المئوية :
●مهنيا : %70
●ماليا : %79
●عاطفيا : %75
●صحيا : %74
☆ الشمس بالأسد : بتعطيك فرص لشغل جديد عندك ممكن كمان ترقية وشهرة وفي احيانا شوية ضغط من المسؤولين عنك انتبه ..
القوس
تعب الصبح لكن الضهر بتفرج وبتتحسن أمورك ..
أنت الصبح تعبان لكن الضهر رح تشعر بتحسن عندك وامور كتير رح تتغير عندك عم ترتفع الطاقة وممكن تسمع خبر حلو .. عم تطلع من حالة الركود ويكون في شي الك ممكن قصة بتنحل او شي جديد فخليك مستعد ورجع مكانتك بين الكل ورح تكون مدعوم بالحظ ..
عاطفيا ..من بعد صباح صعب انت افضل فلا تنطر الماضي وفكر بارتباط او استقرار حتى ترتاح ..
■النسبة المئوية :
●مهنيا : %85
●ماليا : %84
●عاطفيا : %80
●صحيا : %82
☆ الشمس بالأسد : بتعطيك فرص لسفر وتواصل افضل مع الناس وحظوظك بتتحسن بشكل كبير وبتعرف اشخاص جديدة بحياتك .
الجدي
الصبح منيح اجتماعية وبعد الضهر عدم رضا وتأجيل بامورك ..
حاول تخلص امورك الصبح لان المسا عندك توتر وعدم راحة وحاسس انو الدنيا مسكرة طبعا انت هيك رح تكون لكن الأمور مو بهالسوء ورح تفرج عليك قريبا ..بس مرقلي هالفترة واطمن كل شي رح يكون منيح بدي منك صبر وماتأمن لمين ما كان لان في ناس مابتريد الك الخير ..
عاطفيا .. لازم تعيش بعيد عن طريقتك بالحب وممكن حب مفاجئ يجيك الفترة القادمة ..
■النسبة المئوية :
●مهنيا : %69
●ماليا : %60
●عاطفيا : %65
●صحيا : %62
☆ الشمس بالأسد : بتحس وضعك المالي وبتعطيك حلول قضائية واستشفائية وبتحطك بمكان اريح الك ..
الدلو
ضغط شغل الصبح والضهر اجواء اجتماعية ولقاءات ..
بعد امتحان الك الصبح بعد الضهر عندك يوم اجتماعي عم تلعب فيه دور الصديق الأقرب من الكل عم تتلقى مساعدة اذا بدك وعم تنعزم وهالشي بخليك بحال افضل .. ووضعك مريح نسبيا ضمن الضغوط العامة فاستغل هاليوم لكن بنفس الوقت ممكن يصير مشكلة مع رفيق الك ..
عاطفيا .. لازم تفكر اكتر بعلاقاتك وتحاول تحل الأمور وماتتنازل حتى لو قلبك مشتاق ..
■النسبة المئوية :
●مهنيا : %69
●ماليا : %70
●عاطفيا : %73
●صحيا : %75
☆ الشمس بالأسد : بتعطيك فرص لشراكات جديدة مهنية وعاطفية لكن انتبه من نهاية اي علاقة ضعيفة عندك ولاتستفز الشريك هالفترة ..
الحوت
الصبح مبسوط وبعد الضهر تحديات ومسؤوليات مهمة ..
عم تكون علاقاتك مميزة الصبح وبعد الضهر حالة من التوتر عم تسيطر عليك حاول تبقى بعيد عن الانفعال وانتبه بمجال عملك حتى ماحدا ينتقدك .. وحاول تنجز شي وتكون دقيق بشغلك وانتبه من الناس يلي معك وركز دايما بأنك تعمل كل شي بوقتو ..
عاطفيا .. انت بحالة عاطفية مميزة لكن في شوية تعصيب انتبه من هالشي وروق ..
■النسبة المئوية :
●مهنيا : %75
●ماليا : %64
●عاطفيا : %69
●صحيا : %70
☆ الشمس بالأسد : بتعطيك مسؤوليات وشغل جديد كون جاهز ونظم وقتك واتبع نظام غذائي وصحي ..
رد مع اقتباس
المشاركة الأصلية كتبت بواسطة Đẩи̃̾๑$ђẩ
