بعد ما أنشر كتب بالمكتبة صاير لازم موافقة الادارة والجماعة مدري وينهم يومين داز الكتاب محد موافق عليه
بعد ما أنشر كتب بالمكتبة صاير لازم موافقة الادارة والجماعة مدري وينهم يومين داز الكتاب محد موافق عليه
هاذي مومعقوله زينب والزمان اشسوه بيهاالمشاركة الأصلية كتبت بواسطة راهب
اتأكدت هيه العقيله من بديت اسمع حچيها
والحبل احمر أشوفه ضعفت وترجف اديها
والكفيل ابعين وحده لكن امركز عليها
شاف .. حاديها ماذيها .. والغالي تشتم
شاف .. حسراتي دمعاتي .. من عينه نزل دم
شاف .. زينب بإنتظاره ... زينب بإنتظاره
هذا المقطع الثاني :
رغم ان الشاعر شايفها سابقا .. وعرفها .. لكنه يعود الى السؤال الضمني .. وجاوبوه انها العقيلة .. ومع ذلك ما مصدك .. بعدين اتأكد من سمع حجيها .. بمعنى انها كانت تتكلم وصوتها مسموع ... المصداق الثاني اللي خلاه يتأكد .. هو رؤيته لمعصميها وهي محمرة من الحبل ..
مع ان هذا المنظر هو بالكوفة الا انه قد ابصر الكافل ( الذي اعتذر سابقاً ) ابصره بعين واحدة .. وهو ما يزال يركز بالنظر الى الظعن .. مع هذا التركيز .. هو شاف حاديها الجديد يشتم اباها واخوتها ...
بعدين ينتقل بالصورة لجنابه .. ويكول ايضا ان الكفيل شاف حسراتي ودمعاتي .. وعينه ( الكافل ) كام تنزف دم .. ثم ينتقل الى زينب عليها السلام .. ليكشف لنا انها بانتظاره ..
نعسان وضايج
على كيفك ويا ئسيد
هسه يشور بيك
طلعت الكوفه ابأسرها كلها تنشد وين أهلها
جابوا الحره ابوسطهم حته كلها اتباوع الها
هيه لو مو هيه سألوا هوايه متغير شكلها
كلمن ايباوعها يسأل وينه عباس الكفلها
ليش .. وحدها ماعدها .. اخوه ولاگرايب
ليش ... عافوها خلوها .. فرجه للأجانب
ليش .. تحچي بالإشاره .. تحچي بالإشاره
هنا الطلابة الجبيرة ... كلي : شلون ؟؟؟
تعال اكلك :
سؤال اهل الكوفة وين اهلها بيه معنيين :
الاول : انهم ما يعرفوها ولا كأن العائلة الطاهرة خلصت نص عمرها بالكوفة في كنف خلافة الامام علي عليه السلام .
الثاني : انهم ما يعرفون بالمعركة وتفاصيلها ... وهذا يدحض فرضية ان جنود الامام عليه السلام جلهم من اهل الكوفة .
بالحالتين راح تلكة الكوفة خارجة دائرة الارتكاز بالقضية ..
سالفة هاي الـ ( ليش ) ... سالفتها سالفة : يوصل لاقصى مداها ( عافوها : خلوها : فرجة للاجانب )
اني بس اريد اسال السيد الجليل والشاعر الجميل .. انت تعرف شنو معنى هذا الكلام ؟؟؟
وانت جابوني بمكانه اذا عدك جواب .....
فرجة للاجانب ؟؟؟ !!!!!
هذا المسكين امه داعية اعليه بحيث وگع بيد راهب
السيد يحجي على كد فهمه .. وهدفه .. فضت راحت
خلي اختصر السالفة :
لا خيال ولاحقيقه صعبه يتوصف حزنها
منهي بالنسوان تركض عالأخو وتترك ابنها
حته ناگتها غريبه يبست الدمعة ابجفنها
حذره من تمشي وقصدها حته ماتلچم متنها
نوگ .. من يمشن يتحاشن .. توكع هاشميه
نوگ .. عرفنهن حشمنهن .. اشرف من أميه
نوگ .. حسن بالمراره .. حسن بالمراره
اني بالشعر الشعبي مو كلش ... يعني ما اعرف بتقيناته وطرق تعبيراته ... بس افهم المعنى ... الرجاء من اهل الاختصاص يكللولي شنو سالفة البيت الملون بالاحمر ... شنو علاقته بالموضوع ؟
ومن راح تسمع القصيدة .. راح تلكه الحاج باسم يقراها بنمط حزين .. حزين ... بحيث يتفاعل وياه الجمهور اللاطم .. تفاعلا مثيراً ...
وبكيف الله بعد !!!
والعامي يمدد رجليه على كَد غطاه
بعد اكو بيت فاتك .. حاج
