كلمات قصيدة من هجمت الخياله مكتوبة
كلمات قصيدة محمد مادريت اشصار مكتوبة كتابة - منتظر العبودي
((( محمد مادريت اشصار ... من هجمت الخياله )))
يابوالمرجله والزود
تمنيتك جنت موجود
صاحوا بالخيم فرهود
اخيك سلبوا اعياله
((( محمد مادريت اشصار ... من هجمت الخياله ))))
آ يا ليلة العاشر
زينب تكسر الخاطر
أمشي ويةالشمر باچر
وآنه طلابتي اطلابه
((( محمد مادريت اشصار ... من هجمت الخياله ))))
دذب چـفيتك الخضره
تاج حسين عالغبره
بالخيل انسحگ صدره
وذر متگـطعه اوصاله
((( محمد مادريت اشصار ... من هجمت الخياله ))))
انساها احچاية الخوه
بعد متلوگ مو حلوه
راحت وي ابو النخوه
ويه ايمينه وشماله
((( محمد مادريت اشصار ... من هجمت الخياله ))))
اسولفلك بعد منظر
ابجثث والينه نتعثر
عبينه انشگت من الجر
وآنه اطلابتي اطلابه
((( محمد مادريت اشصار ... من هجمت الخياله ))))
يمحمد وسف گاعد
لاخيك ما بگه واحد
على صدره الشمر صاعد
الچنت تتنومس ابجاله
((( محمد مادريت اشصار ... من هجمت الخياله ))))
لتحميل القصيدة mp3 اضغط هنا
رد مع اقتباس
