هنا

[ღ عِشق ღ]

ماتموت الغاضرية .. والقيادة زينبية


اخذت الراية العقيلة من الگمر
اتوجهت للشام ماهمها الخطر
ابخدر زينب عسكر الشام اندحر
دم اخوها حسين عالسيف انتصر

نتنصر هاي القضية .. والقيادة زينبية

__________________

عاهدت راعي المراجل والشيم
اتگله ياعباس ميطيح العلم
بعده هيه اتصير حارس عالحرم
فهمت بنت الصميده الما فهم

منها ترجف آل أمية .. والقيادة زينبية

__________________

مو مره ياناس زينب مو مره
تمشي گدام وعساكرهم وره
البيهه إيصد إيشوف سبع الگنطره
والشمر مذلول يمها ابعسكره

ياهو ماخذها سبية .. والقيادة زينبية

__________________


اتكفلت بعد الگمر بالقافله
هيه حارس صارت اعله العايله
من تسولف يعني صارت زلزله
ثوره الحره امتداد الكربله

تشهد اسكينه ورقية .. والقيادة زينبية

__________________

ماتذل ماتنكسر بنت النبي
بالمواقف تشبه حسين الأبي
لبوة الخدر أبد ماتنسبي
ترجف سياط الشمر من العبي

يارياحين الزچية .. والقيادة زينبية

__________________

هيه والسجاد للعيله الدرع
زينب الثوره بنتها من الدمع
باب حكم ايزيد لازم ينقلع
إلا بچـفوف العقيله ينشلع

منه ماتبقه بقية .. والقيادة زينبية

___________________

صاحت بقصره تره ايامك عدد
يايزيد ابكل وگت رايك فند
احنه عالحق من نموت ابمعتقد
الموت عدنه ايصير احله من الشهد

الشهادة ألنه هوية .. والقيادة زينبية

______________________


الشاعر سجاد علاء المحمداوي

________________________

كتابة Zahraa Al obaidi


تحميل او إستماع القصيدة mp3 اضغط هنا

[هيلــه]

شكراً عالمجهود

[ღ عِشق ღ]

شكراً عالمجهود

نورتي,

[ورقه توت]

روعه