هنا

[فقار الكرخي]

لا تعيش الشوگ سكته..

لا تضم عشگك لحد ما يمضي وكته..

لا تلف وتدور
ادريني بدليلك
مثل ما مستوطن بدلالي انت

(الهوى البسكوت يخنگ)

كلشي جاي تعيشه گبلك اني عشته..

شما تضم باچر يبين من عيونك

باچر الصفنات تكثر
ساعه تفرح
ساعه تحزن
ساعه وحدك
تذكر اسمي ابلا وعي و ينخطف لونك

عيش شوگك
اضمن لروحك متن واچفوف من يكثر ونينك..

عيش شوگك
و انـي عايش بيك لا تغلط بعد وتگلي وينك؟

فك روازين الگلب
لمن تحن.. وحني عينك

أكسر عيون المسافات بحنينك

حبني بس حبني بيقينك...

اني اجيتك چي احبك
اني احبك چي احبك
مايهمني تروح ترجع ما يهمني

لا تخلي بدربي عثرة

كل ظرف يبعدني عنك ما اقدرة..

حبني هي الدنيا فترة

القدر شنهو القدر؟.. بالحب نغيرة.!

حبني خليني استچن بفياي عينك
ارد اعيش بدنيا خضرة!

حبني خل اتهنى مرة..









حسين الجراح

[سمراء من قوم عيسى]

الله الله
عاشت ايدك

[اسرار الكون]

الله ،
حلو
عشت