هنا

[أكرم.]

القصيدة للشاعر الكبير
السيد عبدالخالق المحنّه
اداء الرادود الحسيني المبدع
الملا باسم الكربلائي
لتحميل القصيدة صوتيا ام بي ثري mp3
من موقع صوتيات درر العراق
تنزيل (18.5 MB)

للاستماع من اليوتيوب


كلمات القصيدة
خادم كتبوا عليَّ إمن المهد خادم
يا كلمه أحله إمن الشهد خادم
شايف ملك غار و حسد خادم

عالم الخدمه ربح ما بيه خساره
تاجر إوي حسين يا نعم التجاره
و الأمر يرجع لبو اليمه و قراره
تبقه آخر لو وسط لو بالصداره
تاجر و أتمنه و أطلب ما شئت تاجر
يا دهري ليش إتفاجأت تاجر
يستاهل الظل للأبد خادم

صامد إبوجه الرياح و راسي عالي
يستبد ليل الجروح و ما أبالي
ينفجر بحر المدامع من خلالي
آني بالعالي لأن خادم مثالي
صافي زمزم مذاقي و منبعي صافي
يشبه دليلي مدمعي صافي
لعيونك أبقه إعله العهد خادم

حررت نفسي عبد صاحب قضيه
و المهم عندي رضه الزهره الزجيه
آنا خلقي من تراب الغاضريه
من دمع زينب يوقعوا لي الهويه
زينب صبح و مسه ألهج بإسم زينب
إبلوحة دموعي تنرسم زينب
أفديها بالمال وولد خادم

آني خادم و الفخر يوم القيامه
أرفض الدنيه لجل لحظة كرامه
آني بالأخطار أواجه بإبتسامه
و بجبيني خدمتي ظلت علامه
وينه جم ظالم العاده الخدم وينه
إحنه البقينه و الصنم وينه
راح و بقه سيد البلد خادم

و الله لو من عمري ظلت بس ثواني
تنتهي إبكلمة حسيني خادم آني
من خدمة حسين حققت الأماني
حته جبرائيل وده إيحل مكاني
عالي صوتي عله أصوات المله عالي
شاء الله راسي بالعله عالي
نزلت سلاطين و صعد خادم

ويَّ كل ذبحة نحر أرفع نشيدي
ما أعوف حسين لو قطعوا وريدي
لا تساومني إعله إيدي إقطع إيدي
آني حته السيف يتلوى إعله جيدي
طاير سودني و بلايه جنح طاير
بشواقي وي طير الصبح طاير
بارك لي يا طير السعد خادم

ما يهمني الحاسد و حجي الشماته
آنه عندي الكل بحر موسه و عصاته
آني من مثلي إبشرف تخلص حياته
خادم العتره ملك حته إبمماته
شانه بس خادم حسين إرتفع شانه
رب السمه عالي وضع شانه
خيمه المنابر و العمد خادم

[نصرالدين البلداوي]

عاشت الايادي على الطرح
الملا عشق
كلمات السيد حيل رائعة

[أكرم.]

عاشت الايادي على الطرح
الملا عشق
كلمات السيد حيل رائعة

حبيبي دكتور نصر
اثلجت صدورنا بمرورك
كل الود