هنا

[فقار الكرخي]

نزعة موت احسك بس اشوفك جيت

وتتراجف اديه من اقترب منك

وصيح بداخلي والنفس بيه يضيك

وتطلع مني روحي وتركض تحضنك

ونته وي المحب نار وفراشه تطوف

تجوي النار جنحه وما بعد عنك

يلوصفك كفرمن ينوصف لناس

وجنك ما كلت...وصفك فقط جنك

عظيم الصورك مشاك فوك الكاع

استحه حته الحسن من ينذكر حسنك

إنهجم بيت الوكت طلعك ليه منين

بالي الناس بلوه من زغر سنك

آني الما احب ..حبيت شدعي ءعليك

كلوب الما تحب بالغصب يهونك

ولاكولن عجيبه شلون هاي تصير

اذا حته البنات بهاي حبنك

يلعطرك عجب والورد منه يغار

ما شم الورد رايد اشمنك

ظنك.. بالمحب شتريد وصفه شلون

بس كلي ولك وانه انكلب ظنك




م

[ملكةه]

نزعة موت احسك بس اشوفك جيت

صارت بيه اليوم

شكرررا لك

[سمراء من قوم عيسى]

حلوو
شكرا